ជប៉ុនជាប្រទេសមួយក្នុងចំណោមប្រទេសប្រើបណ្តាញសង្គម Twitter វ៉ាដាច់ Facebook

មិន​ត្រឹម​តែ​ Twitter ប៉ុណ្ណោះ​ទេ​ សូម្បីតែ Pinterest ក៏យកឈ្នះ Facebook នៅលើទីផ្សារ​ជប៉ុន​ផង​ដែរ។

បណ្តាញសង្គមគឺជាផ្នែកសំខាន់មួយនៃជីវិតមនុស្សសម័យទំនើប ប៉ុន្តែមនុស្សមួយក្រុមមានទំនោរប្រើបណ្តាញសង្គម​ច្រើន​ជាង​អ្នក​ដទៃ​។

បើនិយាយពី​បណ្តាញ​សង្គមដែលពេញនិយមនៅប្រទេសកម្ពុជា មិន​អាច​មើល​រំលង Facebook បាន​ឡើយ។ ជា​មួយនឹង​ចំនួន​អ្នកប្រើប្រាស់ច្រើន និងឥទ្ធិពលជាសាកល គ្មានអ្វីចម្លែកទេដែល​ថា Facebook ជា​បណ្តាញសង្គមលេចធ្លោ​ទូទាំង​ពិភពលោក។

Statcounter គឺជាសេវាកម្មវិភាគគេហទំព័រ តាមដានបណ្តាញសង្គមសំខាន់ និងវាស់ស្ទង់ចំណែកទីផ្សារ​សកល​នៃ​បណ្តាញសង្គមនីមួយៗ តាមរយៈការវាស់ចំនួនអ្នកចូលទៅកាន់តំណគេហទំព័រខាងក្រៅ ដើម្បីសន្និដ្ឋានទំនោរ​របស់អ្នកប្រើប្រាស់ ហើយព្យាករណ៍សមត្ថភាពរបស់បណ្តាញសង្គមនីមួយៗ។ តាមរបៀបនេះគេរកឃើញថា Facebook យកឈ្នះ កាន់កាប់ជាង ៧២,៤ % នៃពិភពលោក។

រូបភាព https://news.mynavi.jp/techplus/article/20220103-2242632/

លើសពីនេះ Statcounter ក៏អនុញ្ញាតឱ្យមើលទិន្នន័យមូលដ្ឋានប្រទេសនីមួយៗ។ ប្រទេសភាគច្រើនធ្វើតាមទំនោរទូទៅនេះ ករណីលើកលែងជាក់ស្តែងដូចជាប្រទេសចិន និងរុស្ស៊ី (ប្រទេសដែលប្រើបណ្តាញសង្គមផ្ទាល់ខ្លួន) ។

ក្រៅពីនេះ​​ជប៉ុនជា​ប្រទេស​ដែល​ងាក​ចេញ​ពី​ការនិយម។ ក្នុងនោះ Twitter មានភាគរយខ្ពស់ (៤៨.៦៥%) បើប្រៀបទៅនឹង Facebook ត្រឹម (១៦.៤%) ប៉ុណ្ណោះ។ គួរឱ្យភ្ញាក់ផ្អើល Pinterest ក៏វ៉ាដាច់ Facebook ក្នុងឆ្នាំ ២០២១ ដែរ។

រូបភាព https://news.mynavi.jp/techplus/article/20220103-2242632/

ក្រឡេកមើលទិន្នន័យ Uganda ជា​ប្រទេស​ដែល​មាន​អត្រា​ប្រើបណ្ដាញ​សង្គម​ដូច​ជប៉ុន តែមិនដឹងមូលហេតុ។ Twitter ក៏ត្រូវបានប្រជាជន Venezuela ចូលចិត្ត ប៉ុន្តែ Facebook នៅតែធ្វើបានល្អលើទីផ្សារនេះ។

ទិន្នន័យ StatCounter នៅ Uganda

សំណួរត្រូវបានលើកឡើងថាហេតុ​អ្វី? មតិយោបល់លើអុីនធឺណេតអាចឆ្លើយតបចម្ងល់ទាំងនេះ។

  • ខ្ញុំ​មិន​ចូល​ចិត្ត​របៀប​ដែល​ Facebook បង្ខំ​ឱ្យអ្នក​ប្រើ​ដាក់ឈ្មោះពិតទេ។
  • ខ្ញុំប្រើតែ Twitter, Reddit និង Imgur ប៉ុណ្ណោះ ប៉ុន្តែ Facebook និង Instagram ពិតជាមានឥទ្ធិពលខ្លាំង។
  • ជប៉ុនគឺជាដែនដីរបស់ Twitter ។
  • ខ្ញុំ​មិន​ចង់​ឱ្យ Facebook បង្ខំខ្ញុំភ្ជាប់ទំនាក់ទំនងជាមួយមនុស្សដែលខ្ញុំមិនចង់ភ្ជាប់នោះទេ។
  • Line គួរតែមាននៅទីនេះ ប៉ុន្តែខ្ញុំគិតថាព្រោះវាមិនពេញនិយមនៅប្រទេសផ្សេងទៀត។ 
  • ប្រហែលជាពិភពលោកម្ខាងទៀតទើបចម្លែក។
  • នៅដើមទសវត្សរ៍ឆ្នាំ ២០០០ ខ្ញុំត្រូវបានបង្រៀនពីតម្លៃនៃភាពអនាមិកតាមរយៈ 2-chan (ឈ្មោះបណ្តាញសង្គម​មួយ​ផ្សេង​ទៀត) ដូច្នេះបណ្តាញសង្គមដែលអនុញ្ញាតឱ្យលាក់ឈ្មោះតែងតែល្អជាង។
  • យុវវ័យសម័យនេះក៏ប្រើ TikTok និង Line ដែរ។
  • Facebook សម្រាប់តែមនុស្សដែលមានអាយុ ៤០ និង ៥០ ឆ្នាំប៉ុណ្ណោះ។

ប្រភព៖ http://jin115.com/archives/52336569.html

អនាមិកត្រូវបានចាត់ទុកជាចំណុចសំខាន់បំផុតរបស់ Twitter សម្រាប់អ្នកប្រើជនជាតិជប៉ុន។ លើសពីនេះធ្លាប់​មាន​ពេល​មួយ Facebook ត្រួតត្រាប្រទេសជប៉ុន ប៉ុន្តែស្រាប់តែ Twitter កើនឡើងនៅចុងឆ្នាំ ២០១៧ និងដើមឆ្នាំ ២០១៨ នៅពេលដែលចំណែកទីផ្សាររបស់ Facebook ធ្លាក់ចុះភ្លាមៗ។ ហើយក៏ជាពេលដែលព័ត៌មានឯកជនលេចធ្លាយនៅលើបណ្តាញសង្គមនេះដែរ។ មិន​ត្រឹម​តែ​នៅ​ប្រទេស​ជប៉ុន​ប៉ុណ្ណោះ​ទេ Facebook បាត់​បង់​ចំណែក​ទីផ្សារ​ក្នុង​ពេល​​តែ​​មួយ​នៅបណ្តាប្រទេស​ផ្សេងទៀត។

តើអ្នកចូលចិត្តបណ្តាញសង្គមអ្វី?

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: