ស្តង់ដារ​វាយតម្លៃសម្រស់​ស្ត្រី​ប្រែប្រួល​យ៉ាង​ណា​ពី​សម័យ​ Heian មក​ដល់​បច្ចុប្បន្ន

នៅប្រទេសអេហ្ស៊ីបសម័យបុរាណ មានស្រីស្អាតម្នាក់ឈ្មោះថា Cleopatra ។ ថ្វីត្បិតតែ ច្រមុះរបស់នាងទាបបន្តិច ប៉ុន្តែ​គេ​និយាយថារូបរាងរបស់នាងនាំមកនូវការផ្លាស់ប្តូរដ៏អស្ចារ្យក្នុងប្រវត្តិសាស្ត្រពិភពលោក។

មនុស្សស្រីស្អាតអាចបង្កើតការផ្លាស់ប្តូរដ៏ធំក្នុងប្រវត្តិសាស្ត្រ មិនត្រឹម​តែនៅប្រទេសអេហ្ស៊ីបប៉ុណ្ណោះទេ។ នៅប្រទេស​ជប៉ុនក៏មានស្រី​ស្អាតលំដាប់ខាងលើ​ដែរ។

ក្នុងអត្ថបទថ្ងៃនេះ ចូរក្រឡេកមើលសម្រស់ “ស្រី​ស្អាត​ទាំង​បី” នៅសម័យ Heian ខណៈដែលដឹកនាំប្រទេសជប៉ុនពេលនោះជាវណ្ណៈអភិជន។

ចំពោះចំណាត់​ថ្នាក់​លេខ ​៣ គឺ Daini no Sanmi ។

នាងគឺជាកូនស្រីរបស់ Murasaki Shikibu ដែលជាអ្នកនិពន្ធប្រលោមលោកមនោសញ្ចេតនាដ៏ល្បីឈ្មោះ Genjimonogatari ។ ទន្ទឹមនឹងរូបសម្រស់ស្រស់ស្អាត នាងសម្បូរស្នេហ៍ និងមានទំនាក់ទំនងស្មុគស្មាញជាមួយបុរស​អភិជន​កាន់​អំណាច​ជា​ច្រើន។

ពេលចាស់ទៅនាងត្រូវគេជ្រើសរើសធ្វើជាមេដោះ​អនាគត​អធិរាជ។ ជាមួយនឹងផ្លូវបើកចំហ Daini no Sanmi គឺជាគំរូល្អ និងជានិមិត្តរូបរបស់ស្ត្រីជាច្រើននៅសម័យនោះ។

ស្រីស្អាតទីពីរគឺ Fujiwara no Teishi ។

នាងផ្ទាល់ជាមនុស្សល្បីឈ្មោះម្នាក់ ដែលត្រូវបានមន្ត្រីស្រី Sei Shōnagon ដែលជាអ្នកនិពន្ធសៀវភៅ Makura no Soushi ។ ក្នុងស្នាដៃសៀវភៅ Makura no Soushi ក៏បានលើកឡើងថា នៅពេល Sei Shōnagon ជួប Fujiwara no Teishi ដំបូង ខ្នងដៃរបស់នាងស្អាតណាស់រហូតធ្វើឲ្យ​មន្ត្រីស្រីមើលភ្លឹករួចកត់ត្រាទុក។

ចំពោះចំណាត់ថ្នាក់លេខ ១ មនុស្សស្រីដែលស្អាតជាងគេក្នុងចំណោម “ស្រី​ស្អាត​ទាំង​បី” គឺ Izumi Shikibu ។

នាងបានបន្សល់ទុកសៀវភៅមួយក្បាលដែលមានឈ្មោះថា Izumi Shikibu Nikki (កំណត់ហេតុ​ Izumi Shikibu) ។ ខ្លឹមសារ​សៀវភៅនិយាយពីដំណើររឿង​ស្នេហា​របស់នាង។

ថ្វីត្បិតតែ ឋានៈរបស់នាងមិនខ្ពស់ ប៉ុន្តែនាងជាអ្នកធ្វើឲ្យ​ព្រះអង្គម្ចាស់ទាំងពីរដែលអាចឡើងកាន់តំណែងអធិរាជ ធ្លាក់ក្នុងអន្លង់ស្នេហ៍ មនុស្សស្រីម្នាក់ដែលផ្លាស់ប្តូរប្រវត្តិសាស្ត្រ។

ខាងលើនេះគឺជា “ស្រី​ស្អាត​ទាំង​បី” នៃប្រទេសជប៉ុន ដូច្នេះតើស្តង់ដារ​អ្វីខ្លះ​ដែលកំណត់ចំពោះសម្រស់នារីជនជាតិជប៉ុនកាលសម័យបុរាណ?

កត្តាទីមួយ និងសំខាន់បំផុតគឺសក់ខ្មៅ វែង ភ្លឺរលោង។ មិនសំខាន់លើមុខមាត់ រូបរាង បុគ្គលិក​លក្ខណៈនោះទេ អ្វី​ដែល​សំខាន់​បំផុត​គឺ​សក់។

ដូចដែលបានពន្យល់ខាងលើស្ត្រីអភិជនសម័យ Heian ស្លៀកគីម៉ូណូ ១២ ជាន់។ មិនចាំបាច់វិភាគលើសម្លៀក​បំពាក់​​នីមួយៗ​ក៏ឃើញថា សម្លៀកបំពាក់ស្មុគស្មាញ បង្កការលំបាកដល់ជីវិតប្រចាំថ្ងៃ។ មិនត្រឹម​តែប៉ុណ្ណឹង​ ស្រ្តីសម័យ​នោះ​ទុកសក់វែងក្រាស់ ហើយត្រូវថែទាំជាច្រាំឲ្យ​សក់ខ្មៅរលោង ស្រ្តីទុកសក់វែង ចំពោះអ្នកដែលខ្ពស់ទុក​សក់​វែង​ប្រហែល ៨ ម៉ែត្រ។

ចំណែក​មុខ​មាត់វិញ? ថ្វីត្បិតតែ មុខមាត់ជាកត្តាទីពីរបន្ទាប់ពីសក់ ប៉ុន្តែមិនអាចខ្វះក្នុងការកំណត់ភាពស្រស់ស្អាត​នោះទេ។ ស្រីស្អាតសម័យ Heian ច្រើនតែមានមុខមាត់ដូចខាងក្រោម៖

• ត្របកភ្នែកវែង
• ច្រមុះ និងមាត់តូច
• ថ្ពាល់មូល

ដើម្បីឲ្យ​កាន់តែងាយយល់ អ្នកអាចស្រមៃគិតមុខមាត់តុក្កតា Hina ។

រូបភាព https://heian-jidai.com/104.html

បើ​តាម​ស្តង់ដារ​សព្វ​ថ្ងៃ​នេះ ជាទូទៅស្រីស្អាតមាន​ភ្នែក​មូល​ធំ បបូរ​មាត់តឹងណែន ដែល​ឃើញ​ថា​ផ្ទុយនឹងស្តង់ដារនៅ​សម័យ Heian ។

ក្រៅពីនេះ ទាបគឺជាអាថ៌កំបាំងធ្វើឲ្យ​ល្បីឈ្មោះនៅសម័យ Heian ។ តារា​ម៉ូដែល​សម័យនេះបើកើតនៅសម័យនោះអាចត្រូវគេចាត់ទុកថាមិនស្អាតទៅវិញ។ ទោះជាយ៉ាងណា ត្រូវមានលក្ខណៈពិសេសមួយមិនថាកម្ពស់ទាប តែ​ដៃ​ត្រូវ​ស្រឡូន​វែង។

នេះ​គឺ​ជា​ព្រះពុទ្ធ​បដិមា​ដែល​បង្ហាញ​យ៉ាង​ពេញលេញ​នូវ​សម្រស់​ដ៏​ពិសេស​របស់​មនុស្សសម័យ​បុរាណ។

រូបភាព http://yamatoji.nara-kankou.or.jp/01shaji/02tera/01north_area/hokkeji/

តើស្អាតដែរឬទេ?

មនុស្សសម័យនេះប្រាកដជាស្រឡាំងកាំង។

ហាក់ដូចជាមនុស្សស្គមមិនមានប្រប្រិយភាពនៅសម័យមុនទេ ត្រូវមានសាច់ទើបគេរាប់ថាស្អាត។

ទោះជាយ៉ាងណា បើប្រៀបទៅនឹងរូបរាងខាងក្រៅ ការអប់រំនៅតែត្រូវបានគេលើកកម្ពស់។ នៅសម័យនេះអាចមើល​ដឹង​ថា នារីម្នាក់មកពីគ្រួសារមានការអប់រំ Waka (កំណាព្យជប៉ុនដែលមាន ៣១ ព្យាង្គ) ។ នាង​ជា​មនុស្ស​ដែល​អាច​​ប្រើ​​ពាក្យ​ពេចន៍ពីរោះបង្ហាញ​អារម្មណ៍​ស្រស់​ស្អាត សមត្ថភាព​នេះធ្វើឲ្យ​នាងទទួលបានការគោរព មិនមែន​មក​ពី​រូប​រាង​របស់​នាង​ទេ។

Izumi Shikibu ជាស្រីស្អាតលំដាប់លេខមួយនៅសម័យ Heian ហើយក៏ជាគ្រូ Waka ផងដែរ។ 

នៅសម័យដែលយុវជន យុវនារីគេចែចង់គ្នាទៅវិញទៅមកតាមរយៈកំណាព្យ Waka នាងបានធ្វើឲ្យ​បុរសជាច្រើនធ្លាក់​​ក្នុង​អន្លង់ស្នេហ៍ដោយសារការសូត្រកំណាព្យ Waka ។

ក្នុងយុគសម័យដែលឲ្យ​តម្លៃលើរូបរាងដូចសព្វថ្ងៃនេះ ទេពកោសល្យ និងគុណភាពតែងតែជាកត្តាស្របគ្នាក្នុងការវាយតម្លៃមនុស្សម្នាក់។ ទន្ទឹមនឹងពេលវេលា និងការអភិវឌ្ឍរបស់មនុស្ស លក្ខណៈវិនិច្ឆ័យភាពស្រស់ស្អាតបានផ្លាស់​ប្តូរ។

យ៉ាង​ណា​មិញ ខ្ញុំ​ផ្ទាល់​គិត​ថា​ សម្រស់​របស់​មនុស្ស​ស្រី​ស្ថិត​​លើ​បុគ្គលិក​លក្ខណៈ​របស់​នាង។ ដូច្នេះចូរ​អ្នក​ទាំង​អស់​គ្នា​​ថែ​រក្សា​​ភាពស្រស់ស្អាត​​ផ្នែកខាង​ក្នុង។

Kengo Abe