រឿងរ៉ាវបុគ្គលិកជនជាតិជប៉ុនពាក់ផ្លាកឈ្មោះជនបរទេស និងអាកប្បកិរិយារបស់អតិថិជន

នៅជប៉ុនមានបាតុភូតមួយហៅថា カスハラ (Kasuhara) សំដៅលើអតិថិជនដែលអាងថាខ្លួនជា “ភ្ញៀវ” ដើម្បីធ្វើការ​តវ៉ា​មិនសមហេតុផលជាច្រើន ដូចជាបង្ខំឱ្យក្រុមហ៊ុនឬហាងត្រូវសុំទោស និងផ្តល់ជាសំណង។

មានរឿងមួយនិយាយពីលោក A ជាបុគ្គលិកក្រៅផ្លូវការ គាត់ធ្វើការនៅហាងលក់ទំនិញជាង ១០០ កន្លែង។ លោក A ទម្លាប់​នឹង​រឿងត្រូវ​អតិថិជន​ស្រែក​ដាក់នៅ​កន្លែង​​ធ្វើ​ការ។

ត្រូវអតិថិជន (Kasukara) គំរាមកំហែងថានឹង “ទាក់ទងទៅកាន់ការិយាល័យកណ្តាល” (របស់ហាង)។

នៅតាមហាងលក់ទំនិញធំៗ ជាទូទៅបុគ្គលិកមានផ្លាកឈ្មោះលើអាវ។ ផ្លាកឈ្មោះទាំងនេះក្នុងគោលបំណងជួយអោយ​អតិថិជនចាំឈ្មោះរបស់បុគ្គលិក ក្រៅពីបង្កើតទំនាក់ទំនង បង្កើនចំនួនអតិថិជនប្រចាំហាង គេរំពឹងថាផ្លាក​ឈ្មោះ​អាចជួយការពារបញ្ហាដែលបង្កឡើងដោយបុគ្គលិក។

ទោះជាយ៉ាងណាជីវិតមិនងាយស្រួលឡើយ នៅពេលដែលមានអ្វីម្យ៉ាងកើតឡើង អតិថិជនដែលចូលចិត្តបង្កបញ្ហាដល់បុគ្គលិកនឹងប្តឹងទៅការិយាល័យកណ្តាល ហើយឈ្មោះរបស់បុគ្គលិកនឹងត្រូវគេរាយការណ៍។

រូបភាព https://www.bengo4.com/c_18/n_13984/

មានម្តងអតិថិជនមកទិញបារី លោក A សួរអតិថិជនថា “តើខ្ញុំអាចសុំលេខ (ជំនួសអោយឈ្មោះផលិតផល) បាន​ទេ?” ត្រឹម​តែប៉ុណ្ណឹងអតិថិជនក៏ចង់ខឹងទៅហើយ។ បុគ្គលនេះនិយាយអ្វីម្យ៉ាងតែសម្លេងតូចពេក លោក A ស្តាប់មិន​ឮ​ទើប​គាត់​សួរ​ម្តងទៀតថា “សូមនិយាយម្តងទៀត” ស្រាប់តែអតិថិជនម្នាក់នេះស្រែកខ្លាំងៗ រហូតដល់មនុស្សនៅ​ខាង​ក្រៅ​ហាង​ក៏ឮដែរ។

ដោយសារតែភ្ញៀវមានអាកប្បកិរិយាគំរាមកំហែង ទើប​នៅ​ពេល​នោះ​លោក A និយាយ​ថា “ខ្ញុំ​នឹង​ទូរស័ព្ទ​ទៅ​ប៉ូលិស” ។ បន្ទាប់​មក​បណ្តឹង​ត្រូវ​បាន​បញ្ជូន​ទៅ​កាន់​ការិយាល័យ​កណ្តាល។ ករណីនេះត្រូវបានរៀបចំឡើងជាប្រយោជន៍ដល់ភ្ញៀវ។ លោក A បានអោយដឹងថា “ខ្ញុំគ្រាន់តែជាបុគ្គលិកបណ្តោះអាសន្ន ដូច្នេះផ្លាកឈ្មោះរបស់ខ្ញុំគ្រាន់តែសរសេរថា Staff ប៉ុណ្ណោះ។ ប៉ុន្តែចំពោះបុគ្គលិកដែលពាក់ផ្លាកឈ្មោះពិតរបស់ខ្លួន ខ្ញុំ​គិត​ថាច្បាស់​ជា​ពិបាក​ណាស់” ។

ពាក់ផ្លាកឈ្មោះបរទេស សំណើ​មិនសមហេតុ​ផលក៏បាត់ទៅវិញភ្លាមៗ។

នៅក្នុងហាងមួយលោក A ធ្វើការក្នុងនាមជាអ្នកសម្របសម្រួល។ គាត់​ត្រូវ​បានប្រគល់ផ្លាកដែលមានឈ្មោះជនបរទេស ប្រហែល​នេះ​ជា​ផ្លាក​ឈ្មោះរបស់អ្នកដែលធ្វើការនៅទីនេះពីមុនមក។ គាត់​ក្លែង​ខ្លួន​ជា​ជន​បរទេស​​មក​​ធ្វើ​​ការ ហើយ​​ចែក​រំលែក​បទពិសោធន៍​ថ្មីពេល​ពាក់​ផ្លាកឈ្មោះនេះ។

លោក A និយាយភាសាជប៉ុនខ្សឹបដាក់និស្សិតអន្តរជាតិដែលធ្វើការក្រៅម៉ោង ហើយអោយដឹងថាលែង​ជួបសំណើពិបាក​ពី​អតិថិជន​ទៀតហើយ។

រូបភាពតំណាង

“មិនមែនជារឿងចម្លែកទេដែលអតិថិជនមិនគួរសម នៅពេលដែលបុគ្គលិកបញ្ជាក់ឡើងវិញចំនួនចង្កឹះ និងស្លាប​ព្រា​ដែល​ពួកគេត្រូវការពេលទិញអាហារ ឬសុំឱ្យអតិថិជនរង់ចាំប្រហែល ១ វិនាទីដើម្បីកំដៅអាហារ។ ពេល​នោះ​ភ្ញៀវ​តែង​តែ​ធ្វើ​ដូចទោះខ្ញុំនៅស្ងៀមក៏គួរតែដឹង។

ប៉ុន្តែដោយសារតែជា “ជនបរទេស” ដូច្នេះខ្ញុំមិនធ្វើអ្វីទាំងអស់ គ្រាន់តែនៅស្ងៀមធ្វើតាមការ​ណែនាំ​។ ខ្ញុំ​គិត​​ថា​​អតិថិជន​​មាន​​ការ​រំពឹង​ទុក​ច្រើន​ពី​ជនជាតិ​ជប៉ុន” ។

ជាងនេះទៅទៀតអតិថិជនមួយចំនួនតូចពេលឃើញផ្លាកឈ្មោះជនបរទេស បែរជានិយាយស្តី និងបង្ហាញទង្វើរើស​អើង។ អ្នកខ្លះថែមទាំងនិយាយថា “ហៅបុគ្គលិកជនជាតិជប៉ុនឱ្យចេញមក” ។

ស្ថានភាព Kasuhara កើតឡើងមិនត្រឹមតែដោយសារបុគ្គលិកលក្ខណៈរបស់ជនបង្កហេតុ ហើយក៏ប៉ះពាល់ដល់ទំនាក់​ទំនង​រវាង​ជន​បង្កហេតុ និងជនរងគ្រោះផងដែរ។ នេះជាឧទាហរណ៍អំពីអាកប្បកិរិយារបស់អតិថិជនអាចនឹង​ប្រែ​ប្រួល​ពេលអានផ្លាកឈ្មោះបុគ្គលិក (តាមរយៈលក្ខណៈរបស់បុគ្គលិកដែលបានបង្ហាញនៅខាងលើនោះឧទាហរណ៍​សញ្ជាតិ​របស់ពួកគេ) ។

Sacchan