ព្រះសង្ឃជប៉ុនបង្អួតក្បាច់រាំតាមតន្ត្រី EDM លើកទឹកចិត្តដល់សិស្សា​នុ​សិស្ស​ដែល​ត្រៀមប្រឡងចូល

ភ្នំ Koya ខេត្ត Wakayama ត្រូវបានគេស្គាល់ដូចជាដែនដីនៃនិកាយ Koyasan Shingon របស់ព្រះពុទ្ធសាសនាជប៉ុន ដែលបានបង្កើតឡើងដោយព្រះតេជគុណ Kukai កាលពី ១២០០ ឆ្នាំមុន។

ប្រាសាទព្រះវិហារជាផ្នែកមួយនៃតំបន់បេតិកភណ្ឌពិភពលោក ដែលត្រូវបានអង្គការយូណេស្កូទទួលស្គាល់ក្នុង “កន្លែង​ពិសិដ្ឋ និងផ្លូវធ្វើធម្មយាត្រាតាមជួរភ្នំ Kii” ដូច្នេះមានភ្ញៀវ​មក​លេង​ជា​ប្រចាំ។ ថ្មីៗនេះប្រាសាទកាន់តែទាក់​ទាញ​ចំណាប់អារម្មណ៍ នៅពេលដែលបានក្លាយជាទីតាំងថតផ្សាយពាណិជ្ជកម្មពិសេស ដោយមានការចូលរួមពីព្រះសង្ឃ។

ពាណិជ្ជកម្មចាប់ផ្តើមជាមួយនឹងទិដ្ឋភាពដ៏ស្ងប់ស្ងាត់នៃទីសក្ការបូជា Koyasan Ekoin ដែលជាកន្លែងព្រះសង្ឃប្រមូល​ផ្តុំ​ធ្វើសមាធិ និងសូត្រធម៌។ ក្រោមបរិយាកាសដ៏ស្ងប់ស្ងាត់ ស្រាប់តែមានស្ករគ្រាប់មួយលេចចេញមក។ បន្ទាប់​​មក​តន្ត្រី​​ចាប់​ផ្តើមមានការប្រែប្រួល ព្រះសង្ឃ​មួយ​អង្គ​​ចាប់​ផ្តើម​រាំ បន្តព្រះសង្ឃមួយផ្សេងទៀត។ តាម​ពិត​ព្រះ​សង្ឃ​​ដែលរាំតាមក្រោយជា​សិស្ស​វិទ្យាល័យ Koyasan ស្លៀកស្បង់ចីវរព្រះសង្ឃ។

ក្បាច់រាំនេះ​ត្រូវ​បាន​ព្រះសង្ឃ​មួយ​អង្គដែលជាអ្នកសម្តែងមានឈ្មោះ Ryushin Takiyama ។ គាត់ក៏ជាស្ថាបនិកនៃ “Koyasan x Dance Project” ជាគម្រោងមួយដែលមានគោលបំណងចែករំលែកវប្បធម៌ ប្រវត្តិសាស្ត្រ និងជំនឿរបស់ Koyasan តាមរយៈសិល្បៈសម្តែង។ ជាទូទៅ Ryushin Takiyama តែងតែបញ្ចូលរបាំសហសម័យជាមួយនឹងកាយ​វិការ​ដៃបែបប្រពៃណីព្រះពុទ្ធសាសនា (mudras) តាមលក្ខណៈពិសេសរបស់ខ្លួន។

តន្ត្រី​មិន​ប្រកាន់​សាសនា​ដែល​ពួក​គេ​បាន​សម្តែង​មាន​ចំណង​ជើង​ថា “EDM Sutra Remix” ដែល​និពន្ធ​ដោយ Kenta Higashioji ។

តើគោលបំណងវីដេអូជាអ្វី?

វីដេអូនេះក្នុងគោលបំណងលើកទឹកចិត្តដល់សិស្សានុសិស្សដែលត្រៀមប្រឡងចូលនាពេលខាងមុខ។ Ryushin Takiyama បានសហការជាមួយក្រុមហ៊ុនស្ករគ្រាប់ Morinaga ដើម្បីបញ្ចូលស្ករគ្រាប់ Ramune ដ៏ល្បីរបស់ពួកគេចូលក្នុង​ពាណិជ្ជកម្ម។

មិនត្រឹម​តែប៉ុណ្ណឹងអ្នកតំណាងរបស់ Morinaga បានយកស្ករគ្រាប់ទៅអោយ Koyasan Ekoin ដើម្បីទទួលពរជ័យពីព្រះតេជគុណតាមរយៈពិធីផ្លូវការ។

សិស្សចំនួន ១០០ នាក់ដែលចូលរួមក្នុងយុទ្ធនាការ Twitter របស់ Morinaga ចាប់ពីថ្ងៃទី ២៤ ខែធ្នូ ដល់ថ្ងៃទី ៤ ខែមករា នឹងចូលរួមចាប់ឆ្នោតដើម្បីឈ្នះរង្វាន់ស្ករគ្រាប់សំណាងនេះ ហើយសិស្សចំនួន ២៤០ នាក់ដំបូងដែលមកកាន់ Ekoin ក៏​ទទួល​បាន​កាដូពិសេសកញ្ចប់ស្ករគ្រាប់ Ramune ធំដូចជាកាដូសំណាងដែរ។

yukie