ម្ចាស់ឆ្កែផ្តល់រង្វាន់ចំនួន ៥ លានយ៉េនសម្រាប់អ្នកដែលរកឃើញ Akubi

នៅ​ព្រឹក​ថ្ងៃ​ទី​ ២៨ ធ្នូ ម្ចាស់នាំសត្វចិញ្ចឹមតាម ៤ ក្បាល ក្នុងនោះមានឆ្កែ​មួយ​ក្បាល​ឈ្មោះ Akubi ​ដើរ​លេង​នៅ​សួន​ Yoyogi Tokyo ។ ចៃដន្យប្រឡៅករបស់ Akubi របូតចេញពីខ្សែចងធ្វើឱ្យឆ្កែភ័យស្លន់ស្លោរួចរត់ទៅបាត់។

ម្ចាស់របស់ Akubi បានសម្រេចបង្ហោះនៅលើទំព័រ Twitter (＠keu_t8) របស់ខ្លួន ដើម្បីសុំជំនួយពីអ្នកទាំងអស់គ្នា។ ជិត​មួយ​សប្តាហ៍​បាន​កន្លង​ផុត​ទៅ ប៉ុន្តែមិនមានដំណឹងអ្វីឡើយ។

#拡散希望
12月28日午前8時頃から行方不明になり、6日が経ちました。

本当に多くの方のご協力を頂き全力で捜索しておりますが
未だ見つかっておりません。

そこで、謝礼として用意しておりました懸賞金を追記させて頂きました。

ご協力宜しくお願い致します。#迷子犬 #探しています #拡散希望RT pic.twitter.com/kHnSSWAvIu

— あくびを探しています (@keu_t8) January 3, 2022

យោងតាមការរៀបរាប់របស់ម្ចាស់ឆ្កែ Akubi ជាប្រភេទឆ្កែឈ្មោលអាយុមួយឆ្នាំ មានរូបរាងធំជាងសត្វឆ្កែដទៃទៀតដែលមានពូជដូចគ្នា មានទម្ងន់ ៣ គីឡូក្រាម។ ដើម្បីអោយកាន់តែងាយស្រួលក្នុងការស្វែងរក Akubi ជើងឆ្វេងខាង​ក្រោយ​របស់​វា​មានរោមខ្លីជាងបើប្រៀបនឹងជើងផ្សេងទៀត ដោយសារថ្មីៗនេះកាត់ខ្លះ។

ថ្វីត្បិតតែក្នុងរូបថតដែលបានបង្ហោះបង្ហាញថា Abuki មានបូរមួយលើក្បាល ប៉ុន្តែ ＠keu_t8 បានអោយដឹងថាវាមិនបានពាក់ខណៈពេលវង្វេងនោះទេ។ ＠keu_t8 ក៏បានបន្ថែមថា Abuki មានភាពរួសរាយរាក់ទាក់ណាស់ នៅ​ពេល​ដែល​គេ​ហៅ​ឈ្មោះ​ឬឈ្មោះហៅក្រៅថា “A-chan” ឆ្កែនឹងរត់ទៅជិតអ្នកហៅឬផ្អៀងក្បាល។

ម្ចាស់របស់ Abuki បានផ្តល់រង្វាន់ចំនួន ៥ លានយ៉េន សម្រាប់អ្នកដែលរកឃើញសត្វចិញ្ចឹម ហើយថែមទាំងជូនប្រាក់ ១ លានយ៉េនដល់អ្នកដែលអាចផ្តល់ព័ត៌មានត្រឹមត្រូវក្នុងការស្វែងរក Abuki ។

សញ្ញាក្រហមនៅក្នុង Tweet បង្ហាញពីទីតាំងដែល Abuki ធ្វើធ្លាក់ប្រឡៅក និងវង្វេង នៅកណ្តាលតំបន់ទីប្រជុំ​ជន​នៃ​ឧទ្យាន Yoyogi និង Hill Plaza ។ ＠keu_t8 គិតថា Abuki បានរត់ទៅទិសខាងជើង ដូច្នេះវាអាចនឹងវង្វេង​នៅ​ជុំវិញ​ប្រាសាទ​ក្បែរនោះឬនៅក្នុងព្រៃ និងគុម្ពឈើដែលខណ្ឌប្រាសាទ និងឧទ្យាន។

Hana