ហេតុអ្វីក្រុមហ៊ុន និងសាលារៀនជប៉ុនកំណត់យកខែមេសាដើម្បីចាប់ផ្តើមការងារ ឬឆ្នាំសិក្សាថ្មី
មួយពព្រិចភ្នែកសោះឆ្នាំ ២០២១ បានកន្លងផុតទៅ ហើយយើងបានឈានចូលឆ្នាំថ្មី។
បើតាមប្រតិទិនសុរិយគតិ នៅថ្ងៃទី ១ ខែមករា គឺជាថ្ងៃចាប់ផ្តើមឆ្នាំថ្មី ប៉ុន្តែអាជីវកម្ម និងសាលារៀនជាច្រើននៅក្នុងប្រទេសជប៉ុនបែរជាចាប់ផ្តើមថ្ងៃធ្វើការ ឬឆ្នាំសិក្សាថ្មីនៅខែមេសាទៅវិញ។
នៅខែមីនាជាខែ “បញ្ចប់ការសិក្សា” ហើយមិនត្រឹមតែសាលារៀនប៉ុណ្ណោះទេ ជនជាតិជប៉ុនចាត់ទុកខែមេសាជាខែ “កំណត់ឡើងវិញ” ដើម្បីចាប់ផ្តើមសកម្មភាពថ្មី។
កាលពីមុនប្រជាជនជប៉ុនប្រើប្រតិទិនច័ន្ទគតិ បើទោះបីជាប្រើប្រតិទិនច័ន្ទគតិ ក៏រឿងចាប់ផ្តើមសកម្មភាពនៅខែមេសាពិបាកនឹងពន្យល់ដែរ។
ជាក់ស្តែងប្រជាជនជប៉ុនមួយចំនួនតូចមិនដឹងពីមូលហេតុនោះទេ។
អាថ៌កំបាំងនៃខែមេសានេះមានតាំងពីឆ្នាំ ១៨៨៦ ក្នុងអំឡុងសម័យសាមូរ៉ៃបញ្ចប់។
ជប៉ុនជាប្រទេសកសិកម្ម ដូច្នេះទ្រឹស្តីលើកឡើងថា ជនជាតិជប៉ុនជ្រើសយកពេលវេលាបង់ពន្ធរបស់កសិករ ដើម្បីចាប់ផ្តើមឆ្នាំសារពើពន្ធ។ ទោះជាយ៉ាងណា រដូវប្រមូលផលស្រូវអំឡុងខែតុលានៃរដូវស្លឹកឈើជ្រុះ ដូច្នេះទ្រឹស្តីនេះមិនត្រឹមត្រូវឡើយ ឬអាចនិយាយបានថាមិនទាន់គ្រប់គ្រាន់ឡើយ។
កាលពីមុនប្រជាជនបង់ពន្ធដោយអង្ករផ្ទាល់ ប៉ុន្តែនៅពេលដែលសម័យកាលផ្លាស់ប្តូរពន្ធត្រូវបង់ជាប្រាក់។ ដូច្នេះអាចសន្និដ្ឋានបានថា ដំណើរការការងាររបស់កសិករដូចខាងក្រោម៖
១. ប្រមូលផល
២. លក់ និងប្តូរទៅជាសាច់ប្រាក់
៣. បង់ពន្ធ
៤. ពិនិត្យមើលប្រាក់បង់ពន្ធសរុបដើម្បីរៀបចំថវិកាសម្រាប់ឆ្នាំថ្មី
បូកបញ្ចូលទាំងពេលប្រមូលផលរហូតដល់រៀបចំថវិកាឆ្នាំថ្មីប្រហែលអំឡុងខែមេសា។
ពាក់ព័ន្ធនឹងឆ្នាំសារពើពន្ធ នៅប្រទេសជប៉ុនមានទម្លាប់ចម្លែកមួយដែលគេហៅថាពិធីចូលរួមក្រុមហ៊ុន។
ប្រហែលជប៉ុនជាប្រទេសតែមួយគត់នៅលើពិភពលោកដែលនិយមវប្បធម៌ “ពិធីចូលរួមក្រុមហ៊ុន” ក្នុងនោះបុគ្គលិកថ្មី នៅថ្ងៃដំបូងទៅធ្វើការនឹងចូលរួមក្នុងពិធីពិសេសនេះ ស្តាប់តាមការណែនាំរបស់ប្រធាន ដើម្បីក្លាយទៅជាបុគ្គលិកផ្លូវការរបស់ក្រុមហ៊ុន។
នៅសម័យសាមូរ៉ៃតាមគោលការណ៍ឪពុកផ្ទេរតំណែងទៅឲ្យកូន ត្រូវយកកូនតាមឲ្យសង្កេតមើល រៀនសូត្រ បន្ទាប់មកទទួលយកការងារ ដូច្នេះមិនមានពិធីផ្ទេរសិទ្ធិឡើយ។ រហូតដល់សម័យសព្វថ្ងៃ ទន្ទឹមនឹងការផ្លាស់ប្តូរផ្នត់គំនិតយល់ថាចូលរួមក្រុមហ៊ុន ជាចំណុចដ៏សំខាន់មួយឆ្ពោះទៅរកផ្លូវក្លាយជាអ្នកជំនាញ ដូច្នេះចាំបាច់ត្រូវឆ្លងកាត់ពិធីចូលរួម។
ដូច្នេះបន្ទាប់ពីបញ្ចប់ការសិក្សានៅខែមីនា ប្រជាជនជប៉ុនច្រើនតែទៅធ្វើការភ្លាមៗនៅដើមខែមេសា។ អ្នកដែលខកខានឱកាសនេះ មិនអាចស្វែងរកការងារធ្វើដំបូងក្នុងខែមេសា ច្រើនតែទទួលការវាយតម្លៃមិនល្អ។
និយាយឲ្យខ្លីខែមេសាគឺជា “ចំណុចសំខាន់” របស់ជនជាតិជប៉ុន។ ប្រហែលមិនមែនជារឿងចៃដន្យដែលស្របពេលផ្កាសាគូរ៉ារីកជាថ្មីនោះទេ។
តើអ្នកអាចរកឃើញសេចក្ដីសុខខ្លះក្នុងពេលសម្លឹងមើលផ្កាសាគូរ៉ាដ៏ស្រស់ស្អាតដែរទេ? ឬទេសភាពដ៏ស្រស់បំព្រងនោះនាំមកនូវភាពឯកោ?
ចំពោះសិស្ស និស្សិត ខែមីនា និងខែមេសា គឺជាពេលវេលាប្រយុទ្ធដ៏ខ្លាំងក្លាបំផុត។ ទោះជាយ៉ាងណា ត្រូវតែជឿថារដូវរងាកន្លងផុតទៅ នោះរដូវផ្ការីកដ៏រីករាយនឹងមកដល់។
Kengo Abe
-
ចំណុចទាំង ៩ ក្នុងពិធីបុណ្យចូលឆ្នាំថ្មីប្រពៃណីជប៉ុន -
វិធីសាស្រ្តពិនិត្យមើលអចលនទ្រព្យដែលធ្លាប់ជាកន្លែងកើតហេតុ -
ផ្កាកុលាបក្រហមទុកជូនមនុស្សជាទីស្រលាញ់ដែលកើតក្នុងខែធ្នូ -
ក្នុងសង្គមជប៉ុនសព្វថ្ងៃ តើបុរស និងស្រ្តីអ្នកណាពិបាកជាង? -
សង្រ្គាមប្រៀបដូចជាឋាននរកដែលទាហាននិស្សិតជប៉ុនធ្លាប់ឆ្លងកាត់ -
ឧបទ្ទវហេតុរោងចក្រនុយក្លេអ៊ែរ និងបំណងចង់វិលត្រឡប់ទៅស្រុកកំណើតរបស់អ្នកភូមិ
-
លទ្ធផលប៉ាម៉ាក់ហៅយកប្រពន្ធពេក នេះហើយជាចម្លើយយ៉ាងឡូយពីបុរសជនជាតិជប៉ុនម្នាក់ -
ចោរម្នាក់សម្រុកចូលផ្ទះប្តីប្រពន្ធចំណាស់ប្លន់ប្រាក់តែបន្សល់ទុកម៉ាសចំនួន ១០ អោយម្ចាស់ផ្ទះ -
ក្រុមបុរសសាច់ដុំសង្ហាជនជាតិជប៉ុនជាមួយកម្រងរូបភាពក្រោមប្រធានបទប្លែកៗ -
ទន្លេ Kamogawa នៅទីក្រុងក្យូតូស្រាប់តែប្រែជាក្រហមដោយមិនដឹងពីមូលហេតុ -
អាថ៌កំបាំងទាំង ៥ ក្នុងផ្ទះរបស់ជនជាតិជប៉ុនដែលអាចធ្វើអោយអ្នកដែលបានចូលហើយ មិនចង់ចេញមកវិញឡើយ -
ក្រុមហ៊ុន Nintendo និងសេវាកម្មបម្រើអតិថិជនដែលល្អបំផុត