ការ​នេសាទ​ត្រី​បាឡែនដែល​មាន​អាយុ​ជាង ៤០០ ឆ្នាំ​នៅ​ជប៉ុន

នៅឆ្នាំ ២០១៩ ជប៉ុនដំណើរការចាប់ត្រី​បាឡែន​ឡើងវិញ ក្នុងគោលបំណងពាណិជ្ជកម្មបន្ទាប់ពីរយៈពេលជាង ៣០ ឆ្នាំ។ ទោះ​ជា​យ៉ាង​ណាឃើញថាមុខ​របរ​ប្រពៃណី​នេះ​កំពុង​តែ​បាត់បង់​បន្តិចម្តងៗហើយ។

ទំនាក់ទំនងដែលមានអាយុកាលរាប់សតវត្សរវាង Wada ទីក្រុងឆ្នេរសមុទ្រ Minamiboso ខេត្ត Chiba ភាគខាងត្បូង​ប្រទេស​ជប៉ុន និង​សកម្មភាព​នេសាទត្រីបាឡែន។

ការនេសាទត្រីបាឡែនពាណិជ្ជកម្មនៅប្រទេសជប៉ុនសព្វថ្ងៃកំពុងទទួលការឧបត្ថម្ភធនពីរដ្ឋាភិបាល។

នៅពេលមកលេងទីក្រុងឆ្នេរសមុទ្រប៉ាស៊ីហ្វិកនេះ ភ្ញៀវទេសចរណ៍នឹងមើលឃើញគំរូគ្រោងឆ្អឹងត្រីបាឡែនខៀវ រីក​រាយ​ជា​មួយ​​សាច់ត្រីបាឡែនចៀននៅភោជនីយដ្ឋានក្នុងស្រុក និងទិញវត្ថុអនុស្សាវរីយ៍នៅហាងក្បែរនោះ។

នៅពេលដែលជប៉ុនដកខ្លួនចេញពីគណៈកម្មការនេសាទត្រីបាឡែនអន្តរជាតិ (IWC) ក្នុងឆ្នាំ ២០១៩ ប្រជាជនទីក្រុង Wada រីករាយនឹងសង្ឃឹមថាអាចត្រលប់មករកការនេសាទ និងបន្តមុខរបរប្រពៃណីដែលមានអាយុកាលជាង ៤០០ ឆ្នាំមុន។

អ្នកនេសាទ​នៅ​ជប៉ុន​សម្លាប់​ត្រី​បាឡែន​មួយ​ក្បាល​។

ក្រោយរយៈពេល ២ ឆ្នាំសកម្មភាពនេសាទត្រីបាឡែននៅទីក្រុង Wada និងទីប្រជុំជនផ្សេងទៀតនៅប្រទេសជប៉ុនមិនមានការអភិវឌ្ឍន៍ខ្លាំងដូចការរំពឹងទុកឡើយ។

Guardian ឧស្សាហកម្មនេសាទត្រីបាឡែនជប៉ុនកំពុងប្រឈមនឹងឧបសគ្គជាច្រើន។ មូលហេតុ​មកពី​អ្នកនេសាទ​កាន់តែចាស់ នាវាហួសសម័យ អាកាស​ធាតុ​ប្រែប្រួល ហើយសំខាន់បំផុតគឺជនជាតិជប៉ុនលែងចូលចិត្តសាច់ត្រីបាឡែន។

លោក Patrick Ramage នាយកប្រតិបត្តិមូលនិធិអន្តរជាតិនៃសុខុមាលភាពសត្វបាននិយាយថា៖

“បច្ចុប្បន្នការនេសាទត្រីបាឡែននៅប្រទេសជប៉ុនជាការបរាជ័យផ្នែកសេដ្ឋកិច្ច អាចទ្រទ្រង់បានដោយផ្អែកលើការឧបត្ថម្ភធនពីរដ្ឋាភិបាល” ។

សាច់​ត្រី​បាឡែន​បំពងនៅ​ភោជនីយដ្ឋាន​ក្នុង​តំបន់​ទីក្រុង Wada ប្រទេស​ជប៉ុន។

នៅពេលអនាគត លោក Patrick Ramage ជឿជាក់ថាទីក្រុងនេសាទត្រីបាឡែនជប៉ុននឹងត្រូវផ្លាស់ប្តូរ ដោយងាកទៅរកទេសចរណ៍ធម្មជាតិ។

លោក Patrick Ramage បានបន្ថែមថា “យល់ល្អទុកអោយភ្ញៀវទេសចរណ៍ចំណាយប្រាក់ចូលមើលត្រីបាឡែនជា​ជាង​ប្រជា​ជន​ជប៉ុនបន្តការនេសាទត្រីបាឡែនតាមរយៈការបង់ពន្ធ” ។

ប៉ុន្តែលោក Yoshinori Shoji ប្រធានក្រុមហ៊ុន Gaibo Hogei ដែលជាក្រុមហ៊ុននេសាទត្រីបាឡែនអស់រយៈពេលជាង ៧០ ឆ្នាំនៅទីក្រុង Wada និយាយថាបោះបង់សកម្មភាពនេសាទត្រីបាឡែនជារឿងនឹកស្មានមិនដល់។

លោក Yoshinori Shoji បាននិយាយថា “ខ្ញុំដឹងថារឿងនេះបង្កអោយមានចម្រូងចម្រាសនៅបណ្តាប្រទេសជាច្រើនជុំវិញពិភពលោក​ ប៉ុន្តែត្រីបាឡែនគ្រាន់តែជាប្រភពអាហារសម្រាប់ពួកខ្ញុំប៉ុណ្ណោះ” ។

ដើម្បីរក្សាមុខរបរប្រពៃណី អាចសាច់ត្រីបាឡែនទទួលទានពីរដងក្នុងមួយឆ្នាំនៅសាលាបឋមសិក្សាក្នុងស្រុក។ កុមារ​ត្រូវ​បាន​អញ្ជើញ​ឱ្យមកមើលត្រីបា​ឡែន​នៅ​កន្លែង​ធ្វើការ។

លោក Yoshinori Shoji បានបន្ថែមថា “ហេតុ​អ្វីបានជាមិនអាចបរិភោគ​សាច់​ត្រី​បាឡែន? មនុស្ស​តែងតែ​បរ​បាញ់​​សត្វ​ព្រៃ​​អាស្រ័យ​លើ​ជម្រក​របស់ពួក​វា​។ តួនាទីរបស់ពួកយើងនាំមកនូវឱកាសភ្លក់សាច់ត្រីបាឡែនក្នុងស្រុក។ យើង​មិន​បង្ខំ​អ្នករាល់គ្នានោះទេ” ។

យ៉ាង​ណា​មិញការ​នេសាទ​ត្រី​បាឡែន​នៅ​ទីក្រុង Wada ​កំពុង​ប្រឈម​នឹង​ការ​លំបាក​ជា​ច្រើន។ ចាប់ពីខែមេសារហូតដល់ខែតុលា ឆ្នាំ ២០២០ អ្នកស្រុកចាប់បាន​ត្រី​បាឡែន​តែ​ ៩​ ក្បាល​ប៉ុណ្ណោះ ហើយឆ្នាំនេះចំនួននៅតែដដែល។

កប៉ាល់ជប៉ុនចេញដំណើរក្នុងពេលដំណាលគ្នានៅថ្ងៃទី ៣ ខែមេសា ដើម្បីចាប់ផ្តើមរដូវកាលនេសាទត្រីបាឡែនឆ្នាំ ២០២១ ជាផ្លូវការ មិនខ្វល់ពីការតវ៉ា …

លោក Yoshinori Shoji និយាយថាសមុទ្រឡើងកំដៅដែលបណ្តាលឱ្យត្រីបាឡែនផ្លាស់ទីទៅភាគខាងជើង ខណៈដែល​ខ្យល់​ព្យុះ​កើត​ឡើង​ញឹកញាប់ធ្វើឱ្យកប៉ាល់នេសាទត្រីបាឡែនត្រូវឈប់នៅកំពង់ផែមួយរយៈពេលយូរ។

យោងតាមអ្នកស្រី Junko Sakuma សេដ្ឋវិទូការនេសាទត្រីបាឡែនជប៉ុន អាជីពនេះនឹងមិនអាចដំណើរការទេបើគ្មានការឧបត្ថម្ភធនពីរដ្ឋាភិ​បាល​ចំនួន ៥,‌១ ពាន់លានយ៉េនក្នុងមួយឆ្នាំ (ប្រហែល ៤៤,៥ លានដុល្លារ) ។

អ្នកស្រី Sakuma បាននិយាយថា “ធ្លាប់មានភាពចម្រូងចម្រាសរវាងជនជាតិជប៉ុន និងជនបរទេសស្តីអំពីការនេ​សាទ​ត្រីបាឡែន។ ប៉ុន្តែ​ឥឡូវ​នេះស្ទើរតែ​អស់​ចម្ងល់​ហើយ ប្រជាជន​ជប៉ុន​គ្រាន់តែកំពុងបំ​ភ្លេចសាច់​ត្រី​បាឡែន​បែប​ប្រពៃណី​” ។

Hana