អស្ចារ្យណាស់!!! ជប៉ុនបង្កើត​ Gundam ដ៏ធំថ្មីមួយទៀតហើយ

Mobile Suit ខ្នាត 1:1 នេះត្រូវបានបង្កើតឡើងនៅ Fukuoka ។

ស្នាដៃថ្មីបំផុតមានឈ្មោះហៅថា RX-93FF ν (Nu) Gundam ដែលជាកំណែទម្រង់ថ្មីរបស់ Nu Gundam ។ Gundam ធំមាន​កម្ពស់ ២៤,៨ ម៉ែត្រនេះត្រូវបានធ្វើឡើងនៅ​មុខ​ផ្សារទំនើប LaLaport នៅ Fukuoka ។

ហ្វូងមនុស្សប្រមូលផ្តុំគ្នាកន្លែងនោះមើលទិដ្ឋភាពភ្ជាប់ក្បាល Gundam ទៅនឹងដងខ្លួន។ ប្រហែលជារូបរាងធំរបស់ Mecha តែងតែធ្វើអោយមនុស្សមានការចាប់អារម្មណ៍។

រូបភាព Mainichi

អ្នករចនា Gundam Yoshiyuki Tomino ចូលរួមត្រួតពិនិត្យ និងប្រឹក្សាដំណើរការដំឡើង Mobile Suit ថ្មី។ Gundam ថ្មីជំនួស Fin Funnel Wing កំណត់​លក្ខណៈ​ដោយ Long Range Fin Funnel ដើម្បីធ្វើអោយ Gundam ឈរ​កាន់​តែ​នឹង។

ស្រដៀងនឹង RX-78-2 Gundam និង Unicorn Gundam ដែរ RX-93FF Nu Gundam ធំអាចធ្វើចលនាសម្តែង​ជូន​អ្នកដំណើរទស្សនា។ ទោះជាយ៉ាងណាវាមិនអាចដើរឬធ្វើចលនាដៃដូចជា RX-78F00 Gundam នៅ Gundam Factory Yokohama នោះទេ។

ក្តីស្រលាញ់របស់ប្រជាជនជប៉ុនចំពោះ Gundam នៅតែមាន ហើយនឹងបន្តកើនឡើងនាពេលអនាគត…

Sacchan