ព្រិលធ្លាក់ខ្លាំងតាមបណ្តោយឆ្នេរសមុទ្រជប៉ុនបណ្តាលអោយកកស្ទះចរាចរណ៍

ថ្ងៃចន្ទ 27/12/2021 | 15:56 ល្ងាច

នៅតាមបណ្តោយឆ្នេរសមុទ្រជប៉ុនព្រិលកំពុងធ្លាក់ខ្លាំង បណ្តាលអោយចរាចរណ៍នៅតំបន់មួយចំនួនមានការយឺតយ៉ាវ។ មន្ត្រីឧតុនិយមជប៉ុនបានស្នើអោយប្រជាជននៅតំបន់មួយចំនួនកុំចេញពីផ្ទះ។

យោងតាមទីភ្នាក់ងារឧតុនិយមជប៉ុន ខ្យល់ត្រជាក់ចូលក្នុងកម្រិតដែលមិនធ្លាប់មានកន្លងមក។ នៅតំបន់ភាគខាងលិចប្រទេសជប៉ុនកំពុងជួបប្រទះស្ថានភាពព្រិលធ្លាក់ខ្លាំងក្នុងរយៈពេល ២៤ ម៉ោង។

នេះបើតាមមន្ត្រីនិយាយថា ការព្យាករណ៍តំបន់ធ្លាក់ព្រិលនឹងផ្លាស់ទីទៅភាគខាងកើត ហើយព្រិលនៅតែបន្តធ្លាក់រហូតដល់ថ្ងៃអង្គារ។

ស្ថានភាពអាកាសធាតុរដូវរងាធ្វើអោយចរាចរណ៍រាំងស្ទះ។ អ្នកបើកឡានដឹកទំនិញម្នាក់រ៉េចង្កូតបាត់បង់ការគ្រប់គ្រងនៅលើផ្លូវធំ ខេត្ត Shiga ភាគខាងលិចប្រទេសជប៉ុន ដែលបណ្តាលឱ្យមានការកកស្ទះចរាចរណ៍ជាង ២ គីឡូម៉ែត្រ។

ព្រិលធ្លាក់បានបណ្តាលឱ្យជើងហោះហើរជាង ៤០ ត្រូវលុបចោល។ អ្នកដំណើរនៅលើរថភ្លើងល្បឿនលឿន Tokaido Shinkansen និង Sanyo Shinkansen ក៏ត្រូវពន្យារពេលផងដែរ។

ព្រិលក៏បណ្តាលអោយដាច់ភ្លើងនៅតំបន់មួយចំនួនភាគខាងលិចប្រទេសជប៉ុន។ មន្ត្រីឧតុនិយមកំពុងព្រមានធ្លាក់ផ្ទាំងទឹកកក។

ប្រភព NHK

Japo Cambodia