ហេតុ​អ្វីបានជា​គ្រឹស្ត​សាសនា​ត្រូវគេធ្វើ​ទុក្ខបុកម្នេញ​នៅក្នុងប្រទេស​ជប៉ុន?

សាសនារបស់ប្រជាជនជប៉ុនគឺ Shinto បន្ទាប់មកព្រះពុទ្ធសាសនានាំចូលពីប្រទេសចិន ដោយរួមបញ្ចូលគ្នាជាមួយ Shinto ទៅជាសាសនាចម្រុះ ប៉ុន្តែនៅតែបន្តរហូតមកដល់សព្វថ្ងៃនេះ ជាមូលដ្ឋានទស្សនៈសាសនារបស់ជនជាតិជប៉ុន។ ទោះជាយ៉ាងណា ជប៉ុន​នៅ​តែអត់ឱនចំពោះ​សាសនា​ផ្សេង​ទៀត ដោយរៀបចំពិធីបុណ្យណូអែល (ដែលជាសាសនា​គ្រឹស្ត) និងថ្ងៃ Valentine ។

កាលពីអតីតកាល វណ្ណៈ​គ្រប់គ្រង​របស់​ជប៉ុន​បាន​ធ្វើ​ទុក្ខបុកម្នេញ​លើ​គ្រិស្តសាសនិក​ម្តង​ហើយ​ម្តង​ទៀត​យ៉ាង​ព្រៃផ្សៃ។ មូលហេតុ​នៃ​ការ​បៀតបៀន​ទាំង​នេះមិនត្រូវបានបញ្ជាក់ច្បាស់នៅឡើយទេ។ ក្នុងអត្តបទថ្ងៃនេះ ខ្ញុំនឹងស្វែងយល់ថាហេតុអ្វីបានជា Toyotomi Hideyoshi (អ្នកដែលបង្រួបបង្រួមប្រទេសជប៉ុន) បែរជាចាត់វិធានការប្រឆាំងនឹងសាសនានេះ។

រូបភាព https://president.jp/articles/-/52513

នៅឆ្នាំ ១៥៨៧ អ្នកដឹកនាំប្រទេសជប៉ុនសម័យនោះគឺ Toyotomi Hideyoshi បានហាមឃាត់ការផ្សព្វផ្សាយសាសនាគ្រឹស្ត អនុម័តច្បាប់បណ្ដេញ​អ្នក​ផ្សព្វផ្សាយ​សាសនា​ជនបរទេស​ចេញ​ពី​ប្រទេស ហេតុអ្វីបានជាមានច្បាប់នេះ ខ្ញុំនឹងពន្យល់។

ក្នុងឆ្នាំ ១៥៨៣ កប៉ាល់ព័រទុយហ្គាល់មួយចេញដំណើរពីម៉ាកាវទៅដល់ប្រទេសឥណ្ឌា ប៉ុន្តែកើលច្រាំងតាមផ្លូវ។ ដំណឹង​​​នេះ​​បាន​​ទៅ​ដល់​អ្នក​ផ្សព្វផ្សាយ​សាសនា ពួកគេនិយាយថា៖

រឿង​នេះ​កើត​ឡើង​ដោយ​សារ​ទង្វើ​ព្រៃផ្សៃ​របស់​ឈ្មួញ​ព័រទុយហ្គាល់​នៅ​ជប៉ុន និង​ចិន។ ការដាក់ទណ្ឌកម្មរបស់ព្រះបានមកដល់ហើយ។

តើមនុស្សទាំងនោះបានធ្វើអ្វីខ្លះនៅប្រទេសជប៉ុន? នេះ​ជា​រឿង​ដែល​អ្នក​ផ្សព្វផ្សាយ​សាសនា​បាន​ប្រាប់។

ឈ្មួញជនជាតិព័រទុយហ្គាល់មិនកោតខ្លាចព្រះជាម្ចាស់ទេ ជាច្រើនឆ្នាំ ពួកគេនាំស្រីស្អាតដែលមានស្បែកសស្អាតមកជាមួយ ហើយចាត់ទុកពួកគេដូចជាប្រពន្ធរបស់ខ្លួន ប្រព្រឹត្តអំពើប្រមាថព្រះវិញ្ញាណបរិសុទ្ធ។ ដោយ​សារ​ភាព​ក្រអឺត​ក្រទម​​នេះ​​ហើយ​​បានជាពួក​គេ​ត្រូវ​ទទួល​ទោស​ពី​ព្រះ។

មែនហើយ ស្ត្រីជនជាតិជប៉ុនត្រូវគេចាប់ជំរិតដើម្បីបំពេញតម្រូវការផ្លូវភេទរបស់ពួកឈ្មួញ ដែលមិនត្រឹម​តែកេងប្រវ័ញ្ចកម្លាំងពលកម្មប៉ុណ្ណោះទេ។

មិន​ត្រឹម​តែ​អ្នក​ផ្សព្វផ្សាយ​សាសនា​ស្អប់ខ្ពើម​ទង្វើ​នេះប៉ុណ្ណោះទេ សូម្បីតែ​ជនជាតិ​ជប៉ុន​ក៏គ្មានបធ្យោបាយបញ្ឈប់បានដែរ។ នៅពេលនោះ ជនជាតិព័រទុយហ្គាល់មានកាំភ្លើង ហើយអំណាចយោធារបស់ពួកគេក៏ខ្លាំងជាងជប៉ុន និងចិនផង​ដែរ។

នៅក្នុងសៀវភៅប្រវត្តិសាស្ត្រជប៉ុនក៏កត់ត្រាថាទាំងបុរស និងស្ត្រីជនជាតិជប៉ុនសុទ្ធតែត្រូវចាប់ឲ្យ​ឡើងកប៉ាល់​ពាណិជ្ជករ​ព័រទុយហ្គាល់។

បញ្ហាមិនមែនមកពីជនជាតិព័រទុយហ្គាល់ទាំងអស់ទេ ជនជាតិ​ជប៉ុន​មួយ​ចំនួន​ដែល​បាន​ឃើញ​ហេតុការណ៍​នេះ សហការធ្វើបាប និង​លក់​ស្ត្រី​ក្នុង​គ្រួសារ​របស់ខ្លួន ដូចជា​កូន ប្រពន្ធ បងស្រី រហូត​ដល់​ម្តាយ។

ដោយដឹងពីស្ថានភាពនេះ លោក Toyotomi Hideyoshi បានពិភាក្សាជាមួយអ្នកដឹកនាំព្រះវិហារគ្រិស្តសាសនានៅប្រទេសជប៉ុន ហើយទទួលបានចម្លើយដូចខាងក្រោម៖

ជនជាតិជប៉ុនលក់មនុស្ស ពួកយើងទិញ។ យើងក៏ចង់ទប់ស្កាត់រឿងនេះដែរ ប៉ុន្តែបែបនេះមិនអាចបញ្ឈប់បាន​ទេ។

ទោះបីជាអ្នកផ្សព្វផ្សាយសាសនាទាំងនេះមើលឃើញស្ថានភាពយ៉ាងច្បាស់ ប៉ុន្តែបិទភ្នែកធ្វើមិនដឹង ហើយក៏គ្មានចេតនា​ធ្វើ​អ្វី​ដើម្បី​បញ្ឈប់​ដែរ។

Toyotomi Hideyoshi ​សញ្ជឹង​គិត​ថា​បើអនុញ្ញាត​ឲ្យ​អ្នក​ផ្សព្វផ្សាយ​សាសនា​បែប​នេះ​នៅ​លើទឹកដី​ប្រទេស​ជប៉ុន​ នឹងធ្វើឲ្យ​សោកនាដកម្មកាន់តែរីកធំឡើង ដូច្នេះហើយបានអនុម័តច្បាប់ដើម្បីការពារកុំឲ្យ​រឿងនេះកើតឡើង។

Kengo Abe