សេចក្តីប្រកាសផ្លូវការរបស់រដ្ឋាភិបាលជប៉ុនចំពោះករណីកើតមានរញ្ជួយដី

ថ្ងៃសៅរ៍ 25/12/2021 | 11:44 ព្រឹក

ពេលរំលឹកពីប្រទេសជប៉ុន ក្រៅពីផ្កាសាគូរ៉ា មានគ្រោះធម្មជាតិដូចជារញ្ជួយដី។ ប៉ុន្មានឆ្នាំម្តងប្រទេសជប៉ុនត្រូវប្រឈមនឹងរញ្ជួយដីធំ ដែលបណ្តាលអោយខូចខាតជាបន្តបន្ទាប់។

ប្រហែលមនុស្សជាច្រើននៅតែចាំយ៉ាងច្បាស់ “រញ្ជួយដីធំភាគខាងកើតប្រទេសជប៉ុន” ដែលកើតឡើងក្នុងខែមីនា ឆ្នាំ ២០១១។

រូបភាព https://www.jiji.com/jc/d4?p=lat216&d=d4_quake

ដោយសារតែកើតមានរញ្ជួយដីញឹកញាប់ ដូច្នេះទើបជប៉ុនមានវិធានការកាត់បន្ថយខូចខាតកាន់តែប្រសើរឡើង។ ទោះបីជារង្គោះរង្គើក៏គ្រោះថ្នាក់អគាររលំមិនច្រើនឡើយ។

ទោះជាយ៉ាងណាបញ្ហាធ្ងន់នាពេលសព្វនេះគឺថាមិនអាចទប់ស្កាត់រលកយក្សស៊ូណាមិបាន (បាតុភូតដែលកើតឡើងជាមួយនឹងរញ្ជួយដី) ។ ប្រសិនបើរលកយក្សដូចក្នុងរូបភាពបោកបក់មកលើដី ពេលនោះរត់មិនទាន់ទេ។

កម្ពស់រលកយក្សឡើងដល់ ៤០ ម៉ែត្រ ចូរស្រមៃមើលរលកមានកម្ពស់ប្រហាក់ប្រហែលអគារការិយាល័យ ១០ ជាន់ និងអគារផ្ទះល្វែង ១៣ ជាន់។ មិនថាសាងសង់ទំនប់ទឹកប៉ុន្មាននោះទេ សុទ្ធតែមិនអាចបញ្ឈប់រលកដែលមានកម្ពស់បែបនេះបានឡើយ។

ភាគច្រើនខូចខាចដែលជប៉ុនកំពុងទទួលរងរញ្ជួយដីសព្វថ្ងៃបណ្តាលមកពីរលកយក្សស៊ូណាមិឆ្នាំនោះ។ ចំនួនអ្នកស្លាប់ ១៥.៨៩៩ នាក់ គ្រួសារខ្ញុំរស់នៅតំបន់មាត់សមុទ្រ Iwate អ្នកខ្លះស្លាប់ដោយសាររលកបោកបក់ អ្នកខ្លះបាត់ខ្លួនរហូតមកដល់បច្ចុប្បន្ន។

ចុះបើគ្រោះមហន្តរាយបែបនេះកើតឡើងវិញ?

នោះមិនមែនជាការព្រួយបារម្ភរបស់បុគ្គលទេ ប៉ុន្តែវាបានក្លាយជាបញ្ហាព្រួយបារម្ភទូទាំងប្រទេសជប៉ុន។ រហូតដល់ថ្មីៗនេះ រដ្ឋាភិបាលបានផ្សព្វផ្សាយជាសាធារណៈព័ត៌មានដែលបង្ហាញពីសេចក្តីថ្លែងការណ៍ផ្លូវការរបស់ខ្លួន ជាមួយនឹងចំនួនច្រើនលើសលប់។

លាតសន្ធឹងពី Hokkaido ដល់តំបន់ Tohoku មានលេណដ្ឋានមហាសមុទ្រដ៏ធំមួយ (Oceanic trench) នៅទីនោះអាចនឹងកើតមានរញ្ជួយដីធំ។

ក្នុងករណីកើតមានរញ្ជួយដីធំកម្រិត ៩ រ៉ិចទ័រ អតិបរមាមនុស្ស ១៩០,០០០ នាក់ឬប្រហែល ២០០,០០០ នាក់បាត់បង់ជីវិត។ ប្រសិនបើរញ្ជួយដីកើតឡើងនៅរដូវរងា នឹងកាន់តែអាក្រក់ជាងនេះ។

Hokkaido និង Tohoku ជាតំបន់ត្រជាក់ទាំងពីរ។ ពេលរញ្ជួយដីកើតឡើង បញ្ហាផ្គត់ផ្គង់អគ្គិសនី និងឧស្ម័នត្រូវផ្អាកបណ្តោះអាសន្ន។ នៅពេលនោះ ទោះមនុស្សត្រូវបានជួយសង្គ្រោះ ក៏មិនអាចធានាថាពួកគេអាចរស់រានមានជីវិតដែរ ដោយសារកង្វះអាហារ និងអាកាសធាតុអាក្រក់។

គ្រោះមហន្តរាយនាឆ្នាំ ២០១១ នៅតែបន្តធ្វើទុក្ខដល់ប្រទេសជប៉ុន ជាមួយនឹងកម្រិតខូចខាតដល់ទៅ ១០ ដង បន្ទាប់មកទៀតជប៉ុនអាចនឹងទទួលការវាយប្រហារ និងបំផ្លិចបំផ្លាញយ៉ាងធ្ងន់ធ្ងរ ជាពិសេសនៅ Hokkaido ។

តាមរយៈបទពិសោធន៍រលកយក្សច្រើនកើតឡើងនៅតំបន់មាត់សមុទ្រ។ មតិមួយចំនួននិយាយថា ប្រសិនបើបណ្តេញតំបន់មាត់សមុទ្រចេញអាចកាត់បន្ថយការខូចខាត។ បញ្ហានេះមិនអាចដោះស្រាយដោយងាយៗនោះទេ ព្រោះត្រូវគិតដល់ការងារផងដែរ។

មូលហេតុដែលរដ្ឋាភិបាលជប៉ុនប្រកាសទិន្នន័យព្យាករណ៍ទាំងនេះ ដោយសារពួកគេកំពុងពិចារណាយ៉ាងហ្មត់ចត់នូវវិធានការទប់ទល់ពេលគ្រោះមហន្តរាយពិតជាកើតឡើង។ ជាមួយគ្នានេះ រដ្ឋាភិបាលក៏បានផ្ដាំផ្ញើដល់ប្រជាពលរដ្ឋម្នាក់ៗ ត្រូវបំពាក់ចំណេះដឹងការពារខ្លួនដូចខាងក្រោម៖