នាយករដ្ឋមន្ត្រីជប៉ុនជម្រុញអោយប្រជាជនផឹកទឹកដោះគោអោយច្រើន​ចៀស​វាងចាក់ចោលរាប់តោនក្នុងរដូវរងាឆ្នាំនេះ

ថ្ងៃ​សុក្រ 24/12/2021 | 10:36 ព្រឹក

យោងតាមទីភ្នាក់ងារព័ត៌មាន Bloomberg បានអោយដឹងនាយករដ្ឋមន្រ្តីជប៉ុន Kishida Fumio បានជម្រុញឱ្យប្រជាជន​ផឹក​ទឹក​ដោះគោឱ្យបានច្រើនក្នុងអំឡុងពេលសន្និសីទសារព័ត៌មានកាលពីថ្ងៃអង្គារ។

“យើងសង្ឃឹមថាប្រជាជនអាចចូលរួមផឹកទឹកដោះគោច្រើនជាងធម្មតា និងប្រើប្រាស់ទឹកដោះគោក្នុងការចម្អិនអាហារ” ។

រដ្ឋមន្ត្រីក្រសួងកសិកម្មជប៉ុន លោក Genjiro Kaneko និងអភិបាលក្រុងតូក្យូ លោក Yuriko Koike បានផឹកទឹក​ដោះ​គោម្នាក់មួយកែវក្នុងអំឡុងសន្និសីទសារព័ត៌មានកាលពីថ្ងៃទី ១៧ ខែធ្នូ។

រដ្ឋាភិបាលជប៉ុនប៉ាន់ប្រមាណថាទឹកដោះគោឆៅប្រហែល ៥០០០ តោនអាចត្រូវគេចាក់ចោលក្នុងរដូវរងាឆ្នាំនេះ។

ជាទម្លាប់នៅក្នុងប្រទេសជប៉ុន រដូវរងាមកដល់ជាពេលដែលតម្រូវការទឹកដោះគោមានការថយចុះ ដោយសារតែសាលា​រៀន​ឈប់សម្រាក និងអ្នកលក់រាយផ្អាកដំណើរការក្នុងឳកាសឆ្នាំថ្មីបណ្តោះអាសន្ន។

យោងតាមសមាគមទឹកដោះគោជប៉ុនបានអោយដឹង ជំងឺរាតត្បាតកូវីដ ១៩ នៅតែកំពុងប៉ះពាល់ដល់វិស័យសណ្ឋា​គារ ភោជនីយដ្ឋាន ដែលនាំឱ្យមាន​ផល​ប៉ះ​ពាល់​ដល់ការទទួលទានទឹកដោះគោ និងផលិតផលចម្រាញ់ចេញ​ពី​ទឹក​ដោះ​គោ។

កសិករផលិតទឹកដោះគោនៅក្នុងប្រទេសជប៉ុនបានប្តេជ្ញាចិត្តទិញទឹកដោះគោមួយលីត្រក្នុងមួយថ្ងៃចាប់ពីថ្ងៃទី ២៥ ខែធ្នូ ឆ្នាំ ២០២១ ដល់ថ្ងៃទី ៣ ខែមករា ឆ្នាំ ២០២២។ ពួកគេក៏បានរកមធ្យោបាយទាក់ទាញចំណាប់អារម្មណ៍អ្នកប្រើបណ្តាញសង្គមដោយប្រើពាក្យគន្លឹះ (hashtag) # 1L ក្នុងមួយថ្ងៃ។

ទន្ទឹមនឹងនេះបណ្តាញហាងរបស់ Lawson នឹងផ្តល់ការបញ្ចុះតម្លៃ ៥០% លើផលិតផលទឹកដោះគោក្តៅ នៅថ្ងៃទី ៣១ ខែធ្នូ និងថ្ងៃចូលឆ្នាំសកល។ ក្រុមហ៊ុនទឹកដោះគោ Meiji បានចុះហត្ថលេខាជាមួយជើងឯកកីឡាចំបាប់ Saori Yoshida សម្រាប់យុទ្ធនាការផ្សាយពាណិជ្ជកម្មថ្មីបំផុតរបស់ខ្លួន ដើម្បីលើកកម្ពស់ការប្រើប្រាស់ទឹកដោះគោ។

AD

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: