លើកដំបូងហើយមន្ទីរពេទ្យជប៉ុនវះកាត់ទារកក្នុងផ្ទៃម្តាយ​ដែលមាន​ជំងឺ​បេះ​ដូងពីកំណើតជោគជ័យ

នៅទីក្រុងតូក្យូករណីវះកាត់បេះដូងសម្រាប់ទារកក្នុងផ្ទៃម្តាយដែលមានជំងឺបេះដូងពីកំណើតធ្វើឡើងដោយជោគ​ជ័យ។

កាលពីខែកក្កដាកន្លងទៅ មជ្ឈមណ្ឌលសុខភាព និងអភិវឌ្ឍន៍កុមារជាតិ ប្រទេសជប៉ុនបានធ្វើការវះកាត់បង្កើត Aortic Valve សម្រាប់ទារកក្នុងផ្ទៃម្តាយមានអាយុ ២៥ សប្តាហ៍។ ទារកកើតមកមានសុខភាពល្អ ទាំងម្តាយ និង​កូន​មានសុខភាពល្អ។

វេជ្ជបណ្ឌិត​ធ្វើ​ការ​វះ​កាត់ខណៈពេលពិនិត្យ​មើល​ស្ថានភាព​គភ៌​តាមរយៈអេកូ (រូបថតបានមកពីមជ្ឈមណ្ឌលសុខភាព និង​អភិវឌ្ឍន៍ជាតិ) ។

ទារក​មាន​ជំងឺ​ស្ទះ​សរសៃឈាម​បេះដូង​តាំងពី​មិនទាន់កើត ដែលក្នុងនោះរន្ធសន្ទះបិទបើកនៅចន្លោះប្រហោងខាង​ឆ្វេង (ជាកន្លែងដែលឈាមបូមទៅកាន់រាងកាយទាំងមូល) ហើយសរសៃរឈាមក្រហមធំរួមតូចបណ្តាលអោយស្ទះ​ចរន្ត​ឈាម។

​ករណី​ធ្ងន់ធ្ងរមួយចំនួន រន្ធ​ខាង​ឆ្វេង​មិនលូតលាស់ធម្មតា ចំណែកឯ​ទារក​អាច​ប្រឈម​នឹងការ​ស្លាប់​ដោយ​សារ​ជំងឺ​ខ្សោយ​បេះដូងភ្លាមៗបន្ទាប់ពីកើត​។ ចំពោះករណីផ្សេងទៀតរន្ធខាងឆ្វេងរបស់ទារកតូច និងមិនអាចប្រើប្រាស់បាន។ សង្ឃឹម​ថា​ការ​ព្យាបាល​ក្នុង​ដំណាក់កាល​គភ៌អាចជម្រុញដល់​ការ​អភិវឌ្ឍ​បេះដូង ដែលអនុញ្ញាត​ឱ្យ​បេះ​ដូង​ទារក​ដំណើរការធម្មតាតាមរយៈរន្ធខាងឆ្វេង និងខាងស្តាំក្រោយពេលកើត។

យោងតាម ​​NCCHD (អក្សរកាត់នៃមជ្ឈមណ្ឌលសុខភាព និងអភិវឌ្ឍន៍កុមារជាតិ) មុននោះការវះកាត់ព្យាបាលទារកក្នុងផ្ទៃក៏ត្រូវបានអនុវត្តដោយជោគ​ជ័យ​នៅអឺរ៉ុប និងសហរដ្ឋអាមេរិកផងដែរ។ ប្រហែលពី ៧០% ទៅ ៩០% ក្នុងចំណោមនោះ ប្រហែល ៣០% ទៅ ៥០% ស្តារមុខងាររន្ធខាងឆ្វេង និងអនុញ្ញាតឱ្យឈាមធ្វើដំណើរទៅកាន់រាងកាយទាំងមូល។

NCCHD មានគោលបំណងធ្វើការស្រាវជ្រាវសរុបចំនួន ៥ នៅឆ្នាំ ២០២៥ ។ Haruhiko Sago – នាយករងមន្ទីរពេទ្យបាននិយាយថា ថ្វីត្បិត​​តែ​មន្ទីរ​ពេទ្យមិនច្រើនអាចព្យាបាលជំងឺនៅដំណាក់កាលក្នុងផ្ទៃម្តាយ ប៉ុន្តែសំណាងការព្យាបាលជំងឺបេះដូងពីកំណើតអាចត្រូវបានអនុវត្តនៅដំណាក់កាលនេះ។

មន្ទីរពេទ្យមានបំណងបង្កើនចំនួនប្រតិបត្តិការព្យាបាលជំងឺបេះដូងសម្រាប់ទារកក្នុងផ្ទៃម្តាយនាពេលអនាគត ហើយក្នុងពេលជាមួយគ្នានេះ បង្កើតការព្យាបាលដែលផ្តល់ក្តីសង្ឃឹមដល់អ្នកដែលធ្លាក់ស្ថានភាពមានជំងឺពីកំណើត។

Yuki