ករណីអគ្គីភ័យនៅ Kitashinchi ទីក្រុង Osaka ធ្វើអោយមនុស្ស ២៧ នាក់ធ្លាក់ក្នុងស្ថានភាពគ្រោះថា្នក់ដល់ជីវិត

នៅ​ព្រឹក​ថ្ងៃ​ទី ១៧ ខែ​ធ្នូកើតមានករណីអគ្គីភ័យអគារផ្នែកចិត្តសាស្រ្ត​នៅ Kitashinchi ទីក្រុង Osaka ។ អាជ្ញាធរ​បានអោយដឹងថាមនុស្ស​ប្រមាណ ២៧ នាក់កំពុងស្ថិតនៅក្នុងស្ថានភាពគ្រោះថា្នក់ដល់អាយុជីវិត។

អគារដែលឆាបឆេះ​ក្នុង​សង្កាត់ Kita Osaka ថ្ងៃទី ១៧ ខែ​ធ្នូ ឆ្នាំ​២០២១

កងកម្លាំងពន្លត់អគ្គីភ័យក្នុងស្រុកបានអោយដឹងថាអគ្គីភ័យឆាបឆេះនៅជាន់ទី ៤ នៃអគារ Sonezakishinchi, Kita-ku, Osaka វេលាម៉ោងប្រហែល ១០ៈ២០ នាទីព្រឹក។

យោងតាមព័ត៌មានបឋមពីនាយកដ្ឋានពន្លត់អគ្គីភ័យ មនុស្សប្រមាណ ២០ នាក់កំពុងជាប់គាំងនៅអគារជាន់ទី ៤ រួម​មាន​អ្នកជំងឺ និងបុគ្គលិកផ្នែកចិត្តសាស្រ្ត។ លើសពីនេះកំពុងមានបញ្ហាផ្លូវដង្ហើមដោយសារ​គាំង​បេះដូង។

រថយន្តពន្លត់អគ្គីភ័យចំនួន ៤៤ គ្រឿង និងរថយន្តផ្សេងទៀតត្រូវបានបញ្ជូនទៅកន្លែងកើតហេតុ ភ្លើងត្រូវបានពន្លត់​ក្នុងរយៈពេលប្រហែល ៣០ នាទី នៅជាន់ទី ៤ ទំហំប្រមាណ 20m2 ត្រូវឆាបឆេះអស់។

នាយកដ្ឋានបង្ការ និងពន្លត់អគ្គីភ័យកំពុងស្វែងរកព័ត៌មានអ្នករងរបួស ហើយស៊ើបអង្កេត​ពី​មូលហេតុ​អគ្គិភ័យ​។

ទីតាំងនៅក្នុងតំបន់ដែលមានអគារជួលច្រើន មានកន្លែងកម្សាន្ត ផ្សារទំនើបនៅទីប្រជុំជន Kitashinchi ជិតស្ថានីយ៍ JR Osaka ។

សាក្សីម្នាក់ដែលធ្វើការនៅភោជនីយដ្ឋានក្បែរកន្លែងកើតហេតុបាននិយាយថា៖ “ខ្ញុំមើលឃើញផ្សែង មានរថយន្តពន្លត់អគ្គីភ័យជាច្រើនគ្រឿង និងរថយន្តសង្គ្រោះបន្ទាន់។ បន្ទាប់មក​អ្នកពន្លត់អគ្គីភ័យប្រើរថយន្តជណ្តើរដើម្បីជម្លៀស​អ្នក​ជាប់​គាំងខាងក្នុង ខណៈពេលនោះតំបន់ជុំវិញដាច់ភ្លើងដោយសារ​ករណីអគ្គិភ័យ” ។

Japo Cambodia