អត្តន័យ និងប្រផ្នូលមិនល្អរបស់ផ្កាសាគូរ៉ាដែលអ្នកប្រហែលជាមិនទាន់ដឹង

ភាគច្រើនជនបរទេសធ្វើដំណើរទៅប្រទេសជប៉ុនដោយសារពួកគេចង់​ឃើញ​ផ្កា​សាគូរ៉ា។ ជាពិសេសផ្កាសាគូរ៉ាជប៉ុន ជា​ពូជ​ផ្កាដែលគេហៅ​ថា ​ផ្កាសាគូរ៉ា Yoshino មានលក្ខណៈពិសេស​ជា​ច្រើន ខុសពីផ្កាសាគូរ៉ានៅប្រទេស​ផ្សេង​ទៀត។

ផ្កាសាគូរ៉ា Yoshino មានពណ៌ផ្កាឈូកលាយសស្រស់ស្អាត ផ្ការីកមុនពេលចេញស្លឹក ដូច្នេះនៅរដូវចេញផ្កាដូចជាវង្វេងក្នុងពិភពផ្កាអញ្ចឹង។ ទេសភាពស្រស់ស្អាត ខ្សល់បក់ធ្វើអោយត្របកផ្កាហើរទៅគ្រប់ទីកន្លែង ហើយនៅពេលដែលត្របកផ្កា​ធ្លាក់​ក៏​ស្អាត​ណាស់ដែរ។

នៅជប៉ុនប្រភេទផ្កានីមួយៗមានភាសាផ្ទាល់ខ្លួនហៅថា Hanakotoba ។ ដូច្នេះ​តើ​ផ្កាសាគូរ៉ានិយាយពីអ្វី? តោះចូរស្វែងយល់​ជាមួយ​នឹង JAPO ទាំងអស់គ្នាថាផ្កាសាគូរ៉ាសំដៅលើអ្វី។

ភាពស្មោះត្រង់

តើអ្នកធ្លាប់ឮរឿង​ប្រធានាធិបតី​អាមេរិក​ដំបូង Washington កាប់ដើមសាគូរ៉ារបស់ឪពុកដែរទេ?

នៅចំពោះមុខឪពុកដែលកំពុងខឹងយ៉ាងខ្លាំង កូនប្រុស Washington ដែលក្រោយមកបានក្លាយជាប្រធានា​ធិបតី​ដំបូង​របស់​សហរដ្ឋអាមេរិក សារភាពកំហុសរបស់ខ្លួនជ្រុលដៃយកពូថៅកាប់ដើមឈើ។ ឪពុកភ្ញាក់ផ្អើលនឹងភាពស្មោះត្រង់របស់កូនប្រុសនិយាយថា “ភាពស្មោះត្រង់របស់កូនមានតម្លៃជាងដើមសាគូរ៉ាមួយ​ពាន់​ដង” ។

កូនស្រីសុភាព

ក្រឡេកមកមើលផ្កាស្រទន់ ពិតជាស្អាតធ្វើឲ្យយើងគិតភ្លាមដល់នារីស្រស់ស្អាត សុភាព ក៏ជាការគិតស្រមៃដ៏ល្អផង​ដែរ។

សូម​កុំ​បំភ្លេច​ខ្ញុំ

អត្តន័យផ្កាសាគូរ៉ានៅបារាំង ព្រោះតែត្របកផ្កាជ្រុះធ្លាក់តាមខ្សល់ដែល​បង្ហាញ​ពី​ទិដ្ឋភាពមិនចង់បែក​គ្នា​ ដូច្នេះទើប​បង្កើត​បានជាអត្តន័យនេះ។

ដូច្នេះឃើញថាអត្ថន័យផ្កាសាគូរ៉ានៅតែស្រស់ស្អាត និងរ៉ូមែនទិចដដែល។

ប្រសិនបើស្វែងយល់អោយកាន់តែលម្អិតនិមិត្តរូបផ្កាសាគូរ៉ានៅជប៉ុន យើងនឹងដឹងពីអត្តន័យផ្សេងទៀតដែលទាក់ទងនឹង “ការបែកបាក់” និង “សេចក្តីស្លាប់” ។

កាលពីមុនប្រជាជនជប៉ុនជឿថា សាគូរ៉ានាំមកនូវសំណាងអាក្រក់។

នៅក្នុង 古事記 (Kojiki – ប្រវត្តិសាស្រ្តបុរាណ) ជាសៀវភៅ​ប្រវត្តិសាស្ត្របុរាណបំផុតរបស់ជប៉ុនបានកត់ត្រា​ថា ទេពធីតាគង់នៅក្នុងផ្កាសាគូរ៉ា 木花開耶姫 (Konohana no sakuya hime) ។ ប៉ុន្តែ​ដោយសារ​តែទេពធីតាជា​នារី​មាន​អាយុ​ខ្លី ដូច្នេះបានជាផ្កាសាគូរ៉ារីករយៈពេលខ្លី។ ចាប់តាំងពីពេលនោះមក ផ្កាផ្សារភ្ជាប់ជាមួយនឹងអត្តន័យ “ជីវិត​ខ្លី” “ការ​បែកបាក់” និង “សេចក្តីស្លាប់” ។

ប្រហែល ១២០០ ឆ្នាំមុន វប្បធម៌គយគន់ផ្កាសាគូរ៉ាមាននៅតាមតំបន់ជាច្រើនទូទាំងប្រទេសជប៉ុន រហូតដល់សម័យ​អេដូ ផ្កាសាគូរ៉ាមានរូបរាងផ្កាសាគូរ៉ា Yoshino ដូចសព្វថ្ងៃ។ ទោះជាយ៉ាងណា ផ្សារភ្ជាប់នឹងអត្តន័យ “សេចក្តីស្លាប់” មិនអាចបដិសេធបានទេ។ ដូច្នេះហើយនៅតាមកន្លែងជាច្រើន ប្រជាជនដាំផ្កាសាគូរ៉ាសម្រាប់បួងសួងដល់ព្រលឹង​វិញ្ញាណ។

នោះជាមូលហេតុ​អ្នក​តែងតែឃើញ​ផ្កា​សាគូរ៉ា​ដាំ​នៅ​តាម​វត្ត ឬ​ក្បែរ​ផ្នូរ។ ដើមសាគូរ៉ានៅទីសក្ការៈ Yasukuni (Tokyo Kudan) គឺដើម្បីបួងសួងដល់ព្រលឹងទាហានដែលបានស្លាប់ក្នុងសង្គ្រាម។ នៅក្នុងសមរភូមិ ទាហានតែងតែនិយាយ​​គ្នាថា “ជួបគ្នានៅក្រោមដើមផ្កាសាគូរ៉ា Yasukuni” ប្រយោគនេះមានន័យថា បន្ទាប់ពីស្លាប់ព្រលឹងនឹងមកប្រមូលផ្តុំនៅកន្លែងនេះ អត្តន័យនេះក៏ផ្សារភ្ជាប់នឹងសេចក្តីស្លាប់ផងដែរ។

លើសពីនេះ ៨០% ផ្កាសាគូរ៉ានៅទូទាំងប្រទេសជប៉ុន គឺជាពូជផ្កាសាគូរ៉ា Yoshino ។ ដូចដែលបានលើកឡើងខាង​លើ​ជា​ពូជ​រុក្ខជាតិសិប្បនិម្មិត ដូច្នេះស្ទើរតែមិនអាចរស់បានដោយខ្លួនឯងក្នុងធម្មជាតិ។ ដូច្នេះហើយផ្កាសាគូរ៉ាជប៉ុន​​ជាប្រភេទ​ពូជសុទ្ធ ដោយសារការបង្កាត់របស់សិប្បករ។

ដោយសារលក្ខណៈដ៏ពិសេសនេះ រុក្ខជាតិដទៃទៀតមិនអាចប្រៀបបាន។

ថ្វីត្បិតតែផ្កាសាគូរ៉ាមានអត្តន័យក្រៀមក្រំ មិនល្អ ប៉ុន្តែទោះជាយ៉ាងណា ជារៀងរាល់ឆ្នាំខ្ញុំតែងតែទន្ទឹមរង់ចាំរដូវផ្កា​រីក ជា​សញ្ញា​បង្ហាញថារដូវរងាជិតកន្លងផុតទៅ។

Kengo Abe