ព្រះនាង Aiko ប្រារព្ធព្រះរាជពិធីបុណ្យចម្រើនព្រះជន្មគម្រប់ ២០ ឆ្នាំ

កាលពីថ្ងៃទី ១ ខែធ្នូ ព្រះនាង Aiko (បុត្រីរបស់ព្រះចៅអធិរាជ និងមហា​ក្សត្រី) បានប្រារព្ធព្រះរាជពិធីបុណ្យចម្រើនព្រះជន្មគម្រប់ ២០ ឆ្នាំ ហើយនៅ​ថ្ងៃទី ៥ ព្រះនាងក៏បានប្រារព្ធពិធីពេញវ័យនៅព្រះបរមរាជវាំង។ ព្រះនាង​ទ្រង់​ស្លៀក​​រ៉ូប robe décolletage ពណ៌ស និង​មកុដ ជា​សម្លៀក​បំពាក់​​ផ្លូវការ​ដែល​ស្ត្រី​ក្នុង​រាជវង្ស​តែង​ពាក់​ពេល​ចូល​រួម​ក្នុង​ព្រះរាជ​ពិធី និង​​​ពិធី​​​ជប់​​លៀង​រដ្ឋ។

រូបភាព Asahi

រូបភាព Yomiuri

ក្នុងព្រឹត្តិការណ៍នេះ ព្រះនាង Aiko មិនបានប្តូរមកុដថ្មីនោះទេ ប៉ុន្តែខ្ចីពីប្អូនស្រីរបស់អធិរាជ ដែលជាអតីតព្រះនាង Sayako ។ តាមការបញ្ជាក់របស់មន្ត្រីរាជការ ទាំងព្រះចៅអធិរាជ មហាក្សត្រី និងព្រះនាងម្ចាស់ក្សត្រិយ៍​យល់​ថានេះជាទង្វើត្រឹមត្រូវដោយសារផលប៉ះពាល់នៃជំងឺកូវីដ ១៩ មកលើសេដ្ឋកិច្ច ប្រទេស និងជីវិតប្រជាជន។ ពិធី​ជប់​លៀង​ក្នុង​កម្មវិធីរបស់​​ព្រះនាង Aiko ក៏ត្រូវលុបចោលដោយសារជំងឺរាតត្បាត។

ព្រះនាង Aiko កំពុងសិក្សាអក្សរសាស្ត្រជប៉ុននៅសាកលវិទ្យាល័យ Gakushuin ។ ព្រះនាងក៏ចូលរួមថ្នាក់ភាសាអង់គ្លេស អេស្ប៉ាញ កីឡា និងវិទ្យាសាស្ត្រសុខាភិបាលផងដែរ។ បន្ទាប់ពីប្រារព្ធពិធីចម្រើនព្រះជន្ម ព្រះនាង Aiko នឹង​បំពេញ​តួនាទី​ជា​សមាជិក​ពេញវ័យនៃគ្រួសាររាជវង្ស។

ក្នុង​ឱកាសប្រារព្ធពិធីបុណ្យចម្រើនព្រះជន្មរបស់ព្រះនាង Aiko សារព័ត៌មាន Asahi Shimbun ក៏​បាន​បង្ហោះ​រូបថត​​ស្ត្រី​រាជវង្សជប៉ុនពាក់មកុដផងដែរ។

Noriko-sama និង Akishinomiya-sam រូបថតអនុស្សាវរីយ៍ដែលបានថតក្នុងពិធីមង្គលការក្នុងឆ្នាំ ១៩៩០ ។

អតីតព្រះនាង Sayako (បច្ចុប្បន្ន) ស្លៀកសំលៀកបំពាក់សម្រាប់ចូលរួមពិធីមង្គលការរបស់អធិរាជ និងម្ចាស់ក្សត្រី (ពេលនោះ) ក្នុងឆ្នាំ ២០០៥ ។

បុត្រីទី ២ នៃគ្រួសារ Akishinomiya ព្រះនាង Kako ប្រារព្ធពិធីបុណ្យចម្រើនព្រះជន្ម ២០ ឆ្នាំ ហើយចូលរួមពិធីពេញវ័យនៅព្រះបរមរាជវាំងក្នុងខែធ្នូ ឆ្នាំ ២០១៤ ។

ព្រះនាង Kiko Akishino និងកូនស្រីច្បង Mako ចាកចេញពី “ពិធីបុណ្យទទួលឆ្នាំថ្មី” ក្នុងឆ្នាំ ២០១៨ ។

ព្រះម្ចាស់ក្សត្រី Masako (ពេលនោះ) និងសមាជិកស្រ្តីក្នុងត្រកូលរាជវង្សចូលរួម “ពិធីបុណ្យទទួលឆ្នាំថ្មី” ក្នុងឆ្នាំ ២០១៩ ។

ព្រះចៅអធិរាជ និងម្ចាស់ក្សត្រីចូលរួម “ពិធីបុណ្យទទួលឆ្នាំថ្មី” ឆ្នាំ ២០២០។

Sacchan