គន្លឹះក្នុងការបញ្ជាទិញគ្រឿងសម្អាងនៅលើគេហទំព័រអនឡាញដែលស្រ្តីជប៉ុនចូលចិត្ត

ក្នុងជីវិតប្រចាំថ្ងៃ តម្រូវការសម្រស់របស់ស្រ្តីតែងតែខ្ពស់ជាងបុរស ចំណាយច្រើនក្នុងការទិញសំលៀកបំពាក់ ថែ​រក្សា​ស្បែក​មុខ និងគ្រឿងសម្អាងជាដើម។ ជាពិសេសសម្រាប់អ្នកដែលតុបតែងមុខជាប្រចាំ ត្រូវចំណាយលើផលិត​ផល​គ្រឿង​សម្អាង​ច្រើន។ ដូច្នេះមនុស្សជាច្រើនសម្រេចទិញគ្រឿង​សម្អាង​ថោកៗ ប៉ុន្តែវិធីនេះក៏មាន​ហានិ​ភ័យ​ផង​ដែរ ដូច​ជា​គុណភាពអន់បណ្តាលឱ្យរលាកស្បែក ។ល។ គ្រឿងសម្អាងដែលមានគុណភាពខ្ពស់បែរជាគ្មានលទ្ធភាព​ទិញ។

នៅប្រទេសជប៉ុនប្អូនៗថ្នាក់បឋមសិក្សាមួយចំនួនបានចាប់ផ្តើមប្រើគ្រឿងសម្អាង ប៉ុន្តែក្នុងវ័យនេះប្អូនៗគ្មានប្រាក់ចំណូល ដូច្នេះអាចទិញតែគ្រឿង​​សម្អាង​ថោក​ៗ​ប៉ុណ្ណោះ ចំណុចនេះធ្វើអោយស្បែកមុខរបស់ប្អូនៗកាន់តែអាក្រក់​ទៅ  ខណៈពេលដែលនេះជាវ័យដែលស្បែករបស់ប្អូនៗម៉ត់រលោង។

ក្រៅពីនេះគ្រឿងសម្អាងកូរ៉េ និងចិនក៏ទទួលបានការវាយតម្លៃវិជ្ជមានជាច្រើនផងដែរ ប៉ុន្តែជនជាតិជប៉ុនជាច្រើន​មាន​ការ​ព្រួយ​បារម្ភចំពោះបញ្ហាទិញទំនិញក្លែងក្លាយតាមរយៈគេហទំព័រលក់អនឡាញ។

ដើម្បីដោះស្រាយបញ្ហាទាំងពីរនេះ គេហទំព័រមួយដែលមានឈ្មោះថា Qoo10 (អានថា Kyu-ten) ត្រូវបានបង្កើតឡើង។

រូបភាព https://www.qoo10.jp/

នេះជាគេហទំព័រពាណិជ្ជកម្មអេឡិចត្រូនិកដែលអ្នកអាចទិញទំនិញក្នុងស្រុក និងម៉ាកជាច្រើនផ្សេងទៀតនៅលើពិភព​លោក។ លើសពីនេះគុណសម្បត្តិគឺថាមានតម្លៃសមរម្យបំផុត។

ជាដំបូងសូមក្រឡេកមើលគេហទំព័រ។

រូបភាព https://noin.shop/items/1367357778414276631

នេះគឺម្សៅផាត់ភ្នែក ZEESEA ដែល​លក់​នៅ​ប្រទេស​ជប៉ុន​ក្នុង​តម្លៃ ៤,១៨០ យ៉េន។ ថ្វីត្បិតតែមានច្រើនពណ៌ ប៉ុន្តែតម្លៃថ្លៃ មិនមែនមនុស្សគ្រប់គ្នាសុទ្ធ​តែ​មានលទ្ធភាពទិញនោះទេ។ ប្រសិនបើអ្នកពិនិត្យតម្លៃផលិតផលនៅ​លើ Qoo10 ពិតជាគួរឱ្យភ្ញាក់ផ្អើលតម្លៃត្រឹមតែ ២,១៩០ យ៉េនប៉ុណ្ណោះ ថែមទាំងអាចមានការបញ្ចុះតម្លៃផង​ដែរ។

ថោកអញ្ចឹងមិន​ដឹង​ថា​គុណភាព​យ៉ាងណាទេ ប្រហែលមនុស្សជាច្រើនមានចម្ងល់ តោះ​សាក​កុម្ម៉ង់​ជាមួយ​នឹង JAPO ទាំង​អស់​គ្នា។

ប្រសិនបើអ្នកបញ្ជាទិញលើកដំបូងនៅលើ Qoo10 អ្នកនឹងទទួលបានការបញ្ចុះតម្លៃ ២០%។

ដោយសារត្រូវដឹកជញ្ជូនពីក្រៅប្រទេស ដូច្នេះថ្លៃដឹកជញ្ជូនចំណាយ ៥៨០ យ៉េនបន្ថែមទៀត ប៉ុន្តែដោយសារខ្ញុំទទួលបានការបញ្ចុះតម្លៃ ៣០០ យ៉េន។

មានវិធីទូទាត់ប្រាក់ជាច្រើនដូចបង្ហាញក្នុងរូបភាព ដូច្នេះ​អ្នក​អាច​ជឿជាក់​ក្នុង​ការ​ជ្រើសរើស​វិធីសាស្ត្រ​ដែលសក្តិ​សម​នឹង​ខ្លួន។

នៅទីបំផុតទំនិញបានមកដល់។

ខ្ញុំ​ពិត​ជា​ចាប់​អារម្មណ៍យ៉ាង​ខ្លាំង ​ព្រោះ​ផលិតផល​មើល​ទៅ​ល្អ​ប្រណិត។ តាំងពីការវេចខ្ចប់រហូតដល់ពណ៌ម្សៅផាត់ភ្នែក​សុទ្ធ​តែលើសការរំពឹងទុករបស់ខ្ញុំ។

មតិយោបល់មួយចំនួនពេលទិញផលិតផលនៅលើ Qoo10 ដែលខ្ញុំចង់ចែករំលែកប្រាប់អ្នក។

១. អ្នកគួរតែពិនិត្យមើលតម្លៃផលិតផលដែលអ្នកចង់ទិញនៅលើគេហទំព័រដូចជា Amazon, Rakuten… ដើម្បីប្រៀប​ធៀប​ជា​មួយ​តម្លៃនៅលើ Qoo10 ។

ភាគច្រើនផលិតផលដែលលក់នៅលើ Qoo10 មានតម្លៃថោកជាងគេហទំព័រទំនិញអនឡាញផ្សេងទៀត ប៉ុន្តែពេលខ្លះ​មិន​ដូច្នោះ​ទេ ដូច្នេះកុំភ្លេចពិនិត្យមើលមុនពេលបញ្ជាទិញ។

២. ការបញ្ជាទិញពីក្រៅប្រទេសអាចនឹងយឺតយ៉ាវ

អ្នកមិនអាចទទួលបានទំនិញដែលដឹកជញ្ជូនពីក្រៅប្រទេសភ្លាមៗនោះទេ។ ដូច្នេះសូមពិនិត្យមើលពេលវេលាអោយបាន​ត្រឹម​​ត្រូវ​ក្នុងការបញ្ជាទិញ ហើយកុំភ្លេចបញ្ហាទំនិញរបស់អ្នកអាចនឹងមកដល់យឺត។

៣. ពេលខ្លះការវេចខ្ចប់ទំនិញមិននៅដដែល

សូម្បីតែពេលដែលខ្ញុំកុម្ម៉ង់ផលិតផលនេះ ជ្រុងប្រអប់មានប្រឡាក់បន្តិច ដូច្នេះសូមប្រយ័ត្នពេលអ្នកជ្រើសទិញធ្វើជា​កាដូ​សម្រាប់​អ្នក​ដ៏ទៃ។

ទាំងនេះជាគំនិតរបស់ខ្ញុំ​បន្ទាប់​ពី​បាន​ប្រើ​គេហទំព័រ Qoo10 អ្នក​ក៏​គួរ​តែ​ប្រើសាកមើលពេលមានឳកាសណា!

Kengo Abe