ប្រាក់រង្វាន់ជាង ១០ ពាន់លានយ៉េនមិនដល់ដៃអ្នកឈ្នះឆ្នោត តើហេតុ​អ្វី?

នៅប្រទេសជប៉ុនរដូវរងាត្រជាក់ខ្លាំងណាស់ ពេលឆ្នាំថ្មីមកដល់អ្វីដែលបុគ្គលិករង់ចាំគឺប្រាក់រង្វាន់បំណាច់ឆ្នាំ។ គួរអោយ​ស្តាយឆ្នាំនេះ ដោយសារជំងឺកូវីដ ១៩ ការរំពឹងទុកក៏រលាយសាបសូន្យ។

ដូច្នេះមនុស្សជាច្រើនមានបំណងប្រាថ្នា “មួយជំហានឡើងលើមេឃ” ស្រមៃចង់ឈ្នះឆ្នោត។

ជាពិសេសនៅពេលនេះឆ្នោត Jumbo កំពុងបើកដំណើរការជាមួយនឹងរង្វាន់ (រង្វាន់ទីមួយ រង្វាន់មុន និងក្រោយ) រហូតដល់ ១ ពាន់លានយ៉េន។ ជា​មួយ​នឹង​ចំនួន​ប្រាក់ច្រើនដែលបានឈ្នះ អ្នកអាចរស់នៅដោយភាពរីករាយពេញមួយជីវិត ដូច្នេះមានមនុស្សជាច្រើនចង់ឈ្នះរង្វាន់នេះ។

រូបភាព https://news.livedoor.com/article/image_detail/21306347/?img_id=31500477

ប៉ុន្តែ …

តើអ្នកដឹងទេថាមានករណីជាច្រើនអ្នកត្រូវរង្វាន់មិនប្តូរទៅជាប្រាក់?

ដំណើរការប្តូរប្រាក់អាចធ្វើឡើងក្នុងរយៈពេល ១ ឆ្នាំពីពេលដែលអនុញ្ញាតអោយប្តូរប្រាក់។ ផុតកំណត់រង្វាន់ត្រូវចាត់ទុកជាមោឃៈ ដែលមានន័យថាអ្នកមិនអាចប្តូរប្រាក់បានទៀតឡើយ។

ចំនួនប្រាក់សរុបដែលចាត់ទុកជា “មោឃៈ” កាលពីឆ្នាំមុនប្រហែល ១២,៨ ពាន់លានយ៉េន។

ដូចបានរៀបរាប់ខាងលើរង្វាន់ទីមួយ Jumpo ចុងឆ្នាំមានប្រហែល ៥ សន្លឹក។ ក្នុង​នោះ​រួម​ទាំង​រង្វាន់​នេះ​ មាន​អ្នក​ឈ្នះ​ប្រមាណ​ ១០ ​នាក់ដែល​មាន​ទឹក​ប្រាក់​ជាង​ ១០០ ​លាន​យ៉េន។ មិនត្រឹមតែឆ្នាំមុនប៉ុណ្ណោះទេ តែតែជារៀងរាល់ឆ្នាំរង្វាន់ប្រហែល ១០ ពាន់លានយ៉េនត្រូវចាត់ទុកជាមោឃៈ។

ធនាគារ Mizuho ដែលជាអ្នកចេញឆ្នោតមិន​មែន​ជា​ម្ចាស់​ប្រាក់ទេ ប៉ុន្តែប្រាក់ត្រូវបានប្រើ​សម្រាប់​គម្រោង​សាធារណៈ។ ទោះជាយ៉ាងណាចំពោះអ្នកឈ្នះរង្វាន់មិនប្តូរប្រាក់ក៏គួរអោយស្តាយផងដែរ។

ហេតុ​អ្វីពួកគេមិនទទួលបានប្រាក់?

ទោះបីនេះគ្រាន់តែជាការស្មាន (មិនមានស្ថិតិ) ប៉ុន្តែមានករណីមួយចំនួនដូចខាងក្រោម។

១. ទិញសន្លឹកឆ្នោតតែធ្វើបាត់

អ្នកដែលនៅក្នុងស្ថានភាពនេះមិនដឹងថាខ្លួនឈ្នះរង្វាន់នោះទេ ពួកគេក៏មិនចាំថាខ្លួនទិញលេខប៉ុន្មានដែរ។ ទោះ​ជា​យ៉ាងណាភ្លេចល្អជាងចាំ ព្រោះបើដឹងថាខ្លួនត្រូវឆ្នោតតែធ្វើបាត់អាចនឹងស្តាយក្រោយអស់មួយជីវិត។

២. ទិញ​ឆ្នោត​ពេលស្រវឹងស្រា

ករណីនេះប្រហែលជាច្រើន គ្រឹះស្ថាន​លក់​ឆ្នោតច្រើន​បិទ​ឆ្នោត​នៅ​ពេល​រសៀល ដូច្នេះគោលដៅនៃករណីនេះគឺអ្នកដែល​ស៊ី​ផឹក​ពេល​ថ្ងៃ។

៣. ទទួលមរណៈភាព

មនុស្សចាស់នៅជប៉ុនចូលចិត្តទិញសន្លឹកឆ្នោតណាស់ ម្តាយខ្ញុំក៏ដូច្នេះដែរ។

មានករណីមួយចំនួនលោកតា លោកយាយត្រូវឆ្នោត ប៉ុន្តែទទួលមរណៈភាព ចំណែកឯគ្រួសារមិនដឹងថាសន្លឹកឆ្នោត​នៅ​កន្លែង​ណា។ តាមគំនិតខ្ញុំអញ្ចឹងល្អជាង ឧទាហរណ៍អ្នកឈ្នះរង្វាន់ទីមួយដែលមានចំនួនទឹកប្រាក់សរុប ១ ពាន់លានយ៉េន រឿងនេះអាចបង្កឱ្យមានជម្លោះក្នុងគ្រួសារទាក់ទងនឹងមរតក។ យក​ល្អ​ចាត់ទុកដូចជាគ្មានប្រាក់ ព្រោះម្ចាស់រង្វាន់ក៏បានទទួលមរណៈភាពហើយដែរ។

ទោះនៅក្នុងស្ថានភាពមួយណាក៏គួរអោយស្តាយដែរ យកល្អកុំទិញសន្លឹកឆ្នោត ទុកឳកាសដល់អ្នកដែលត្រូវការប្រាក់​​ល្អជាង។

និយាយអញ្ចឹង នៅប្រទេសជប៉ុនមានមនុស្សជាច្រើនទិញសន្លឹកឆ្នោត ប៉ុន្តែលាក់ក្រុមគ្រួសារ និងសាច់ញាតិ ព្រោះមិនចង់ត្រូវគេនិយាយថា “អ្នកមិនឈ្នះទេ ទិញធ្វើអីនាំតែអស់ប្រាក់” ។

កន្លែងដែលគេតែងតែលាក់សន្លឹកឆ្នោតគឺនៅលើអាសនៈទេវតា អាសនៈព្រះពុទ្ធ ក្នុងកាបូប ក្នុងថតតុ ទូទឹកកក ខាង​ក្រោយ​ស៊ុមរូបថតឬក្នុងហោប៉ៅសម្លៀកបំពាក់។ ទុករបស់នៅ​កន្លែង​បែប​នោះ​ងាយ​នឹង​ភ្លេចឬ​​បាត់ណាស់។

តើអ្នកធ្លាប់ទិញសន្លឹកឆ្នោតដែរទេ?

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: