គម្រោងកម្ចីប្រាក់ថ្មីនៅជប៉ុន និងហានិភ័យដែលអាចកើតឡើង

រយៈពេល ២ ឆ្នាំមកហើយដែលជំងឺកូវីដរីករាលដាលជុំវិញពិភពលោក មនុស្សជាច្រើនធ្លាក់ក្នុងស្ថានភាពបាត់បង់ការ​ងារ​ធ្វើ។ ជីវិតជម្រុញអោយពួកគេជំពាក់បំណុល ជីវភាពកាន់តែលំបាក។

ខ្ចីបំណុលងាយណាស់ សងទើបពិបាក ជំពាក់បំណុលមិនងាយរួចខ្លួនឡើយ។ ក្រោមស្ថានភាពនោះគោលនយោ​បាយ​ផ្តល់​ប្រាក់កម្ចីថ្មីត្រូវបានបង្កើតឡើង ដែលសង្ឃឹមថានឹងជួយសម្រួលស្ថានភាពលំបាកនាពេលបច្ចុប្បន្ន។

អ្នកអាចខ្ចីរហូតដល់ ១០០,០០០ យ៉េនក្នុងមួយថ្ងៃ។

គ្រាន់តែសងការប្រាក់។

ស្តាប់ទៅមិនគួរអោយជឿមែនទេ?

គម្រោងកម្ចីដែលធនាគារក្នុងស្រុក Yamaguchi Bank និងក្រុមហ៊ុនហិរញ្ញវត្ថុអតិថិជន Aiful កំពុងព្យាយាមបង្កើត​នឹង​មក​ដល់​ក្នុងពេលឆាប់ៗនេះជាមួយនឹងពាក្យស្លោកបែបនេះ។

អ្នកមិនចាំបាច់សងប្រាក់ដើមវិញ (ប្រាក់​ដែល​បាន​ខ្ចី) ប៉ុន្តែបើដូច្នេះតើធនាគារត្រូវខាតបង់ឬ? ទោះជាយ៉ាងណាមូលហេតុ​ដែល​ពួក​គេ​អាច​ធ្វើបាន​បែប​នោះ ​ព្រោះមានធានា​រ៉ាប់រង​រួម​បញ្ចូល។ ធានារ៉ាប់រងអាយុជីវិតនឹងសងប្រាក់​ដែលពួកគេបានខ្ចីពេលពួកគេស្លាប់។

វិធីសាស្រ្តកម្ចីនេះនឹងកាន់តែគ្រោះថ្នាក់ អាស្រ័យលើរបៀបដែលអតិថិជនប្រើប្រាស់។ ថ្វីត្បិតនិយាយថាបង់តែការប្រាក់ ប៉ុន្តែប្រសិនបើអ្នកខ្ចី ១០ ម៉ឺនយ៉េនក្នុងខែដំបូង ហើយខ្ចី ១០ ម៉ឹនយ៉េនក្នុងខែបន្ទាប់ រួមទាំងការបង់ការប្រាក់នោះ អ្នកត្រូវបង់ការប្រាក់ ២០ ម៉ឺនយ៉េនក្នុងខែទី ៣ ។

ប្រសិនបើអ្នកខ្ចីបែបនេះដដែល ការប្រាក់នឹងលើស ១០ ម៉ឺនយ៉េន ហើយត្រឹម​តែការប្រាក់ក៏ក្លាយជាបំណុលថ្មីដែរ។

ទោះជាយ៉ាងណាប្រសិនបើអ្នកស្លាប់បំណុលទាំងអស់នឹងរលាយបាត់។

សេវាកម្មថ្មីនេះក៏ស្រដៀងនឹងខ្ចីប្រាក់របស់ Yakuza ដែរ ទោះបីជាត្រូវបានផ្សព្វផ្សាយថាជាសេវាកម្មជួយអ្នកដែលកំពុងជួបការលំបាក ប៉ុន្តែបើមិនពិចារណា ហើយចាយអោយបានត្រឹម​ត្រូវ នោះជីវិតរបស់អ្នកនឹងធ្លាក់ក្នុងស្ថាន​ភាព​ជាប់គាំង។ នៅទីបំផុតត្រូវយកជីវិតមកសងបំណុល។

គ្មានអ្វីបានមកដោយងាយនោះទេ កុំព្រោះតែការផ្សព្វផ្សាយលះបង់ជីវិតរបស់ខ្លួន។

Kengo Abe