ជប៉ុនមិន​អនុញ្ញាតអោយនិស្សិត​បរទេស​ទិញ​ទំនិញ​លើកលែងពន្ធទៀត​ទេ

កាលពីថ្ងៃអាទិត្យ ទី ៥ ខែធ្នូ រដ្ឋាភិបាលជប៉ុនបានសម្រេចលុបចោលគោលនយោបាយដែលអនុញ្ញាតឱ្យនិស្សិតបរទេស និងអ្នកស្នាក់នៅរយៈពេលយូរអាចទិញទំនិញលើកលែងពន្ធ ជាការឆ្លើយតបទៅនឹងករណីសង្ស័យថាមានការ​ស្តុក​ទុក ប្រើប្រាស់ខុសច្បាប់ទំនិញក្នុងស្រុក។

បច្ចុប្បន្ននេះ ប្រព័ន្ធប្រើប្រាស់ទំនិញរបស់ជប៉ុននឹងត្រូវកែសម្រួលជាផ្នែកនៃកំណែទម្រង់ពន្ធសម្រាប់ឆ្នាំសារពើពន្ធ ២០២២ ដែលក្នុងនោះមានតែនិស្សិតបរទេសដែលសិក្សានៅជប៉ុនជាអចិន្ត្រៃយ៍ និងមិនធ្វើការក្រៅម៉ោង ទើបអាច​ទិញ​ទំនិញ​លើក​លែងពន្ធក្នុងរយៈពេល ៦ ខែបន្ទាប់ពីចូលប្រទេស។

បន្ទាប់ពីទទួលបានព័ត៌មានខាងលើនេះ មានមតិរិះគន់ជាច្រើនថា ហាងដែលលើកលែងពន្ធត្រូវចំណាយពេលកំណត់​​ថា​តើនិស្សិតធ្វើការក្រៅម៉ោងឬអត់។ ការត្អូញត្អែរមួយចំនួនទៀតថាបទប្បញ្ញត្តិនេះអយុត្តិធម៌ ដោយ​សារ​តែ​ហាងដែលដំណើរការត្រួតពិនិត្យធូររលុងបែរជាទាក់ទាញអតិថិជនច្រើនជាង។ មុននោះ ទីភ្នាក់ងារពន្ធជាតិបានរកឃើញករណីទិញទំនិញគួរអោយសង្ស័យរបស់និស្សិតបរទេស នៅលើប្រព័ន្ធឌីជីថលព័ត៌មានអ្នកប្រើប្រាស់ក្នុងខែមេសាឆ្នាំមុន។

ពួកគេគិតថានិស្សិតទាំងនេះប្រហែលជាកំពុងទិញទំនិញលើកលែងពន្ធក្នុងបរិមាណច្រើន ដើម្បីលក់បន្តក្នុងតម្លៃខ្ពស់ រកប្រាក់ចំណេញពីភាពខុសគ្នា និងពន្ធប្រើប្រាស់ ១០% ។

ជាផ្នែកនៃកំណែទម្រង់ពន្ធ រដ្ឋាភិបាល និងគណបក្ស​ប្រជាធិបតេយ្យ​សេរី​ដែល​កំពុង​កាន់​អំណាច​នៅ​​ជប៉ុន​គ្រោង​នឹង​បង្រួម​លក្ខខណ្ឌ មានតែភ្ញៀវទេសចរណ៍ និងអ្នកកាន់ទិដ្ឋាការស្នាក់នៅរយៈពេលខ្លី ៩០ ថ្ងៃឬតិចជាងនេះ ទើបអាចទិញទំនិញលើកលែងពន្ធ ជាជាងអនុវត្តចំពោះអ្នកដែលមិនស្នាក់នៅក្រោមអត្រា​ប្តូ​រ​ប្រាក់​បរទេស និង​ពាណិជ្ជកម្មបរទេសនៃប្រទេសនេះ។

រូបភាព Ameba

យោងតាមកាសែតជប៉ុន Yomiuri Shimbun កំណត់ត្រាទិញរបស់អតិថិជនប្រហែល ២៦,០០០ នាក់ ជាមួយនឹងតម្លៃ​ទិញសរុបប្រហែល ៤០ ពាន់លានយ៉េន ត្រូវ​បាន​បញ្ជូន​ទៅ​អាជ្ញាធរ​ពន្ធដារ​ប្រហែល ៣០,០០០ ហាងលើកលែងពន្ធទូទាំង​ប្រទេស​ក្នុងខែមិថុនាឆ្នាំនេះ។

មនុស្សសរុបចំនួន ១,៨៣៧ នាក់ទិញទំនិញលើកលែងពន្ធជាមួយនឹងតម្លៃលើសពី ១ លានយ៉េន ដែលក្នុងនោះជាង ៨០% ជាជនជាតិចិនរួមទាំងនិស្សិតផងដែរ។ មនុស្សចំនួន ៦៩ នាក់ទិញទំនិញដែលមានតម្លៃជាង ១០០ លានយ៉េន។

ចំនួនប្រាក់ដែលច្រើនបំផុតគឺអតិថិជនចិនគឺ ៣២,០០០ មុខទំនិញលើកលែងពន្ធ មានតម្លៃជាង ១,២ ពាន់លានយ៉េន។

ថ្វីត្បិតតែត្រូវពិចារណារហូតដល់ពេលណាជប៉ុននឹងបើកព្រំដែនឡើងវិញ ចំពោះភ្ញៀវទេសចរណ៍រយៈពេលខ្លីដោយ​សារ​តែ​វីរុស​បំប្លែងខ្លួនថ្មី Omicron រដ្ឋាភិបាលនឹងខិតខំធានាថាប្រព័ន្ធនេះដំណើរការរហូតដល់ពេលនោះ។

Hana