វត្តប្រាសាទជប៉ុនប្រើរូបគំនូរ “ប្រុសស្អាត” ដើម្បីទាក់ទាញអ្នកមកទស្សនា

ពេលនិយាយពីវត្តប្រាសាទជប៉ុន យើងតែងគិតភ្លាមពីទិដ្ឋភាពស្ងប់ស្ងាត់ និងបរិសុទ្ធ។ ក្រៅពីនេះពីមុនមកវត្តមិនព្យួរ​គំនូរ​នោះ​ទេ ទោះព្យួរក៏ជារូប​ព្រះពុទ្ធដែរ។

ទោះជាយ៉ាងណាមានវត្តដ៏ពិសេសមួយបិទរូបគំនូរបែបនេះ។

រូបភាព https://prtimes.jp/main/html/rd/p/000000003.000038145.html

មនុស្សជាច្រើនប្រាកដជាគិតថាវត្តប្រាសាទនេះត្រូវបានបង្កើតឡើងដោយព្រះសង្ឃវ័យក្មេង។ ប៉ុន្តែប្រាសាទ Kokujou ដែលស្ថិតនៅទីក្រុង Tsubameshi ខេត្ត Nigata គឺជាប្រាសាទបុរាណមួយដែលត្រូវបានសាងសង់ឡើងក្នុង​​ឆ្នាំ ៧០៩ មានប្រវត្តិដ៏យូរលង់ជាង ១៣០០ ឆ្នាំ។

ប្រាសាទនេះមានពាក់ព័ន្ធជាមួយនឹងតួអង្គដ៏អស្ចារ្យដែលអ្នកប្រហែលជាធ្លាប់លឺ ប្រសិនបើអ្នកចាប់អារម្មណ៍នឹងប្រវត្តិសាស្ត្រជប៉ុនដូចជា Uesugi Kenshin, Minamoto no Yoshitsune ព្រះអង្គម្ចាស់ Shutoki ។ ប៉ុន្តែហេតុអ្វីបាន​ជា​​ប្រែ​​ក្លាយ​ជាដូច្នេះ?

បច្ចុប្បន្នមនុស្សសម័យនេះហាក់ដូចជាបាត់បង់ទំនាក់ទំនងជាមួយវត្តប្រាសាទ នោះហើយជាមូលហេតុ​វត្តគិតឃើញមធ្យោបាយនេះ ដោយសង្ឃឹមថានឹងមានអ្នកទស្សនាកាន់តែច្រើនឡើង។ ក្នុងចំណោមប្រាសាទចំនួន ៧៧,០០០ នៅ​ទូទាំង​ប្រទេស ជាង ៤០% ត្រូវគេនិយាយថានឹងបិទទ្វារក្នុងរយៈពេល ២៥ ឆ្នាំ។ ក្នុងចំណោមនោះវត្ត Kokujo នៅ​តែ​​ព្យាយាម​បើក​ដំណើរ​ការ។

កាល​ពី​មុនធ្លាប់មានវត្តប្រារព្ធ​ពិធី 炎上供養 (របាំលើភ្លើង) ហើយ​ទទួល​បាន​ការ​ចាប់​អារម្មណ៍​យ៉ាងខ្លាំង។ ចៃដន្យឃ្លា 炎上 ក៏​ត្រូវ​បាន​ប្រើ​ក្នុង​ស្ថាន​​ភាព​​ដែល​​បញ្ហា/ការ​បង្ហោះ​ក្លាយ​ជាល្បីលើបណ្តាញសង្គម។

លើក​នេះ​ប្រាសាទ​បាន​សាកល្បង​ទម្រង់​ថ្មី​ជាមួយនឹង​ប្រធានបទ​ Ikemen (ប្រុសស្អាត) ក្នុង​គោល​បំណង​ទាក់​ទាញ​ស្ត្រី​​វ័យ​​ក្មេង។

ច្បាស់ណាស់ “យុទ្ធសាស្ត្រ” ដ៏ពិសេសនេះធ្វើអោយប្រាសាទល្បីនៅលើព័ត៌មានក្នុងស្រុក ជាប្រាសាទមួយដែលងាកចេញ​ពី​លំហូរ​ប្រពៃណី។

ដើម្បីជ្រាបកាន់តែច្បាស់ពីទិដ្ឋភាពនៅទីនេះ សូមទស្សនាវីដេអូខាងក្រោម៖

​ទោះជា​យ៉ាង​ណាប្រាសាទ​នេះ​ត្រូវ​បាន​សាង​សង់​ជា​យូរ​មក​ហើយ។ សង្ឃឹមថាព្រះសង្ឃជំនាន់ក្រោយ ពេលកសាងវត្តថ្មី នឹង​បន្ត​និន្នាការថ្មី និងកំណែទម្រង់នេះ!!!

Kengo Abe