ក្លែងខ្លួនធ្វើជាឆ្មាំសមុទ្រ រៀបការ បោកប្រាក់ ២០ លានយ៉េនរួចយក​លេស​ថា “ទៅហ្វឹកហាត់” ១០ ឆ្នាំហើយមិនត្រឡប់មកវិញ

កាលពីថ្ងៃទី ១ ខែធ្នូ នាយកដ្ឋានប៉ូលីស Kyotango នៃប៉ូលីស Kyoto បានចាប់ខ្លួនបុគ្គលិកការិយាល័យអាយុ ៤២ ឆ្នាំម្នាក់រស់នៅក្នុងទីក្រុង Maizuru ខេត្ត Kyoto ពីបទសង្ស័យឆបោក។ ជាក់ស្តែងបុគ្គលម្នាក់នេះបោកប្រាស់នារីម្នាក់ប្រមាណ ២០ លានយ៉េន បន្លំខ្លួនធ្វើជាប៉ូលីសឆ្មាំសមុទ្រជប៉ុនដើម្បីណាត់ជួប រៀបចំពិធីមង្គលការ ប៉ុន្តែមិនបានដាក់លិខិតបញ្ជាក់អាពាហ៍ពិពាហ៍ ធ្វើអោយស្រ្តីនោះគិតថាខ្លួនបាន​រៀប​ការ​ ១០​ ឆ្នាំ​មកហើយ។

រូបភាព https://news.goo.ne.jp/article/fnn/nation/fnn-280019.html

ទោះបីជាជនសង្ស័យគ្មានបំណងចង់ចង់រៀបការ ក៏នៅតែប្រើឈ្មោះក្លែងក្លាយដើម្បីណាត់ជួបស្រ្តីអាយុ ៤០ ឆ្នាំរស់​នៅ​ទីក្រុង Kyotango ខេត្ត Kyoto ។ នៅឆ្នាំ ២០១០ គាត់បានរៀបការជាមួយនារីម្នាក់នេះ ប៉ុន្តែនៅឆ្នាំ ២០១៤ បែរ​ជាចុះឈ្មោះរៀបការជាមួយនារីម្នាក់ទៀត។ តាំងពីខែមករាដល់ខែកុម្ភៈឆ្នាំ ២០១៥ ជនសង្ស័យប្រើគ្រប់មធ្យោ​បាយ​សុំ​ឱ្យស្ត្រីនៅទីក្រុង Kyotango ផ្ទេរប្រាក់ឱ្យគាត់សរុបចំនួន ២០ លានយ៉េនតាមរយៈគណនីធនាគារផ្ទាល់ខ្លួន។

តាម​សំដី​របស់​នារី​រង​គ្រោះ​បាន​និយាយ​ថា នាង​គិត​ថាខ្លួន​បាន​រៀប​ការ​ ១០ ​ឆ្នាំ​មក​ហើយ ។ បុរស​នោះ​យកលេស​ថា “​រវល់​ហ្វឹកហាត់” ឬ “ចេញទ័ព” ដោយ​និយាយ​ថា​ប៉ុន្មាន​សប្តាហ៍ឬប៉ុន្មានខែត្រឡប់មកផ្ទះបានតែម្តងប៉ុណ្ណោះ។ “គាត់​និយាយ​​ថាមាន​បញ្ហា​ក្នុង​ការ​ងារ​ ដូច្នេះ​ត្រូវ​ការ​ការ​ប្រាក់សម្របសម្រួល” ។ កាលពីខែតុលាឆ្នាំនេះដោយសារតែសង្ស័យ ស្ត្រីនោះបានរាយការណ៍ទៅនាយកដ្ឋានប៉ូលីស Kyotango ។

ទោះ​ជា​យ៉ាង​ណា ជន​សង្ស័យ​បាន​បដិសេធ​ចំពោះ​ការ​ចោទ​ប្រកាន់​ពី​បទ​ឆបោក ​ដោយ​សារភាព​ថា “ខ្ញុំ​គ្រាន់​តែ​ពិភាក្សា​​ជា​មួយ​​នាង​​រឿងប្រាក់ ហើយ​នាង​ថា​នឹងសងអោយខ្ញុំ” ។

Sacchan