អាថ៌កំបាំង​ក្នុងការជ្រើសរើសម្សៅទ្រនាប់ដែលសមនឹងស្បែករបស់​ស្ត្រី​ជប៉ុនរួមមាន Blue Base និង Yellow Base

ជនជាតិអាស៊ីរួមទាំងជនជាតិជប៉ុនជាជនជាតិស្បែកលឿង ប៉ុន្តែនៅប្រទេសជប៉ុននារីៗនិយមចូលចិត្តស្បែកសភ្លឺថ្លា ដូច្នេះពួកគេខំប្រឹងយ៉ាងខ្លាំងក្នុងការថែរក្សាស្បែក ក៏ដូចជាជៀសវាងពន្លឺថ្ងៃ ដើម្បីឱ្យស្បែកស។

មិនត្រឹម​តែប៉ុណ្ណឹងជារៀងរាល់ថ្ងៃមុនពេលចេញទៅក្រៅ  នារីៗតែងតែងលាបម្សៅទ្រនាប់ (Foundation មានពណ៌ដូចនឹងស្បែក ជួយបន្ថែមពណ៌ស្បែក បិទបាំងស្នាមជាំ និងធ្វើឱ្យស្បែកស) ។ ប៉ុន្តែតើ Foundation ដែលអ្នកកំពុង​ប្រើ​ពិតជាសមនឹងពណ៌ស្បែករបស់អ្នកដែរទេ?

សម័យ​មុន​នារី​ជប៉ុន​គិត​ថា​ស្បែក​កាន់តែ​សកាន់តែ​ស្អាត ប៉ុន្តែ​សម័យកាល​នោះ​បាន​កន្លង​ផុត​ទៅ​យូរ​មកហើយ​។ បច្ចុប្បន្ននេះ ភាគច្រើនស្ត្រីជប៉ុនចូលចិត្តការតុបតែងមុខបែបធម្មជាតិ ដូច្នេះពួកគេជ្រើសរើសពណ៌ម្សៅទ្រនាប់ដែល​ស័ក្តិសមនឹងស្បែករបស់ខ្លួនបំផុត។

អត្តបទថ្ងៃនេះនឹងជួយអោយអ្នកជ្រើសរើស Foundation ដែលស័ក្តិសមនឹងស្បែករបស់ខ្លួន។

ជាដំបូងស្រ្តីជប៉ុនផ្អែកលើពណ៌ស្បែកដើម្បីជ្រើសរើសម្សៅទ្រនាប់ ពួកគេបែងចែកពណ៌ស្បែកជាពីរប្រភេទគឺ Blue Base និង Yellow Base ហើយជ្រើសរើសប្រភេទម្សៅទ្រនាប់ដែលស័ក្តិសម។ ដើម្បីដឹងថាស្បែករបស់អ្នកស័ក្តិសម​នឹង​ប្រភេទ​មួយ​ណា ចូរប្រៀបធៀបទៅនឹងពណ៌ស្បែកកដៃរបស់អ្នក។

ស្បែក​ស្ត្រី​ជប៉ុន​ភាគ​ច្រើន​មាន​ពណ៌ Blue Base ។

ជាទូទៅប្រភេទនេះមានពណ៌ស្លេកបន្តិច និងមានពណ៌ខៀវ ដូច្នេះអ្នកសមនឹងពណ៌ងងឹតបន្តិច។ ពេលលាបភ្នែក​ឬ​​ជ្រើស​រើស​ពណ៌​ក្រែម​លាបបបូរ​មាត់ នឹងល្អជាងបើអ្នកជ្រើស​រើសពណ៌រៀងក្រម៉ៅ។ លើសពីនេះ ប្រសិនបើអ្នកស្ទាក់​ស្ទើរ​គួរ​លាបពណ៌សក់អ្វី ខ្ញុំសូមណែនាំពណ៌ Blue Gray (អ្នករកមើលលេខ​កូដ​ពណ៌ #8DA3C4) ។

ត្រលប់ទៅ  Foundation វិញ ជាទូទៅ ស្បែក Blue Base មានគុណសម្បត្តិនាំមកនូវភាពបរិសុទ្ធ ភ្លឺថ្លា ដូច្នេះប្រសិន​បើ​អ្នក​ប្រើ​ម្សៅទ្រនាប់ច្រើនពេកនឹងធ្វើអោយបាត់គុណសម្បត្តិនេះ។ មនុស្សមួយចំនួនថែមទាំងណែនាំមិនគួរប្រើម្សៅទ្រនាប់ផង។

ទោះជាយ៉ាងណា Foundation ក្រៅពីបន្លិចពណ៌ស្បែក នៅមានមុខងារការពារកាំរស្មីយូវី ដូច្នេះមិនប្រើម្សៅទ្រនាប់ក៏​មិន​ល្អ​ដែរ។ ប្រភេទម្សៅទ្រនាប់ដែលអ្នកមានពណ៌ស្បែក Blue Base និយមចូលចិត្ត។

រូបភាព https://www.narscosmetics.jp/pure-radiant-protection-aquatic-glow-cushion-foundation-refill/F62801.html

Cushion Foundation (ម្សៅទ្រនាប់ប្រភេទទឹក) ស័ក្តិសមសម្រាប់ប្រភេទស្បែកជាច្រើន ហើយជាពិសេសសម្រាប់អ្នក​ដែល​ទើប​តែ​រៀន Makeup ។ ប្រើ Cushion ធ្វើអោយស្រទាប់ម្សៅទ្រនាប់មិនក្រាស់ពេក ដូច្នេះស័ក្តិសមបំផុតសម្រាប់​ការតុបតែងមុខបែបធម្មជាតិ។

ជាទូទៅពេលជ្រើសរើស Foundation ចូររើសពណ៌ដែលដូចនឹងពណ៌ស្បែករបស់អ្នកជាងគេ។ ព្រោះមិនថាអ្នកចង់​ស​ប៉ុណ្ណា​នោះ​ទេ ប្រសិនបើអ្នកជ្រើសរើសពណ៌សពេកនឹងធ្វើអោយបាត់បង់អារម្មណ៍បែបធម្មជាតិ។

បន្ទាប់មកពណ៌ស្បែកបែប Yellow Base

Yellow Base សំដៅលើស្បែកដែលមានពណ៌លឿង និងមានពណ៌ក្រហមបន្តិច។ ពណ៌​ដែល​ស័ក្តិសម​សម្រាប់​អ្នក​គឺ​ពណ៌​ឆើតដូចជា​លឿង ទឹកក្រូច បៃតង។ល។

មនុស្សដែលមានស្បែកបែបនេះតែងតែនាំមកនូវអារម្មណ៍សុខភាពស្បែកល្អ ស្រស់ស្រាយ សកម្ម។ អ្នកក៏អាចរួមបញ្ចូល​សម្លៀក​បំពាក់ដែល​មាន​ពណ៌​ឆើត​ដើម្បីលើកសម្រស់។

សំខាន់ប្រសិនបើអ្នកចង់ឱ្យស្បែករបស់អ្នកមើលទៅស ការជ្រើសរើសម្សៅទ្រនាប់ដែលសមនឹងស្បែកពិតជាសំខាន់ណាស់។ អ្នកអាចពិចារណាជ្រើសរើស Foundation ពណ៌ត្នោតខ្ចី (ពណ៌ត្នោត លឿងស្រាលដូចពណ៌ខ្សាច់) ស័ក្តិសម​នឹងស្បែករបស់អ្នក។

ចំណុចដែលគួរអោយកត់សម្គាល់ផ្តោតលើកម្រិតការពារពន្លឺព្រះអាទិត្យ។ ស្បែកប្រភេទនេះពេលត្រូវកំដៅថ្ងៃនឹងធ្វើអោយស្រអាប់ ចាំបាច់ត្រូវរើសប្រភេទដែលមានប្រសិទ្ធភាពការពារកាំរស្មីយូវីខ្ពស់។ នៅពេលជ្រើសរើស អ្នកគួរមានទម្លាប់មើលទៅលើកម្រិត SPF និង PA ជាដើម។

*** កម្រិត SPF គឺជាលេខដែលនៅជាប់គ្នា ហើយជាទូទៅត្រូវបានបែងចែកទៅជា ៣ កម្រិត៖

• ឡេការពារកម្តៅថ្ងៃ SPF 20 ទប់ស្កាត់កាំរស្មី UVB បាន ៩៣% មានមុខងារការពារក្នុងរយៈពេល ២០០ នាទី។
• ឡេការពារកម្តៅថ្ងៃ SPF 30 ទប់ស្កាត់កាំរស្មី UVB បាន ៩៧% មានមុខងារការពារក្នុងរយៈពេល ៣០០ នាទី។
• ឡេការពារកម្តៅថ្ងៃ SPF 50 ទប់ស្កាត់កាំរស្មី UVB បាន ៩៨% មានមុខងារការពារក្នុងរយៈពេល ៥០០ នាទី។

(កម្រិតនេះមានប្រសិទ្ធិភាពក្នុងរយៈពេលជាក់លាក់)។

*** ឡេការពារកម្តៅថ្ងៃខ្លះមានកម្រិត PA+ លើការវេចខ្ចប់ផលិតផល។ អក្សរ “PA” រួមបញ្ចូលសញ្ញាបូក (PA +, PA ++, PA +++ និង PA ++++, កាន់តែច្រើន + កាន់តែល្អ) នៅលើស្លាកសញ្ញាគឺជាប្រព័ន្ធវាយតម្លៃដែលត្រូវបានអភិវឌ្ឍ​នៅជប៉ុន។ ដើម្បីបង្ហាញពីកម្រិតការពារកាំរស្មី UVA របស់ផលិត​ផល។

*** កាំរស្មី UVA និង UVB៖

• កាំរស្មី UVA (បណ្តាលឱ្យចាស់)៖ កាំរស្មីនេះមិនត្រូវស្រទាប់អូហ្សូនស្រូបយកទេ អាចឆ្លងកាត់ពពក កញ្ចក់ និង​មាន​សមត្ថភាពជ្រាបចូលយ៉ាងជ្រៅក្នុងស្បែក។ កាំរស្មី UVA ធ្វើអោយផ្លាស់ប្តូរកោសិកា ដែលជាមូលហេតុចម្បងនៃបញ្ហាចាស់ ពណ៌ស្បែកមិនប្រក្រតី និងជំងឺមហារីកស្បែក។ល។
• កាំរស្មី UVB (បណ្តាលឱ្យរលាក)៖ កាំរស្មីនេះត្រូវស្រទាប់អូហ្សូនស្រូប មានផលប៉ះពាល់ទាបជាងកាំរស្មី UVA ។ កាំរស្មី UVB ជួយឱ្យរាងកាយមនុស្សផលិតវីតាមីន D ។ ទោះជាយ៉ាងណា UVB ប៉ះពាល់ស្រទាប់ស្បែក និងបណ្តាល​ឱ្យរលាកស្បែក។ ទាំងកាំរស្មី UVA និង UVB សុទ្ធតែបង្កហានិភ័យជំងឺមហារីកស្បែក។

សូមចំណាំថាម្សៅទ្រនាប់មិនត្រឹម​តែមានពណ៌ពីរប្រភេទនេះប៉ុណ្ណោះទេ នៅមានពណ៌ស្បែកជាច្រើនទៀត។ ប៉ុន្តែជាឯកសារយោង ថ្ងៃ​នេះសូមណែនាំតែពីរប្រភេទនេះប៉ុណ្ណោះ!!! តើអ្នកដឹងទេថាស្បែករបស់ខ្លួនជាប្រភេទ Blue Base ឬ Yellow Base ?

Kengo Abe