តើអ្នកចូលចិត្តតំបន់ Kanto ឬ Kansai ជាង? ចូរយើងឆ្លើយសំណួរ​​ដើម្បី​ស្វែងរកចម្លើយ

មនុស្សជាច្រើនមានបំណងចង់ធ្វើដំណើរកំសាន្ត ស្នាក់នៅ សិក្សា ធ្វើការនៅជប៉ុន ប៉ុន្តែជប៉ុនជាប្រទេសដ៏ធំមួយ តើអ្នក​បានកំណត់គោលដៅរបស់អ្នកហើយឬនៅ?

តំបន់នីមួយៗនៅក្នុងប្រទេសជប៉ុនមានលក្ខណៈពិសេសដោយឡែក។ ទោះជាយ៉ាងណាមានតំបន់ទីក្រុងពីរដែលមានភាពខុសគ្នាច្បាស់ជាងគេ នោះគឺតំបន់ Kanto និង Kansai ។

តើអ្នកចូលចិត្តតំបន់មួយណាជាង? តោះចូរធ្វើ​កម្រង​សំណួរ​ដើម្បីស្វែង​រក​ចម្លើយ។ វិធីសាស្រ្តងាយៗ អ្នកគ្រាន់តែជ្រើសរើសជម្រើស ១ ក្នុងចំណោម ២ ដែលបានលើកឡើង។

Soba ឬ Udon?

Ramen គឺជាមីដែលពេញនិយមទូទាំងប្រទេស ប៉ុន្តែនៅមានមីប្រភេទទៀតគឺ Soba និង Udon អាស្រ័យ​លើ​កន្លែង​​ដែល​​អ្នក​​នៅ​ចំនួន​ហាងក៏​ច្រើនឬ​តិចតាមនឹងដែរ។

ឧទាហរណ៍នៅទីក្រុងតូក្យូដែលគេចាត់ទុកជា​មជ្ឈមណ្ឌលនៃតំបន់ Kanto ហើយមី Soba មានប្រជាប្រិយភាពខ្លាំងណាស់។ ទន្ទឹមនឹងនេះនៅ​ទីក្រុង Osaka ដែល​ជា​មជ្ឈមណ្ឌល​នៃ Kansai មាន​ហាង Udon ច្រើន​ជាង។

សព្វថ្ងៃនេះមិនថាអ្នករស់នៅទីណាសុទ្ធតែអាចញ៉ាំ Soba ឬ Udon បានយ៉ាងស្រួល ប៉ុន្តែកាលខ្ញុំនៅក្មេង នៅទីក្រុង​តូក្យូស្ទើរតែគ្មានកន្លែងណាលក់ Udon នោះទេ។ ប្រសិនបើចង់ញ៉ាំ Udon ខ្ញុំត្រូវកុម្ម៉ង់ម្ហូបនេះនៅភោជនីយដ្ឋាន Soba។ ដូច្នេះហាក់ដូចជានៅ Kansai ក៏ផ្ទុយមកវិញដែរ។

Udon ធ្វើពីម្សៅស្រូវសាឡីដែលដាំដុះនៅលើដីស្រែមានជីជាតិ។ តំបន់ Kanto ពីមុនមិនមានដីបង្កបង្កើនផលច្រើន​ទេ មិនត្រឹម​តែប៉ុណ្ណឹងដីគ្មានជីជាតិ ប្រហែលនេះជាមូលហេតុដែល Soba ពេញនិយមជាង។

តើអ្នកជ្រើស Udon ឬ Soba?

Sushi Kanto ឬ Sushi Kansai?

រូបភាពស៊ូស៊ី​នេះ​មើល​ទៅ​ខុសពីស៊ូស៊ី​ក្នុងការគិត​របស់​អ្នក​រាល់​គ្នា។

នេះជាស៊ូស៊ី​បែប Kansai ។

ស៊ូស៊ីដែលអ្នកស្គាល់គឺ Sushi Style Kanto ដែលមានន័យថា Topping ដាក់នៅលើបាយពូត។ ចំណែកឯ Sushi Style Kansai គេហៅថា Oshisushi ដាក់គ្រឿងផ្សំទាំងអស់ក្នុងស៊ុម។

ប្រសិនបើអ្នកដាក់ជិតៗគ្នា ហើយដាក់ក្នុងប្រអប់នឹងទទួលបានប្រអប់ Sushi ដ៏ប្រណិតបែបនេះ។

រូបភាព https://kikuichi.hamazo.tv/e8839118.html

ម៉ូត Kanto ឬ ម៉ូត Kansai?

រូបភាព https://www.leon.jp/featured/feature22

នៅពេលអាកាសធាតុត្រជាក់ ប្រជាជនតែងតែពាក់អាវក្រៅបន្ថែម ប៉ុន្តែការជ្រើសរើសពណ៌អាវនៃតំបន់ទាំងពីរនេះខុស​គ្នា​ទាំង​ស្រុង។

នៅ Kanto មានលក់អាវក្រៅដែលមានពណ៌ដូចជាស ខ្មៅ ប្រផេះ និងត្នោតខ្ចីជាដើម។ ចំណែកឯអាវនៅ Kansai មានពណ៌ចម្រុះដូចជាក្រហម ខៀវ បៃតង ជាដើម។

ខ្ញុំជាអ្នកស្រុក Kanto ប៉ុន្តែត្រង់ចំណុចនេះខ្ញុំចូលចិត្ត Kansai ជាង។ ដោយសារ​ប្រជាជន Kanto ពាក់​ពណ៌​ស្រអាប់ មានអារម្មណ៍ដូចជាគ្មានអ្វីពិសេសនោះទេ។ មិនត្រឹម​តែប៉ុណ្ណឹងពេល​ខ្ញុំ​ដើរ​ពេល​យប់ ខ្ញុំមិនដឹងថានរណាខ្លះឡើយ។

ជាងនេះទៅទៀតចំណុចដែលគួរឱ្យចាប់អារម្មណ៍បំផុតសំលៀកបំពាក់ Kansai មើលទៅលក្ខណៈអ្នកមីង។

រូបភាព https://dot.asahi.com/photogallery/archives/2017122800029.html

ជាទូទៅអ្នកប្រហែលជាគិតថាគ្មាននរណាស្លៀក​សម្លៀក​បំពាក់បែបនេះទេ។ ទោះជាយ៉ាងណានៅ Kansai ទំនង Obachan (មីង) តែងស្លៀកពាក់បែបនេះ។ ទិដ្ឋភាពនេះអ្នកមិនងាយមើលឃើញនៅទីក្រុងតូក្យូទេ។

បើនិយាយពីគ្រឿងអលង្ការនៅ Kansai ចូលចិត្តមាស ចំណែក Kanto ចូលចិត្តផ្លាទីន ដូច្នេះចំណាប់អារម្មណ៍ម៉ូដនៅ Kansai ហាក់​ដូច​ជា​ឆើត​​ជាង។

ភាពកំប្លុកកំប្លែង

អ្នកស្រុក Kansai តែងតែហៅអ្នកស្រុក Kanto ថាគួរឱ្យធុញ។ ខ្ញុំក៏មិនដឹងថាអ្នកស្រុក Kanto ពិតជាគួរអោយ​ធុញ​ឬ​អត់​ទេ ការពិតអ្នកស្រុក Kansai គួរអោយចាប់អារម្មណ៍ណាស់។

ការនិយាយរបស់អ្នកស្រុក Kansai ចុងប្រយោគតែងតែធ្វើអោយភាគីអស់សំណើច។ ប្រសិន​បើអ្នកស្រុក Kansai និយាយស្តីម៉ឺងម៉ាត់ ហើយមិនធ្វើអោយអ្នកដទៃអស់សំណើចនឹងត្រូវគេគិតថា “អូរ អ្នកស្រុក Kansai ហេតុ​អ្វីក៏អញ្ចឹង?”

និយាយអញ្ចឹម​មិនមានន័យថាអ្នកស្រុក Kanto មិនចេះនិយាយកំប្លែងទេ។ ប៉ុន្តែតាមគំនិតរបស់ខ្ញុំ រឿងកំប្លែងរបស់​អ្នក​ស្រុក Kanto រៀងលើសបន្តិច។

មានន័យថាលក្ខណៈកំប្លុកកំប្លែងត្រូវពិចារណាបន្តិចទើបដឹងថាអស់សំណើចកន្លែងណា។

បើប្រៀបទៅនឹងលក្ខណៈកំប្លែងរបស់អ្នកស្រុក Kansai អ្នកស្រុក Kanto ត្រូវគេចាត់ទុកថាគួរអោយធុញទ្រាន់បន្តិច ប៉ុន្តែប្រសិនបើអ្នកយល់ពីពួកគេ អ្នកក៏អាចរកឃើញថាអ្នកស្រុក Kanto គួរអោយចាប់អារម្មណ៍ផងដែរ។

ទោះជាយ៉ាងណានៅទីក្រុងតូក្យូ ជាកន្លែងដែលចំនួនប្រជាជនប្រមូលផ្តុំមកពីបណ្តាប្រទេស ក្រៅពីតំបន់ Shitamachi ជាកន្លែងរក្សានូវលក្ខណៈវប្បធម៌ពិសេសដែលនៅសេសសល់ តំបន់ផ្សេងទៀតតែងលាយបញ្ចូលវប្បធម៌​​ចម្រុះ ដូច្នេះនៅទីក្រុងតូក្យូមិនងាយស្តាប់រឿងកំប្លែង Kanto អោយប្រាកដទេ។

ប្រសិនបើអ្នករស់នៅ Osaka អ្នកគួរតែស្គាល់ Hanshin Tigers

រូបភាព https://www.dazn.com/ja-JP/news/野球/セパ交流戦特集秦真司が語る阪神タイガース好調の要因は佐藤輝明らの得点圏打率の高さ-プロ野球/9pcm1fh4q7n714e5zaj6j32vd

ជាការពិតណាស់ មិនមែនគ្រប់គ្នាសុទ្ធតែនិយម Hanshin Tigers នោះទេ ប៉ុន្តែប្រសិនរៀងចំណាស់បន្តិចនឹងរំលឹកដល់ Hanshin Tigers ។

Hanshin Tigers គឺជាក្រុមកីឡាបេស្បលដែលជំនាញ និងល្បីបំផុត ដែលជាមោទនភាពរបស់ប្រជាជនក្នុងតំបន់ Kansai ។

នៅពេលដែល Hanshin Tigers ទទួលបានជ័យជំនះ ហាងនានានឹងចាប់ផ្តើមការបញ្ចុះតម្លៃដ៏គួរឱ្យភ្ញាក់ផ្អើល ហើយ​នៅ​ពេល​ដែល Hanshin Tigers ចាញ់ បុគ្គលិកគួរតែប្រយ័ត្នព្រោះថ្នាក់លើអាចនឹងមួម៉ៅ។

នៅ Kanto ក៏មានក្រុមកីឡាបេស្បលដែរ ប៉ុន្តែមិនមានអ្នកគាំទ្រច្រើនដូចជាក្រុម Hanshin Tigers នោះទេ។ ខ្ញុំផ្ទាល់ជាអ្នកស្រុក Kanto ក៏ចូលចិត្ត Hanshin Tigers ដែរ។ មិនប្រាកដនោះទេ ខ្ញុំចូលចិត្តស្មារតីរបស់អ្នកគាំទ្រ Hanshin Tigers ។ នៅក្នុងពួកគេមិនត្រឹមតែមានការស្មារតីចំពោះកីឡាបេស្បលប៉ុណ្ណោះទេ ថែមទាំងមានស្មារតីរួបរួមគ្នាផងដែរ។ មិនត្រឹម​តែប៉ុណ្ណឹងបរិយាកាសក្រុមអ្នកគាំទ្រ Hanshin Tigers ក៏មានលក្ខណៈ​កំប្លែង​បែប Kansai ខ្ញុំគិតថាគ្មានអ្វីល្អជាងនោះទេ។

Kanto និង Kansai ប្រៀប​ដូច​ជា​តំបន់​ពីរ​ខុស​គ្នា​ទាំង​ស្រុង បើ​ប្រៀបធៀប​ភាព​ខុស​គ្នា​ប្រហែល​ជា​មិន​ចេះ​ចប់។ ដោយសារតែមានភាពខុសប្លែកគ្នាទើបបង្កើតជាលក្ខណៈចម្រុះគួរឱ្យចាប់អារម្មណ៍។

បន្ទាប់ពីអានចប់អត្ថបទនេះ តើអ្នកគិតថាខ្លួនសាកសមនឹងតំបន់ណាជាង?

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: