ការវិវត្តន៍ម៉ូដសក់របស់នារីជប៉ុននៅសម័យអេដូរហូតមកដល់សព្វថ្ងៃ

តើ​អ្នក​ចាប់​អារម្មណ៍នឹង​ម៉ូដ​សក់​បែប​បុរាណ​របស់​នារី​ជប៉ុន​ដែរទេ? ខ្ញុំគិតថាមនុស្សជាច្រើនធ្លាប់ឃើញរូបភាពនេះ។

នេះជាម៉ូតសក់របស់នារីនៅសម័យអេដូ ភាគច្រើនស្រ្តីបួងសក់កុំឲ្យ​រំខានដល់សកម្មភាពប្រចាំថ្ងៃ មាន​តែ​ពេលគេង​ទើប​ដោះចេញ។

ទោះជាយ៉ាងណា នៅសម័យមុននោះ នារីគ្រួសារអភិជនច្រើនទុកសក់វែងបែបនេះ។

សក់​របស់​ពួក​គេ​ត្រង់ វែង និង​ពណ៌​ខ្មៅ មើលទៅសក់រឹងមាំ។ នៅសម័យនោះសក់វែងជាកត្តាសំខាន់ក្នុងការកំណត់​ថា​ នាង​ជា​​ស្រី​ស្អាត​ម្នាក់។

ដើម្បីក្លាយទៅជាស្រីស្អាតម្នាក់ក៏ពិបាកណាស់ដែរ។

ជារៀងរាល់ថ្ងៃ ពួកគេត្រូវសិតសក់ច្រើនដង មិនត្រឹម​តែប៉ុណ្ណឹង ត្រូវប្រើទឹកអង្ករ ឬជ័រឱសថសម្រាប់កក់សក់ ហើយតែង​តែ​រក្សា​សក់ឲ្យ​ស្អាតរលោង។

ប្រសិនបើ​ម៉ូដ​សក់​នេះឆ្លងភពមកដល់សម័យសព្វថ្ងៃ តើនឹង​មើល​ទៅ​បែប​នេះ​មែន​ទេ?

ជាមួយនឹងប្រវែងដូចដែលបានបង្ហាញក្នុងរូបថត មិនថាអ្នកធ្វើអ្វីសុទ្ធតែត្រូវរំខាន ប្រាកដណាស់ក្នុងជីវិតប្រចាំថ្ងៃក៏ប្រឈមនឹងការលំបាកជាច្រើនដែរ។ នោះហើយជាមូលហេតុដែលនារីធម្មតាត្រូវកាត់សក់ឲ្យ​ខ្លីខ្លះ​ ឬ​ចង។ ផ្ទុយទៅវិញសក់វែង និងគួរឲ្យ​រំខាននេះសម្រាប់តែស្ត្រីអ្នកមានប៉ុណ្ណោះ ដែលមិនចាំបាច់ធ្វើការងារអ្វី​ទាំង​អស់។ ចាប់​តាំង​ពី​ពេលនោះមកសក់ខ្មៅវែងបានក្លាយជានិមិត្តរូបរបស់នារីស្រស់ស្អាត និងថ្លៃថ្នូរ។

នៅពេលដែលអំណាចប្តូរពីវណ្ណៈអភិជនទៅសាមូរ៉ៃ រូបភាពនេះក៏ផ្លាស់ប្តូរបន្តិចម្តងៗ។ ដូចដែលអ្នកបានឃើញក្នុងរូបភាពនៅដើមអត្តបទ សូម្បីតែនារីវណ្ណៈខ្ពស់ក៏ត្រូវចងសក់ឲ្យ​រៀបរយដែរ។

ទោះបីជាបែបនេះក៏ដោយសក់វែងនៅតែជាស្តង់ដារ ហើយស្ទើរតែគ្មានស្រ្តីទុកសក់ខ្លីនោះទេ។ មិន​ថា​ចង​សក់​ ឬ​មិន​​ចង​​នោះ​ទេ ទុក​សក់វែងបែបនេះចំពោះមនុស្សស្រីពិតជាពិបាកថែណាស់។

និយាយអញ្ចឹងនេះគឺជាម៉ូដសក់របស់បុរសនៅសម័យនោះ។

ខ្ញុំអាចយល់ពីមូលហេតុ​ដែលបុរសសម័យមុនចងសក់ផ្នែកខាងក្រោយ ប៉ុន្តែហេតុអ្វីបានជាកោរសក់លើក្បាលបែបនេះ។ ចំណុចនេះគេហៅថា 月代 (Sakayaki) ។ ដូចជាពុកចង្ការដែរ ប្រសិនបើមិនកោរជាប្រចាំនឹងដុះវែង។ ស្រ​ដៀង​គ្នា​បើបុរសម្នាក់មិនកោរសក់ជាប្រចាំ មិនអាចទុកម៉ូដសក់បែបនេះឡើយ។ តាម​ដែល​ខ្ញុំ​ដឹង​ដើម្បីឲ្យ​ទំពែក​បែប​​នេះ ជនជាតិជប៉ុនសម័យបុរាណត្រូវដកមួយសរសៃរៗ។

ម៉ូដ​សក់​របស់​ប្រជាជន​ជប៉ុន​មាន​តាំងពី​សម័យ​មិនមានទំនាក់ទំនងក្រៅប្រទេស ប៉ុន្តែនៅពេលបើកឡើងវិញ មនុស្សជាច្រើនចាប់ផ្តើមប្តូរម៉ូដសក់បែបប្រទេសលោកខាងលិច។ ស្ត្រីក៏ប្តូរពីសម្លៀកបំពាក់ Kimono ទៅជាសម្លៀក​បំពាក់​លោក​ខាង​លិច ហើយប្តូរទាំងម៉ូដសក់ឲ្យ​ស្របនឹងសម្លៀកបំពាក់។

នៅឆ្នាំ ១៩៨០ ល្បីម៉ូដសក់ Seiko ដែលជាម៉ូដសក់របស់នារី Idol ម្នាក់មានឈ្មោះថា Matsuda Seiko ។

បើប្រៀបនឹងម៉ូដសក់សម័យអេដូហាក់ដូចជាខ្លីជាង ប៉ុន្តែទោះជាយ៉ាងណាការថែទាំសក់ពិបាកជាង។

ព្រោះតែ Matsuda san ជា Idol ដូច្នេះទុកសក់បែបនេះអាចទទួលយកបាន ប៉ុន្តែបើមនុស្សធម្មតាទុកដាក់បែបនេះ​ពិត​ជា​ហាត់​នឿយ​ណាស់។

​បច្ចុប្បន្ន​នារី​ជប៉ុនទុកម៉ូដសក់បែបណា?

សព្វនេះម៉ូដសក់មានលក្ខណៈចម្រុះ អ្នកខ្លះទុកសក់វែង អ្នកខ្លះទុកសក់ខ្លី អាស្រ័យទៅលើចំណូលចិត្តផ្ទាល់ខ្លួន។ ខ្ញុំមានអារម្មណ៏ថា សម័យនេះនារីមិនច្រើនទេដែលទុកសក់វែងខ្មៅ ប្រសិនបើសក់វែងពួកគេនឹងអ៊ុតរួញ ឬលាប​ពណ៌​សក់។ សក់ខ្លីហាក់ដូចជាពេញនិយម ដល់ថ្នាក់នារីជប៉ុនទុកសក់ខ្លីជាងបុរសទៅទៀត។

ប្រសិនបើចង់រកនារីបួងសក់ដូចសម័យអេដូ ខ្ញុំគិតថានារីដែលធ្វើការនៅបារជាទូទៅទុកសក់ស្រដៀងនេះ។

ដូចបែបនេះ…

រូបភាព https://ww.tongdamy.com/簡単モリ髪ウィッグ/キャバ嬢簡単盛り髪%E3%80%80「盛りヘアウィッグ-ハーフ/

រូបភាព https://www.tongdamy.com/簡単モリ髪ウィッグ/キャバ嬢簡単盛り髪「マッシュレイヤー」/

មិន​ស្រដៀងនឹងម៉ូដ​សក់​សម័យអេដូប៉ុន្មានទេ ប៉ុន្តែមានចំណុចដូចគ្នាគឺសក់រៀបជាជាន់ ហើយ​មើល​ទៅ​ធ្ងន់។ ម៉ូដ​​សក់​នេះ​មិន​ត្រឹម​តែ​ជួយ​ឱ្យ​មុខ​មើល​ទៅ​តូច​ជាង​ប៉ុណ្ណោះ​ទេ ហើយថែមទាំងបង្ហាញពីមនុស្សស្រីទន់ខ្សោយម្នាក់។

ខ្ញុំគិតថាទោះបីជាមូ៉ដសក់មានការផ្លាស់ប្តូរ ប៉ុន្តែផ្នត់គំនិតសក់ជួយលើកសម្រស់ស្រ្តីជាកត្តាដែលមិនប្រែប្រួល។

Kengo Abe