ពិសេសណាស់! រថភ្លើង Shinkansen ជប៉ុនបើកដំណើរការសេវាកម្មថ្មី “រថភ្លើងការិយាល័យ” សម្រាប់អ្នកដំណើរធ្វើការពីចម្ងាយ

ក្រុមហ៊ុនផ្លូវដែកភាគខាងកើតជប៉ុនទើបតែបើកដំណើរការ “រថភ្លើងការិយាល័យ” នៅលើរថភ្លើង Shinkansen មួយចំនួន ដើម្បីបំពេញតម្រូវការការងារពីចម្ងាយក្នុងបរិបទជំងឺកូវីដ ១៩ រាតត្បាត។

អ្នកដំណើរនៅលើទូរថភ្លើងលេខ ៨ នៃរថភ្លើងល្បឿនលឿន Shinkansen ដែលតភ្ជាប់ទីក្រុងតូក្យូជាមួយនឹងតំបន់ភាគខាងជើង, Tohoku, Joetsu និង Hokuriku ឥឡូវនេះអាចនិយាយទូរស័ព្ទ និងចូលរួមការប្រជុំតាម​អន​ឡាញ​នៅ​លើ​រថភ្លើង។

“យើងចង់ផ្តល់ជូនរបៀបធ្វើការថ្មីដែលមិនផ្តោតសំខាន់លើពេលវេលា និងទីកន្លែង” នេះ​បើ​តាម​មន្ត្រី​ក្រុមហ៊ុន​ផ្លូវដែក​ JR ភាគខាងកើតបានអោយដឹងថា នៅទីបំផុតក្រុមហ៊ុនបានចាប់ផ្តើមផ្តល់សេវាកម្ម បន្ទាប់ពីដំណើរការ​សាក​ល្បងជោគជ័យ។

ចាប់ពីថ្ងៃទី ២២ ខែវិច្ឆិកា នៅលើទូរថភ្លើងលេខ ៨ នៃខ្សែរថភ្លើង Shinkansen Hokuriku បានបិទស្លាកប្រកាសសេវាកម្មថ្មីដែលមានឈ្មោះថា “រថភ្លើងការិយាល័យ” និងខិត្តប័ណ្ណពន្យល់ពីសេវាកម្មនេះដាក់នៅលើកៅអី។ បុគ្គលិក​ក្រុម​ហ៊ុន JR East ម្នាក់បានបង្ហាញពីរបៀបដែលអ្នកដំណើរអាចធ្វើការពីចម្ងាយដោយប្រើកាសការពារសម្លេង​រំខាន។ លើសពីនេះអ្នកដំណើរក៏អាចខ្ចី “កញ្ចក់ឆ្លាតវៃ” ដើម្បីបញ្ចាំងខ្លឹមសារពីកុំព្យូទ័រយួរដៃ។

នៅលើរថភ្លើងល្បឿនលឿន Tohoku អ្នកដំណើរក៏អាចប្រើបន្ទះប្លាស្ទិកបាំងជុំវិញកៅអី និងតុដោយឥតគិតថ្លៃ ដោយធានាភាពឯកជន។ សេវាកម្ម “រថភ្លើងការិយាល័យ” ស្រដៀងគ្នានេះក៏កំពុងពិចារណាចំពោះខ្សែរថភ្លើង Joetsu ។ ក្រៅពីនេះកន្លែងធ្វើការពីចម្ងាយក៏ត្រូវបានដាក់បញ្ចូលនៅលើរថភ្លើង Shinkasen ដែលធ្វើដំណើរ​ពី​ហុកកៃដូ​ទៅ Tohoku ផងដែរ។

រថភ្លើង JR ភាគខាងកើតសង្ឃឹមថាសេវាកម្មថ្មីនឹងលើកទឹកចិត្តអ្នករាល់គ្នាអោយធ្វើដំណើរ “អាជីវកម្ម” ដែលរួមបញ្ចូលដំណើរកំសាន្ត។ ហើយក្នុងពេលជាមួយគ្នានេះជម្រុញទេសចរណ៍ និងការធ្វើដំណើរអាជីវកម្ម។ សម្រាប់ការខាតបង់វិស័យផ្លូវដែកក្នុងរយៈពេល ២ ឆ្នាំកន្លងមក។

ដើម្បីជៀសវាងការកកស្ទះ កន្លែងធ្វើការលើរថភ្លើងមិនបើកនៅថ្ងៃចុងសប្តាហ៍ ថ្ងៃឈប់សម្រាក អំឡុងពេលសម្រាក​ចូល​ឆ្នាំ​ថ្មី និងរយៈពេលពិសេសផ្សេងទៀត។

បច្ចុប្បន្នផ្នែកខាងក្រៅរថភ្លើងគ្មានអ្វីប្រែប្រួលទេ ទោះបីជា JR East និយាយថានឹងពិចារណាលើការកែលំអនាពេលអនាគត។

មិនត្រឹមតែក្រុមហ៊ុនផ្លូវដែក JR ភាគកណ្តាល និងខាងលិចប្រទេសជប៉ុនកំពុងសាកល្បងកន្លែងធ្វើការនៅលើរថភ្លើងតាំងពីខែតុលាលើរថភ្លើង Nozomi Superexpress, Sanyo Shinkansen និង Tokaido Shinkansen ជិះឆ្លង​កាត់​ទីក្រុងធំៗដូចជា Tokyo, Nagoya, Osaka និង Fukuoka ។

https://english.kyodonews.net/news/2021/11/e3350c504173-jr-east-launches-bullet-train-office-cars-amid-telework-demand.html?phrase=%20executed&words=

Yuki

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: