ស្វែងយល់អំពីទស្សនអាជីវកម្មរបស់សាជីវកម្មដែលផ្តល់ប្រាក់ខែខ្ពស់នៅជប៉ុន

ថ្ងៃពុធ 24/11/2021 | 13:02 ល្ងាច

ប្រសិនបើអោយអ្នករាប់ឈ្មោះក្រុមហ៊ុនធំៗនៅប្រទេសជប៉ុន តើអ្នកនឹកឃើញឈ្មោះក្រុមហ៊ុនអ្វីខ្លះ? ប្រាកដណាស់តាមគំនិតរបស់មនុស្សជាច្រើននឹងគិតឃើញម៉ាកយីហោធំៗដូចជា TOYOTA, HONDA, PANASONIC, SONY, YAMAHA ។

ក្នុងអត្ថបទនេះ JAPO នឹងណែនាំដល់អ្នកសាជីវកម្មឈានមុខគេនៅប្រទេសជប៉ុន ប៉ុន្តែមិនមែនមនុស្សគ្រប់គ្នាស្គាល់ឈ្មោះនោះទេ។ នោះគឺ KEYENCE ជាសាជីវកម្មមានប្រាក់ចំណូលប្រចាំឆ្នាំជាមធ្យមខ្ពស់បំផុតក្នុងចំណោមក្រុមហ៊ុនដែលបានចុះបញ្ជីក្នុងប្រទេសជប៉ុន។ ទោះជាយ៉ាងណា មិនមែនជារឿងកម្រទេដែលប្រជាជនជប៉ុនមិនធ្លាប់ឮឈ្មោះនេះ។

នៅប្រទេសជប៉ុនមានប្រមាណ ៤ លានសហគ្រាស ប៉ុន្តែមានតែ ៣៥០០ សហគ្រាសប៉ុណ្ណោះ ដែលស្មើនឹង ០,០១% បោះផ្សាយភាគហ៊ុនជាសាធារណៈ។

កាលពីមុនធ្វើនៅក្រុមហ៊ុនចាស់ ខ្ញុំក៏ចូលរួមដំណើរការរៀបចំអោយក្រុមហ៊ុនចុះបញ្ជីផ្សារហ៊ុនផងដែរ។ ដើម្បីចុះបញ្ជី ដំណាក់កាលទាំងអស់ដែលទាក់ទងនឹងអាជីវកម្មដូចជាហិរញ្ញវត្ថុ ប្រាក់ចំណូល បញ្ហាផ្លូវច្បាប់សុទ្ធតែត្រូវប្រាកដប្រជា។

ដូច្នេះហើយ មិនមែនជាការបំផ្លើសទេដែលនិយាយថា ក្រុមហ៊ុនចុះបញ្ជីចំនួន ៣៥០០ ទាំងនេះតំណាងឱ្យក្រុមហ៊ុនជប៉ុនដែលទទួលបានជោគជ័យ។ ជាការពិតណាស់ អាជីវកម្មមួយចំនួនទទួលបានជោគជ័យខ្លាំង ប៉ុន្តែមិនផ្សព្វផ្សាយជាសាធារណៈ ដូច្នេះមិនអាចនិយាយថាទាំងអស់នោះទេ។

ក្នុងចំណោមសហគ្រាសឈានមុខគេក្នុងប្រទេសជប៉ុន ក្រុមហ៊ុន KEYENCE Co., Ltd. មានមោទនភាពលើកម្រិតប្រាក់ខែឈានមុខប្រចាំឆ្នាំជាមធ្យមរបស់បុគ្គលិក។

រូបភាព https://www.lev.co.jp/blog/keyence/?fbclid=IwAR1LBG3O4FCGSwr3o7r6Hv6CXYtc4SwTYqw0S9IVq2EPqAH6yajPonninZ4

សហគ្រាសនេះផ្តោតលើការផលិត លក់គ្រឿងម៉ាស៊ីន និងឧបករណ៍គ្រប់គ្រងដោយស្វ័យប្រវត្តិ។ ប្រាក់ចំណូលជាមធ្យមរបស់បុគ្គលិកគឺ ១៥,២៣២ លានយ៉េន។ មានភាពខុសគ្នាយ៉ាងច្បាស់បើប្រៀបទៅនឹងសហគ្រាសចំណាត់ថ្នាក់ទីពីរ Nomura Holdings គឺ ១៣,៧៧៤ លានយ៉េន។

ក្រឡេកមើលប្រាក់ចំណូលពេញមួយជីវិតរបស់និយោជិត តួរលេខនេះគឺ ៥៦១,៦៤ លានយ៉េន។ ចំណាត់ថ្នាក់ទីពីរ Nippon Television Holdings ជាមួយនឹងតួលេខ ៥០៥,០៥ លានយ៉េន។

ដើម្បីធ្វើការប្រៀបធៀបប្រាក់ចំណូលជាមធ្យមរបស់បុគ្គលិកការិយាល័យជប៉ុនប្រហែល ២០០ លានយ៉េន ដែលតិចជាង ២,៥ ដង។

មូលហេតុដែលក្រុមហ៊ុនមិនត្រូវបានគេស្គាល់ច្រើន ដោយសារតែពួកគេលុបចោលជំហានដែលគ្មានប្រយោជន៍។ ផលិតផលក្រុមហ៊ុនមិនផ្តោតលើអ្នកប្រើប្រាស់ទូទៅនោះទេ ដូច្នេះឈ្មោះយីហោមិនបង្ហាញនៅលើប្រព័ន្ធផ្សព្វផ្សាយពាណិជ្ជកម្ម។ ក្រុមហ៊ុនចេញផ្សាយពាណិជ្ជកម្មតែម្តងនៅរដូវស្វែងរកការងារ។ ជាជាងជួបបេក្ខជនច្រើន ពួកគេចង់ស្វែងរកមនុស្សដែលមានសមត្ថភាព។

អាជីវកម្មជោគជ័យជាច្រើនលក់រឿងរ៉ាវអាជីវកម្មរបស់ពួកគេក្នុងទម្រង់ជាសៀវភៅយុទ្ធសាស្ត្រ ចំណេះដឹង និងរចនាសម្ព័ន្ធស្ថាប័ន។ ចំណែកឯ KEYENCE មិនធ្វើបែបនេះទេ។ ប្រធានក្រុមហ៊ុនសឹងតែមិនបង្ហាញខ្លួនលើប្រព័ន្ធផ្សព្វផ្សាយ។ អាជីវកម្មនេះត្រូវបានបិទបាំងដោយភាពអាថ៌កំបាំង។

លទ្ធផលលុបចោលជំហានដែលគ្មានប្រយោជន៍គឺថា ទោះបីជាក្រុមហ៊ុនមិនមានគេស្គាល់ ហើយក៏មិនចាំបាច់ចំណាយប្រាក់ខ្ជះខ្ជាយដែរ។

ប៉ុន្តែប្រសិនបើមិនផ្សព្វផ្សាយធ្វើយ៉ាងណាអាចលក់ទំនិញ? ត្រង់ចំណុចនេះយុទ្ធសាស្ត្រផលិតផលិតផលរបស់ KEYENCE គឺច្បាស់លាស់។

“យើងគ្រាន់តែបន្តបង្កើតរបស់ដែលមិនមាននៅលើពិភពលោកនេះ

ចែកចាយផលិតផលប្រកបដោយប្រសិទ្ធភាពដល់អតិថិជនដែលត្រូវការ” ។

ដោយផ្អែកលើការគ្រប់គ្រងនេះ KEYENCE ជំនាញផ្គត់ផ្គង់ផលិតផលដែលជាប់ឈ្មោះ “លំដាប់ពិភពលោក” “ដំបូងលើពិភពលោក” និង “តូចបំផុតលើពិភពលោក” ។ តាំងពីពេលដែលអភិវឌ្ឍដំបូង ក្រុមហ៊ុនបានកំណត់គោលដៅទាំងនេះ។ ផលិតផលដែលភ្ជាប់មកជាមួយការពណ៌នាដូចនេះងាយលក់ណាស់។

ក្រៅពីនេះ ពាក្យគន្លឹះសំខាន់មួយទៀតក្នុងយុទ្ធសាស្ត្រទីផ្សាររបស់សហគ្រាសគឺ “លទ្ធភាពផលិតឡើងវិញ” ។ រាល់ការបញ្ជាទិញ អតិថិជនត្រូវតែជាអ្នកមានជំនាញដូចគ្នា ក្នុងរោងចក្រតែមួយ និងមានតម្រូវការដូចគ្នាជាមួយអ្នកផ្គត់ផ្គង់។ ចំពោះផលិតផលនីមួយៗដែលបានលក់ feedback របស់អតិថិជនត្រូវបញ្ជូនទៅកាន់បុគ្គលិក ដូច្នេះបុគ្គលិកនឹង “ផលិតឡើងវិញ” ផលិតផលនោះសម្រាប់អតិថិជនជាច្រើនទៀត។ ពិតជាពិបាកក្នុងការលក់ផលិតផលថ្មី ដូច្នេះគំនិតរបស់ពួកគេគឺប្រើផលិតផលដែលទទួលបានជោគជ័យរួចមកហើយ។

ដើម្បីសង្ខេបអាថ៌កំបាំងនៃភាពជោគជ័យរបស់អាជីវកម្ម យើងនឹងសង្ខេបជាគំនិតសំខាន់ចំនួនពីរ។