បំពាក់ដោយអាវុធទំនើប ហេតុអ្វីបានជា Bakufu Tokugawa នៅតែចាញ់ក្នុងសង្គ្រាម Boshin?

នៅសម័យអេដូឬគេហៅថាសម័យសាមូរ៉ៃ ដោយសារនេះជាសម័យសន្តិភាពក្រោមការគ្រប់គ្រងរបស់វណ្ណៈសាមូរ៉ៃ។ ដែលក្នុងចំណោមនោះ Tokugawa Ieyasu គឺជាអ្នកមានគុណសម្បត្តិបង្រួបបង្រួមប្រទេសជប៉ុន។ ក្រោយរយៈពេលរុងរឿងជាង ៤០០ ឆ្នាំ សម័យកាលអេដូចុះខ្សោយបន្តិចម្តងៗព្រោះតែការនាំចូលវប្បធម៌សម័យទំនើប។ ចំណែក​ឯ​សង្រ្គាម Boshin ដ៏ល្បីក្នុងប្រវត្តិសាស្ត្រជាការបញ្ចប់នៃព្រឹត្តិការណ៍ប្រវត្តិសាស្ត្រ ដែលរុញអោយសម័យអេដូក្លាយទៅជាអតីត​កាល។

រូបភាព https://mag.japaaan.com/archives/162298

តើ​អ្នក​ធ្លាប់​ឆ្ងល់​ទេ​ថា​ហេតុ​អ្វី Bakufu ចាញ់​សង្គ្រាម?

ជនជាតិជប៉ុនច្រើនគិតថាសាមូរ៉ៃប្រើតែដាវ និងអាវុធទូទៅប៉ុណ្ណោះ មិនអាចប្រៀបទៅនឹងអាវុធទំនើបនៃក្រុមអធិរាជនោះទេ។ ប៉ុន្តែមិនមែនដូច្នោះទេ កងទ័ពអេដូ Bakufu នៅពេលនោះត្រូវបានបំពាក់ដោយឧបករណ៍ទំនើប​បំផុត។ ផ្នែកកងទ័ពជើងទឹករដ្ឋាភិបាលបានទិញនាវាចម្បាំងចំនួន ៤៤ គ្រឿងពីបរទេស ទិញកាំភ្លើងទំនើប ១ ម៉ឺនដើម និងជួលក្រុមទីប្រឹក្សាយោធាបារាំងមួយក្រុម។

ថ្វីត្បិតតែមានអាវុធ និងបំពាក់ឧបករណ៍ទំនើបបំផុត ប៉ុន្តែបញ្ហាដែល Bakufu Tokugawa ជួបប្រទះគឺទំនាក់ទំនង​កង​កម្លាំង។ បក្សពួកប្រឆាំង Bakufu មានច្រើនណាស់ ដែលធ្វើអោយមានប្រៀបក្នុងសង្រ្គាមស៊ីវិលនេះ។

ជាលទ្ធផល Bakufu ចាញ់សង្គ្រាម អធិរាជបង្រួបបង្រួមប្រទេស ហើយបង្កើតជាសម័យ Meiji ។

ប្រសិនបើ​មាន​យុទ្ធសាស្ត្រ​ច្បាស់លាស់ជាងនេះ ប្រហែលជា Bakufu ​មាន​ឱកាស​ឈ្នះ​។ ទោះយ៉ាងណាលទ្ធផលនៅតែជាអាថ៌កំបាំងដ៏ធំក្នុងប្រវត្តិ​សាស្ត្រ​ជប៉ុន។ មនុស្សជាច្រើននិយាយថាមូលហេតុមកពីមេទ័ពដឹកនាំ Tokugawa Yoshinobu ចុះចាញ់ឆាប់ពេកទើបធ្វើអោយ Bakufu បរាជ័យ។ តើលោកក្បត់នឹងត្រកូលគ្រួសាររបស់ខ្លួនឬ? ឬ​មួយ​​គាត់​មើល​​មិន​ឃើញ​ឱកាស​ឈ្នះទើបដាក់​អាវុធចុះដើម្បីការពារអាយុជីវិត?

ចំណុចតែមួយគត់ដែលខ្ញុំអាចនិយាយបាននោះគឺថា ព្រោះតែរដ្ឋាភិបាល Meiji ដាក់ចេញគោលនយោបាយត្រឹមត្រូវ ដោយសារតែមិនរើសអើងជាតិសាសន៍ ថែមទាំងលើកទឹកចិត្តអោយធ្វើតាមប្រទេសលោកខាងលិច ដោយ​បើក​សម័យ​កាល​ទំនើប​កម្ម និងការអភិវឌ្ឍន៍ដ៏វិសេសសម្រាប់ប្រទេសជប៉ុន។

គិតទៅក៏គួរអោយអស់សំណើចព្រោះថាសាមូរ៉ៃទុកសក់ Chonmage (ម៉ូដសក់កោរពីមុខ ទុកសក់សងខាង និងនៅខាងក្រោយ) កាន់កាំភ្លើងវែង និងឧបករណ៍ទំនើបៗ។

Kengo Abe