ដំណឹងល្អ Masaki Suda និង Nana Komatsu ប្រកាសនឹងរៀបការ

ថ្ងៃអង្គារ 16/11/2021 | 11:23 ព្រឹក

តារាសម្តែងប្រុស Masaki Suda និងតារាសម្តែងស្រី Nana Komatsu ទើបតែបានប្រកាសថាពួកគេនឹងរៀបការ។

រហូតមកទល់ពេលនេះ គូស្នេហ៍មួយគូនេះបានសម្ដែងក្នុងរឿងជាច្រើនរួមគ្នាដូចជា Destruction Babies, Oboreru Knife, Ito ។ អ្នកទាំងពីរចាប់ផ្តើមទាក់ទងគ្នាតាំងពីរដូវស្លឹកឈើជ្រុះឆ្នាំ ២០១៩ ខណៈពេលដែលកំពុងថតរឿង Ito ។

តាមសម្តីអ្នកស្គាល់ Suda និយាយថា “Suda kun ស្រលាញ់ Nana Komatsu តាំងពីឃើញលើកដំបូង” ពេលកំពុងថតរឿង Destruction Babies ។ ខ្សែភាពយន្តនេះថតនៅនិទាឃរដូវឆ្នាំ ២០១៥ គិតទៅតារាប្រុសរូបនេះតាមស្រលាញ់នាង ៤ ឆ្នាំមកហើយ។

ទោះបីពួកគេទាំងពីរទើបតែអាយុ ២០ ឆ្នាំ ហើយក៏មិនមែនជាអាយុស័ក្តិសមសម្រាប់រៀបការ ប៉ុន្តែ Suda និយាយថាខ្លួនសម្រេចចិត្តយូរមកហើយ។

តាមសម្តីអ្នកស្គាល់គ្នាម្នាក់ទៀតរបស់ Suda បាននិយាយថា “Suda ចង់រៀបការភ្លាមៗបន្ទាប់ពីណាត់ជួប។ ដោយសារតែ Komatsu មានអ្នកគាំទ្រប្រុសច្រើន។ សម្រស់របស់តារាស្រីរូបនេះ មិនត្រឹមតែទាក់ទាញអ្នកគាំទ្រក្នុងស្រុកប៉ុណ្ណោះទេ សូម្បីតែសហគមន៍អន្តរជាតិក៏ស្រឡាញ់រាប់អានផងដែរ ជាពិសេសប្រិយមិត្តប្រុសៗ។ នោះជាមូលហេតុដែល Suda ព្រួយបារម្ភ ហើយចង់រៀបការអោយបានឆាប់” ។