ក្រុមហ៊ុន Honda បញ្ចេញ​ម៉ូដែល​ថ្មី​បំផុត​សម្រាប់អ្នកដឹកជញ្ជូននៅជប៉ុន

ម៉ូដែលយានជំនិះថ្មីបំផុតរបស់ក្រុមហ៊ុន Honda ដែលមានឈ្មោះថា Honda Gyro Canopy:e ត្រូវបានរចនាឡើងយ៉ាង​ពិសេស​សម្រាប់​អ្នក​ដឹកជញ្ជូន។

រូបភាព https://electrek.co/2021/11/02/hondas-latest-electric-motorbike-is-a-three-wheeled-e-scooter-with-a-roof/

Gyro Canopy:e ប្រើស៊ុមខាងក្រោមនៃមូ៉ដែលកង់ ៣ Gyro:e ដោយបំពាក់ដំបូលថ្មី។ យានជំនិះនេះសម្រាប់អ្នក​ដឹក​ជញ្ជូន ដោយមានដំបូលបាំងភ្លៀង និងផ្នែកខាងក្រោយសម្រាប់ដំឡើងប្រអប់ដាក់ទំនិញ។ បើគ្រាន់តែក្រឡេក​មើល​ដំបូលយានជំនិះ អ្នកប្រាកដជាគិតថាមុខងារការពារភ្លៀងមិនល្អទេ ប៉ុន្តែយោងតាមការធ្វើតេស្តរបស់​ក្រុម​ហ៊ុន ដំបូលនេះអាចការពារទឹកភ្លៀងមិនធ្វើឱ្យអ្នកបើកបរសើមពេលជិះក្នុងល្បឿនលឿន។

Honda Gyro Canopy:e ត្រូវបានបំពាក់ដោយម៉ូទ័រអេឡិចត្រិចដែលមានកម្លាំងខ្លាំងបំផុត ៣.២០០W ប៉ុន្តែកម្លាំង​ជាក់​ស្តែងត្រឹមតែ ៥៨០W ប៉ុណ្ណោះ។ ហាក់បីដូចជាបទប្បញ្ញត្តិមួយចំនួននៅក្នុងប្រទេសជប៉ុនមិនអនុញ្ញាតឱ្យម៉ូដែលនេះអាចបញ្ចេញអស់ពីកម្លាំងរបស់ខ្លួនឡើយ។

យានជំនិះអូតូ Gyro Canopy:e មានល្បឿនអតិបរមា ៧៧ គីឡូម៉ែត្រ ចំណែកឯល្បឿនយឺតប្រហែល ៣០ គីឡូម៉ែត្រក្នុងមួយម៉ោង។ កម្រិតនេះត្រូវគេចាត់ទុកថាសាកសមសម្រាប់ការធ្វើដំណើរនៅតំបន់មានប្រជាជនច្រើន។

អត្ថប្រយោជន៍ផ្សេងទៀតនៃយានជំនិះគឺថាប្រើប្រព័ន្ធថ្មដែលងាយដកចេញឬប្តូរថ្មី ចំណាយពេលតិចជាងចាក់សាំង។ 

នៅជប៉ុន Honda Gyro Canopy:e ត្រូវបានលក់ក្នុងតម្លៃ ៧១៥,០០០ យ៉េន (ប្រហែលជាង ៦ ពាន់ដុល្លារ) ។

តម្លៃនេះថ្លៃជាងយានជំនិះអគ្គិសនីដែលក្រុមហ៊ុនទើបតែដាក់លក់នាពេលថ្មីៗនេះដូចជា U-go ដែលចេញលក់នាដើមរដូវក្តៅនៅប្រទេសចិន ជាមួយនឹងតម្លៃជាង ១ ពាន់ដុល្លារ។ ប៉ុន្មានសប្តាហ៍ក្រោយមកពួកគេបានបន្តណែនាំម៉ូដែលម៉ូតូអគ្គិសនី U-be ជាមួយនឹងតម្លៃជិត ៥០០ ដុល្លារ។

ជាមួយនឹងតម្លៃនេះ តើ​អ្នក​គិត​ថា Honda នឹង​ជោគជ័យ​ក្នុង​ការ​ណែនាំ​ម៉ូដែល​ថ្មី​បំផុត​ដល់​អ្នក​ដឹក​ជញ្ជូន​ជប៉ុន​ដែរ​ឬ​ទេ?

Yuki