តើ​កង​កម្លាំង​ស្វ័យ​ការពារ​ជប៉ុន​​ជា​​កង​ទ័ព​ដែរ​ទេ?

តើអ្នកដឹង​ថា​អំណាច​យោធា​របស់​ជប៉ុនជាប់ចំណាត់ថ្នាក់លេខប៉ុន្មាន​លើ​ពិភពលោកដែរទេ?

ក្នុងទិន្នន័យស្ថិតិមានការប្រែប្រួលជាច្រើន ប៉ុន្តែក្នុងចំណោមនោះបង្ហាញថា ជប៉ុនជាប់ចំណាត់ថ្នាក់លេខ ៨ ទៅ​លេខ ៥ ។

ទោះបីជាមានភាពខុសគ្នាបន្តិចបន្តួច ប៉ុន្តែចំណុចនេះបង្ហាញថា ជប៉ុនមានអំណាចយោធា​ច្បាស់​លាស់។ អំណាចយោធា​របស់​ជប៉ុន​ជាប់​ចំណាត់​ថ្នាក់​ខ្ពស់​ជាង​ប្រទេស​កូរ៉េ ដែលជាប្រទេសត្រូវគេចាត់ទុកកំពុងស្ថិតក្នុងស្ថានភាពសង្រ្គាមនៅឡើយ។ តើចំណុចនេះធ្វើអោយអ្នកមានការភ្ញាក់ផ្អើលដែរទេ?

ជនជាតិជប៉ុនអាចផលិតរថក្រោះក្នុងស្រុក មានយន្តហោះចម្បាំង ថ្វីត្បិតតែប្រើយន្តហោះរបស់អាមេរិក ប៉ុន្តែជន​ជាតិ​ជប៉ុន​បានចាប់ផ្តើមបង្កើតប្រភេទយន្តហោះដោយឡែករបស់ខ្លួន។

ចំពោះវិស័យកប៉ាល់ថ្វីត្បិតតែមានទំហំតូច ប៉ុន្តែកប៉ាល់ជប៉ុនមានលក្ខណៈពិសេស។ ដោយឡែកនាវាមុជទឹករបស់ជប៉ុនត្រូវបានគេសរសើរយ៉ាងខ្លាំង។

ថ្មីៗនេះប្រទេសជប៉ុនបានផលិតគ្រឿងយន្តដូចនេះ។

រូបភាព https://news.yahoo.co.jp/byline/takahashikosuke/20210831-00255826

នៅពេលក្រឡេកមើលអ្នកប្រហែលជាគិតថាព្រ​លាន​យន្តហោះ ប៉ុន្តែមិនមែនទេ នេះគឺជានាវាមុជទឹក។

ការចំណាយលើវិស័យការពារជាតិរបស់ប្រទេសជប៉ុនគឺ ៥ ពាន់ពាន់លានយ៉េនជារៀងរាល់ឆ្នាំក្នុងគោលបំណងកសាង​អំណាច​យោធា។ ប៉ុន្តែ​តើ​អ្នក​ដឹង​ទេ​ថា​រដ្ឋធម្មនុញ្ញ​ជប៉ុន​មាន​ផ្នែក​ហាម​ឃាត់​ការ​កាន់កាប់​យោធា​?

ដោយសារតែបទប្បញ្ញត្តិនៃរដ្ឋធម្មនុញ្ញសរសេរពិបាកយល់ ដូច្នេះខ្ញុំនឹងបកស្រាយអោយងាយយល់។ ជាក់ស្តែងបម្រាម​នេះ​ត្រូវបានចែងក្នុងមាត្រា ៩ នៃរដ្ឋធម្មនុញ្ញដូចតទៅ៖

ប្រជាជនជប៉ុនស្វែងរកសន្តិភាពអន្តរជាតិដោយផ្អែកលើយុត្តិធម៌ និងសណ្តាប់ធ្នាប់ នឹងមិនគំរាមកំហែងប្រើប្រាស់​សង្រ្គាម ឬអំពើហឹង្សាជាមធ្យោបាយដោះស្រាយជម្លោះអន្តរជាតិ។

ពោល​ដើម្បី​សម្រេច​បាន​គោលដៅ​នេះ ជប៉ុន​នឹង​មិន​មាន​កងទ័ព​ជើងទឹក កងទ័ពជើងអាកាស និង​កម្លាំង​យោ​ធា​ផ្សេង​ទៀត​ឡើយ។

បើដូច្នេះមែន តើមហាអំណាចយោធាចំណាត់ថ្នាក់លេខ ៥ លើពិភពលោកដូចដែលបានរៀបរាប់នៅដើមអត្ថបទមកពីណា?

តាំង​ពី​ដើម​រដ្ឋធម្មនុញ្ញ​ជប៉ុន​នេះ​ត្រូវ​បាន​បង្កើត​ឡើង​តាម​កិច្ច​ព្រម​ព្រៀង​របស់​ជប៉ុន​ជាមួយ​នឹង​សម្ព័ន្ធមិត្ត​ក្នុង​នាម​ជា​ប្រទេស​ដែល​ចាញ់។ ចាប់ពីពេលនោះភាពស្មុគស្មាញទាំងអស់ចាប់ផ្តើម។

មូលហេតុដែលរដ្ឋធម្មនុញ្ញនេះត្រូវបានបង្កើតឡើងដើម្បីរកឱ្យឃើញថាភាគីណានឹងទទួលខុសត្រូវចំពោះសង្គ្រាម ពាក់ព័ន្ធនឹងបញ្ហាដោះស្រាយក្រោយសង្គ្រាម។

សម្ព័ន្ធមិត្តគិតថាជាមូលដ្ឋានអ្នកដែលទទួលខុសត្រូវចំពោះសង្គ្រាមគួរតែជាប្រមុខរដ្ឋពោលគឺអធិរាជ។ ប៉ុន្តែបន្ទាប់​ពីអគ្គរាជទូតនៃកងទ័ពអាមេរិកឧត្តមសេនីយ Mac Arthur មកដល់ជប៉ុនផ្លាស់ប្តូរទាំងស្រុង ដោយសម្រេចចិត្តរក្សារបបរបស់អធិរាជ។ មិនដឹងហេតុ​អ្វីបានជាមនុស្សម្នាក់ដែលតែងតែតាំងចិត្តប្រហារជីវិតអធិរាជដូចជាឧត្តមសេនីយ៍ Mac Arthur បែរជាប្តូរចិត្តយ៉ាងលឿន។ មានពាក្យចចាមអារ៉ាមជាច្រើននិយាយពី​រឿង​នេះ ប៉ុន្តែយើង​នឹងបកស្រាយក្នុងអត្តបទផ្សេង។

ការផ្លាស់ប្តូរចិត្តរបស់ឧត្តមសេនីយ៍តែម្នាក់ឯងមិនមានន័យថាមនុស្សគ្រប់គ្នាក្នុងសម្ព័ន្ធមិត្តសុទ្ធតែយល់ស្របនោះទេ។

ដូច្នេះហើយមាត្រា ៩ នៃរដ្ឋធម្មនុញ្ញជប៉ុនត្រូវបានបង្កើតឡើងជាការរៀបចំដើម្បីបង្វែរការកាត់ទោសការទទួលខុសត្រូវសង្រ្គាម។

មិន​មាន​កងទ័ព​មាន​ន័យ​ថា​មិន​អាចចូលរួមសង្គ្រាម និយាយដូច្នេះអាចធ្វើអោយមនុស្សជាច្រើនមានអារម្មណ៍ស្ងប់​ចិត្ត។

ដូច្នេះ​តើ​អំណាច​យោធា​របស់​ជប៉ុន​បាន​មក​ពី​ណា បញ្ហា​នេះ​ក៏​មាន​ប្រភព​មក​ពី​សម្ព័ន្ធមិត្ត ហើយ​មជ្ឈមណ្ឌល​គឺ​សហរដ្ឋ​អាមេរិក។

ជប៉ុនមិនមានកងទ័ពទេ ដូច្នេះសម្ព័ន្ធមិត្តនឹងទទួលខុសត្រូវការពារប្រទេសជប៉ុន។ ប៉ុន្តែនៅពេលដែលសង្រ្គាមកូរ៉េ​ផ្ទុះឡើងនៅឆ្នាំ ១៩៥០ សម្ព័ន្ធមិត្តមិនមានសមត្ថភាពការពារគ្រប់គ្រាន់ ដូច្នេះស្នើអោយជប៉ុនបង្កើតក្រុមដែល​ហៅ​ថាក្រុមប៉ូលីសបម្រុង។ ក្រុម​នេះ​ត្រូវ​បាន​អនុញ្ញាត​ឱ្យ​បំពាក់​អាវុធខ្លាំង ដើម្បីបំពេញបន្ថែមអង្គភាពប៉ូលីស។ ក្រោយ​មក​ក្រុមវិវត្តទៅជាកងទ័ពធានាសុវត្ថិភាព ហើយនៅឆ្នាំ ១៩៥៤ ត្រូវគេហៅថាកងកម្លាំងស្វ័យការពារ។

កងកម្លាំងស្វ័យការពារត្រូវបានបង្កើតឡើង មានកម្លាំងយោធា យកលេសក្នុងគោលបំណងការពារ ប៉ុន្តែមិនមែនកងទ័ពហើយក៏មិនមែនកម្លាំងប៉ូលីសឡើយ។

ហេតុ​អ្វីកម្លាំងបែបនេះមិន​មែនកង​​ទ័ព? នោះដោយសារតែជនជាតិជប៉ុនប្រើការនិយាយមិនច្បាស់ថា “ជាការបំពាក់តិចតួចបំផុតក្នុងគោលបំណងការពារខ្លួន” ។ ដោយហេតុ​នេះជប៉ុនពង្រីកអំណាចយោធារបស់ប្រទេសជាតិ ប៉ុន្តែនៅតែអាចគេចចេញពីបទប្បញ្ញត្តិក្រោយសង្គ្រាម។

ដើម្បីពន្យល់បន្ថែមក្នុងឆ្នាំ ១៩៩០ ប្រទេសជប៉ុនបានចូលរួមក្នុងប្រតិបត្តិការរក្សាសន្តិភាពរបស់អង្គការសហប្រជាជាតិ (PKO – Peacekeeping Operations) ។

ទោះបីជាមិនចូលរួមប្រយុទ្ធដោយផ្ទាល់ ប៉ុន្តែកងកម្លាំងស្វ័យការពារប្រើការបំពាក់បន្តិចនេះដើម្បីឈានចូលប្រទេស​ដទៃ​ទៀត។ តើទង្វើនេះនៅតែស្ថិតក្នុងដែនកំណត់ការពារខ្លួនដែរទេ ការជជែកដេញដោលយ៉ាងខ្លាំងមួយបានកើតឡើងជុំវិញបញ្ហានេះ។

ថ្វីត្បិតតែការជជែកវែកញែកស្តីពីការបកស្រាយមាត្រា ៩ នៃរដ្ឋធម្មនុញ្ញ ប៉ុន្តែជាក់ស្តែងការប្រណាំងសព្វាវុធកំពុងកើតឡើង។ ដោយចាប់ផ្តើមជាមួយនឹងរថក្រោះ និងយន្តហោះចម្បាំងរបស់សហរដ្ឋអាមេរិក ជប៉ុនបានបន្តនាំចូល​យាន​ជំនិះ​ថ្មី ហើយឈានទៅរកការផលិតក្នុងស្រុក។

ថ្វីបើគេនិយាយថាជប៉ុនមិនមាននាវាផ្ទុកយន្តហោះសម្រាប់ប្រើជាជើងទម្រឈ្លានពានទឹកដី ប៉ុន្តែទោះជាយ៉ាងណាជប៉ុន​នៅ​តែបង្កើតនាវាផ្ទុកយន្តហោះដូចដែលបានលើកឡើងនៅដើមអត្ថបទ ក្នុងនាមនាវាអមដំណើរ។

ដោយផ្អែកលើការមើលឃើញច្បាស់ណាស់ជានាវាផ្ទុកយន្តហោះ ប៉ុន្តែរដ្ឋាភិបាលជប៉ុននៅតែទទូចដាក់ពង្រាយយានជំនិះក្នុងទម្រង់ជានាវាអមដំណើរឧទ្ធម្ភាគចក្រ។ បន្ទាប់មករួមជាមួយនឹងការទិញយន្តហោះ F-35B របស់អាមេរិក កប៉ាល់នេះត្រូវបានកែឱ្យក្លាយជានាវាផ្ទុកយន្តហោះខ្នាតតូច។

រូបភាព Ảnh https://trafficnews.jp/post/111408

មិនដឹងថាការបង្កើនគ្រឿងសព្វាវុធនេះល្អឬអាក្រក់នោះទេ ប៉ុន្តែច្បាស់ណាស់រដ្ឋាភិបាលជប៉ុនកំពុងជម្រុញការពង្រីកអំណាចយោធាដែលមិនធ្លាប់ប្រកាសផ្លូវការចំពោះប្រជាជន។

ជប៉ុនជាប្រទេសដែលមានកោះច្រើននៅឆ្ងាយពីដីគោក ដូច្នេះហើយត្រូវការនាវាផ្ទុកយន្តហោះដើម្បីការពារខ្លួន ចំណុច​នេះ​សម​ស្រប។ ទោះជាយ៉ាងណានោះមិនមែនជាបញ្ហាទេ ចំណុច​សំខាន់​គឺ​រដ្ឋាភិបាល​បានបំភាន់​ប្រជាពល​រដ្ឋ​​ដើម្បី​បន្ត​ការ​អនុវត្ត។

នេះ​ជា​ផល​វិបាក​នៃ​ការ​ពង្រីក​ការ​បកស្រាយ​មាត្រា ៩ ក្នុង​ទិស​ដៅ​បិទបាំង ជាជាង​ការ​កែប្រែ។

​ពង្រីកការ​បកស្រាយពីមួយទៅមួយទៀត ភាព​ផ្ទុយ​គ្នា​ក្នុង​រដ្ឋធម្មនុញ្ញ​មាន​ច្រើន​ណាស់រហូតគ្មានអ្វីអាចបិទបាំងបាន​ទៀត​ទេ។

ទស្សនៈរបស់ជនជាតិជប៉ុនក៏មានភាពចម្រុះផងដែរ អ្នកខ្លះគិតថាជប៉ុនមិនគួរមានកងទ័ពតាមមាត្រា ៩ នៃរដ្ឋធម្មនុញ្ញទេ រីឯខ្លះទៀតគិតថាជប៉ុនមិនត្រូវការយោធាអាមេរិកការពារឡើយ។ ​សំណួរលើកឡើង​ថា តើ​ជប៉ុន​នឹង​ការពារ​ខ្លួន​ដោយ​របៀប​ណា? ប៉ុន្តែសម្រាប់ខ្ញុំមិនស្ថិតលើចំណុចនេះទេ។

បញ្ហាគឺថាជប៉ុននៅតែប្រើរដ្ឋធម្មនុញ្ញដែលបង្កើតឡើងដោយអ្នកកាន់កាប់ ទោះបីខ្លួនបានក្លាយជាប្រទេសឯក​រាជ្យ​ពេញ​លេញ ហើយមិនដែលពិចារណាថាតើរដ្ឋធម្មនុញ្ញនេះសាកសមនឹងស្ថានភាពជប៉ុនសព្វថ្ងៃដែរទេ។

មិនមែនគួរឬមិនគួរធ្វើ​វិសោធនកម្មមាត្រា ​៩ ទេ ប៉ុន្តែតើល្អទេបើមិន​ដោះស្រាយនឹង​រដ្ឋធម្មនុញ្ញដែល​​ដាក់​កំហិត​បែប​នេះ។ ខ្ញុំគិតថាស្រដៀងនឹងរបៀបរបស់ជនជាតិជប៉ុន នៅពេលដែលពួកគេមិនធ្លាប់ពិភាក្សាចំពោះរឿងនេះ។

ជាជាងការអនុវត្តកំណែទម្រង់ធំ ដំបូងគួរអនុវត្តដោយស្ងៀមស្ងាត់ នោះហើយជាអ្វីដែលជនជាតិជប៉ុនតែងតែបង្ហាញ​មក​ក្រៅ។

អ្នកអាន JAPO ម្នាក់សួរខ្ញុំថា “ខ្ញុំឮថាជប៉ុននឹងមិនមានកងទ័ពរយៈពេលពីរបីឆ្នាំខាងមុខ តើពិតទេ? បន្ទាប់ពីពន្យល់ក្នុងអត្ថបទនេះ ខ្ញុំនឹងធ្វើការសន្និដ្ឋាន” ។

“រហូតមកជប៉ុននៅតែ​កាន់​អំណាច​យោធា ដូច្នេះ​គួរ​ហៅ​ថា​កងទ័ពដែរអត់?”

ខ្ញុំគិតថានោះជាបញ្ហាតែមួយគត់។

​ចំពោះ​បញ្ហា​នេះអ្នក​នយោបាយ​តែង​តែព្យាយាម​មិន​និយាយ ព្រោះ​គ្មាន​អ្នក​ណា​ចង់​ទទួល​ខុស​ត្រូវ​ចំពោះការផ្លាស់ប្តូរ​ធំ​នោះ​ទេ។

បច្ចុប្បន្នស្ថានភាពខុសកាលពីសម័យសង្គ្រាមលោកលើកទី ២ ប៉ុន្តែប្រសិនបើប្រទេសជប៉ុនមានកងទ័ព ដូច្នេះអាច​នឹង​ចូលរួមក្នុងដំណើរការរក្សាសន្តិភាពរបស់អង្គការសហប្រជាជាតិ។ បច្ចុប្បន្ននេះពេលឈានជើងចូលទឹកដីប្រទេស​ដទៃ​តាមរយៈប្រតិបត្តិការរក្សាសន្តិភាព កងកម្លាំងស្វ័យការពារមានតួនាទីជំនួយដល់យោធារបស់ប្រទេសផ្សេងទៀត។ ប៉ុន្តែ​ប្រសិនបើ​ត្រូវបានគេហៅថាយោធា​ជា​ផ្លូវការ ជប៉ុនអាចប្រើប្រភពកម្លាំងការពារខ្លួនពេញ​លេញ។

ទោះជាយ៉ាងណាជប៉ុននៅតែបង្កើនកម្លាំងយោធារបស់ខ្លួន ចាប់ផ្តើមដោយការលក់សម្ភារៈយោធាចេញក្រៅប្រទេស។

ដោយផ្ទាល់ខ្ញុំគិតថាមិនអាចបន្តយកលេសថានេះមិនមែនជាកងទ័ព ប៉ុន្តែជាកងកម្លាំងស្វ័យការពារនោះទេ។

សង្គ្រាមបានបញ្ចប់រយៈពេល ៧៦ ឆ្នាំមកហើយ ក្នុងនាមខ្ញុំជាជនជាតិជប៉ុន ខ្ញុំគិតថាដល់ពេលដែលជប៉ុនគួរពិចារណា​​តើត្រូវបន្តប្រើរដ្ឋធម្មនុញ្ញដែលសម្ព័ន្ធមិត្តបានដាក់អោយអនុវត្តកន្លងមក ជាជាងសួរថាគួរកែប្រែ​ឬ​អត់។

ដោយហេតុនេះយើងនឹងអាចបិទដានសង្គ្រាមដើម្បីបើកទំព័រថ្មីទាំងស្រុង។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: