កប៉ាល់ខ្មោចចំនួន ២៤ ក្នុងសម័យសង្គ្រាមលោកលើកទី ២ ស្រាប់​តែ​លេចឡើងពីបាតសមុទ្រនៅកោះ Iwo Jima ប្រទេសជប៉ុន

កប៉ាល់ខ្មោច ២៤ គ្រឿងរបស់ជប៉ុនដែលលិចក្នុងចម្បាំង Iwo Jima ស្រាប់តែលេចឡើងពីបាតសមុទ្របន្ទាប់ពី​រញ្ជួយ​​ភ្នំភ្លើង Suribachi កើតឡើង។ នេះជាភ្នំភ្លើងដែលមានគ្រោះថ្នាក់បំផុតក្នុងចំណោមភ្នំភ្លើងនៅប្រទេស​ជប៉ុន។

All Nippon News ជប៉ុនបានបង្ហាញពីទិដ្ឋភាពកប៉ាល់ដឹកជញ្ជូនដែលនៅសល់ចំនួន ២៤ ធ្លាប់ត្រូវបានកងទ័ពជើង​​ទឹក​អាមេរិក​វាយពន្លិចក្នុងសម័យក្រោយសង្គ្រាម។

ក្រោយមកបំណែកបាក់បែកកប៉ាល់ត្រូវកងទ័ពជើងទឹកអាមេរិកបញ្ជូនទៅភាគខាងលិចកោះ Iwo Jima ដើម្បីធ្វើជាកំពង់ផែ ព្រោះកោះមិនមានកំពង់ផែនៅសម័យនោះទេ។ កប៉ាល់ត្រូវគេចាត់ទុកដូចជាទំនប់ទប់រលក ដើម្បី​ការ​ពារ​​កប៉ាល់​​ដែល​ដឹក​ទាហាន និង​គ្រឿង​ផ្គត់ផ្គង់​សម្រាប់​កងទ័ព។

កោះដែលគេហៅឈ្មោះផ្សេងទៀតថា Brown Beach នៅលើផែនទីឈ្លានពានរបស់សហរដ្ឋអាមេរិក បានក្លាយជាមូលដ្ឋានទ័ពជើងទឹកសិប្បនិម្មិតគោល​បំណង​ជំនួយមូលដ្ឋានយោធាអាមេរិកបន្ទាប់ពីវាយប្រហារជប៉ុន។

ថ្មីៗនេះបាតសមុទ្រក្នុងតំបន់លេចឡើងដោយសារតែសកម្មភាពរញ្ជួយភ្នំ Suribachi ជាពិសេសនៅតំបន់ភាគខាង​លិច​កោះ។ ភ្នំ Suribachi ស្ថិតក្នុងចំណាត់ថ្នាក់ភ្នំភ្លើងទាំង ១០ ដែលគ្រោះថ្នាក់បំផុតនៅប្រទេសជប៉ុន។

នៅក្នុងបទសម្ភាសន៍ជាមួយ All Nippon News លោក Setsuya Nakada នាយកមជ្ឈមណ្ឌលជម្រុញ​ការ​ស្រាវជ្រាវ​ភ្នំភ្លើង​របស់​រដ្ឋាភិបាលបាននិយាយថា “តំបន់សមុទ្រដែលប្រែពណ៌បានរាលដាលដល់តំបន់នៅជុំវិញនោះ។ ទាំងនេះបង្ហាញ​ថា​សកម្មភាព​ភ្នំភ្លើង​មិនទាន់ថយ​ចុះ​ទេ អាច​នឹង​មាន​ការ​ផ្ទុះ​ដ៏​ធំ​មួយ​នៅ​កោះ Iwo Jima” ។

យោងតាមទិន្នន័យពីសាកលវិទ្យាល័យរដ្ឋ Oregon អាមេរិក យ៉ាងហោចណាស់ ១០ ករណីផ្ទុះនៅកោះ Iwo Jima ។ លើកចុងក្រោយកើតឡើងនៅឆ្នាំ ១៩៨២ ។

កាលពីខែសីហារូបភាពពីផ្កាយរណបចាប់បានពេលភ្នំភ្លើង Fukutoku-Okanoba ផ្ទុះក្រោមទឹក ដែលមានចម្ងាយ​ពី​កោះ Nam Iwo Jima ប្រហែល ៣ ម៉ាយនៅភាគខាងជើង។ លទ្ធផលកោះថ្មីមួយបានលេចឡើងនៅ Ogasawara ។

កាលពីដើមខែតុលាគ្រោះរញ្ជួយដីកម្រិត ៦,១ រុិចទ័រធ្វើអោយរញ្ជួយទីក្រុងតូក្យូ ទោះបីជាមិនប៉ះពាល់ដល់មនុស្ស ប៉ុន្តែក៏​បានធ្វើឱ្យចរាចរណ៍កកស្ទះផងដែរ។

ប្រទេសជប៉ុនស្ថិតនៅលើ “Ring of Fire” មហាសមុទ្រប៉ាស៊ីហ្វិក ជាកន្លែងដែលសកម្មភាពរញ្ជួយដីខ្លាំងលាតសន្ធឹងទូទាំងអាស៊ីអាគ្នេយ៍ និងប៉ាស៊ីហ្វិក។ ដូច្នេះ​ហើយ​បាន​ជា​ប្រទេស​នេះ​តែង​ជួប​គ្រោះ​មហន្តរាយ​ធម្មជាតិ។

នេះក៏​ជា​មូលហេតុ​ដែល​ជប៉ុន​ដាក់ចេញច្បាប់សាងសង់តឹងរ៉ឹង​ដើម្បី​ធានា​ថា​អគារ​អាច​ទប់ទល់​នឹង​រញ្ជួយដី​ខ្លាំង។

Yuki