មន្ទីរពេទ្យជប៉ុននៅ Kumamoto អាចនឹងអនុវត្តករណី “សម្រាលកូន​ដោយសម្ងាត់”

កាលពីថ្ងៃទី ២៩ ខែតុលា អ្នកតំណាងមន្ទីរពេទ្យ Jikei នៅទីក្រុង Kumamoto បានថ្លែងក្នុងសន្និសីទសារព័ត៌​មាន​ថា​ការពារស្ត្រីមានផ្ទៃពោះដែលចង់សម្រាលកូនតែលាក់ឈ្មោះ តាមរយៈកម្មវិធីដែលហៅថា 内密出産 (សម្រាលកូនដោយសម្ងាត់) ។ ទាក់ទិននឹងកម្មវិធីសម្រាលកូនដោយសម្ងាត់នេះ មិនទាន់ពិភាក្សាទៅលើយោបល់ “ពិបាកបដិសេធ​លទ្ធភាព​បំពានច្បាប់” ក្នុងស្រុក ភាគីមន្ទីរពេទ្យបានពន្យល់​ថានេះ​ជា​ស្ថានភាព​បន្ទាន់ “អាចនឹងក្លាយជា​ករណី​សម្រាលកូនសម្ងាត់ដំបូង” ហើយ​បានស្នើអោយ​រដ្ឋាភិបាល​មូលដ្ឋាន​ចាត់​វិធានការ​​បន្ទាន់​ដើម្បី​ឆ្លើយ​តប​ត្រឹម​ថ្ងៃ​ទី ១០ ខែ​វិច្ឆិកា។

ក្នុងរូបភាព៖ នាយកមន្ទីរពេទ្យ Ken Hasuda (ខាងឆ្វេង) ក្នុងសន្និសីទសារព័ត៌មាននាថ្ងៃទី ២៩ ខែតុលា នៅ Nishi-ku ទីក្រុង Kumamoto

ចាប់តាំងពីឆ្នាំ ២០០៧ មន្ទីរពេទ្យ Jikei ទទួលយកទារកពីម្តាយដែលលាក់ឈ្មោះ គ្មានលទ្ធភាពចិញ្ចឹមបីបាច់។ ដើម្បី​បន្តទទួលយកករណីសម្រាលកូននៅខាងក្រៅមន្ទីរពេទ្យក្នុងខែធ្នូ ឆ្នាំ ២០១៩ មន្ទីរពេទ្យបានណែនាំកម្មវិធី “សម្រាល​កូន​ដោយសម្ងាត់” ។ មុននោះភាគីមន្ទីរពេទ្យក៏ធ្លាប់​ឆ្លងកាត់សន្និសីទមួយ​ដើម្បី​ពិភាក្សា​ជាមួយទី​ក្រុង Kumamoto ប៉ុន្តែ​មិន​មាន​ការ​រីក​ចម្រើន​ឡើយ។ រហូត​មក​ដល់​ពេល​នេះ​មិន​ទាន់​មាន​ករណី “សម្រាលកូនដោយសម្ងាត់” ណាត្រូវបានអនុវត្តនោះទេ។

យោងតាមមន្ទីរពេទ្យ Jikei ការសម្រាលកូនដោយសម្ងាត់គឺជាប្រព័ន្ធផ្ទាល់របស់មន្ទីរពេទ្យ ក្នុងគោលបំណងការ​ពារ​ករណីទារកត្រូវគេបោះបង់ឬរំលូតកូន។ អាស្រ័យហេតុនេះម្តាយអាចលាក់ឈ្មោះពេលសម្រាល ជាមួយនឹងលក្ខខណ្ឌបង្ហាញអត្តសញ្ញាណរបស់ខ្លួនទៅកាន់ប្រធានគ្លីនិកទារកនៅមន្ទីរពេទ្យ។ កូនដែលកើតមកដល់អាយុអាចស្នើមន្ទីរអោយស្គាល់ឈ្មោះម្តាយ។ កម្មវិធីស្រដៀងគ្នានេះត្រូវបានណែនាំនៅប្រទេសអាឡឺម៉ង់ក្នុងឆ្នាំ ២០១៤ ។

នាយកមន្ទីរពេទ្យ Ken Hasuda បានអោយដឹងក្នុងសន្និសីទសារព័ត៌មានថាស្ត្រីក្នុងករណីនេះរស់នៅក្រៅទីក្រុង Kumamoto ហើយត្រូវបានមើលថែដោយមន្ទីរពេទ្យប្រហែលពីរសប្តាហ៍មុន ម្តាយចង់សម្រាលកូនតែមិនចង់អោយគ្រួសារ​ដឹង។ មន្ទីរពេទ្យ​បាន​បញ្ចុះបញ្ចូល​ស្ត្រី​រូប​នេះ​ឱ្យ​បង្ហាញ​អត្តសញ្ញាណ ប៉ុន្តែ​មិន​ចង់​បង្ខំនោះ​ទេ។

ក្នុងករណីនេះបញ្ហាស្ថិតលើការធ្វើសៀវភៅអត្រានុកូលដ្ឋានក៏ដូចជាការចិញ្ចឹមបីបាច់កុមារ ដូច្នេះលោកវេជ្ជបណ្ឌិត Hasuda បានស្នើអោយមានការឆ្លើយតបជាបន្ទាន់ពីអាជ្ញាធរក្នុងតំបន់តាមរយៈការពិភាក្សាជាមួយមន្ទីរពេទ្យ។

ក្រសួងយុត្តិធម៌ និងក្រសួងសុខាភិបាល ការងារ និងសុខុមាលភាពបានឆ្លើយតបនឹងសំណួររបស់ទីក្រុងស្តីពីករណីសម្រាលកូនដោយសម្ងាត់នៅខែកក្កដា ឆ្នាំ ២០០៨ ។ ក្រសួងយុត្តិធម៌បានអោយដឹងថា “ពិបាកឆ្លើយតប” ចំពោះការចាត់ចែងអត្រានុកូលដ្ឋានពេលទារកកើតមកមិនបានចុះបញ្ជី ចំណែកឯក្រសួងសុខាភិបាល ការងារ និងសុខុមាលភាពបានពន្យល់ថាឪពុកម្តាយមានសិទ្ធិដឹងពីប្រភពកំណើតកុមារ ដូច្នេះហើយត្រូវតែបង្ហាញអត្តសញ្ញាណ។ នៅខែសីហាឆ្នាំ ២០០៨ ភាគីទីក្រុងឆ្លើយតបនឹងមតិសាធារណៈជាតិដោយអំពាវនាវឱ្យកាត់បន្ថយសម្រាលកូនដោយសម្ងាត់។

ក្នុង​សន្និសីទ​សារព័ត៌មាន​នៅ​ថ្ងៃ​ទី​ ២៩ ក្រសួង​សុខាភិបាល ការងារ និង​សុខុមាលភាព​បាន​បញ្ជាក់​ថាជំហររបស់ពួក​​គេ​មិនផ្លាស់ប្តូរឡើយ។ អាជ្ញាធរមូលដ្ឋានក៏ស្នើអោយមន្ទីរពេទ្យ “ព្យាយាមបញ្ចុះបញ្ចូលស្ត្រីឱ្យបង្ហាញអត្តសញ្ញាណ” ទន្ទឹម​នឹងនេះសង្ឃឹមថាមន្ទីរពេទ្យប្រាប់ស្រ្តីជាម្តាយថាទីក្រុងអាចដោះស្រាយការពិគ្រោះយោបល់លាក់ឈ្មោះដោយគិតគូរពីភាពឯកជនក៏ដូចជាការគាំទ្រផ្នែកហិរញ្ញវត្ថុ។

Sacchan