Yūrei – Yōkai និង​អ្វី​ដែល​អ្នក​ប្រហែល​ជាមិនទាន់ដឹងអំពីប្រវត្តិខ្មោចជប៉ុន

ប្រសិនបើអ្នកចូលចិត្តវប្បធម៌ជប៉ុន ឬមើល Anime ដែលនិយាយពីអបិយជំនឿ អ្នកប្រហែលជាធ្លាប់ឮពាក្យ 幽霊 (Yūrei) និង 妖怪 (Yōkai) ។ តើពាក្យទាំងពីរនេះខុស​គ្នា​យ៉ាង​ណា​ មនុស្ស​ជា​ច្រើន​ប្រហែល​ជា​ឆ្លើយថា៖

• 幽霊 (Yūrei) គឺជាវិញ្ញាណរបស់អ្នកស្លាប់។
• 妖怪 (Yōkai) គឺជាបាតុភូតចម្លែក អត្ថិភាពដែលមិនធម្មតា។

ប៉ុន្តែប្រសិនបើស្វែងយល់ឲ្យកាន់តែច្បាស់ យើងនឹងមាននិយមន័យច្រើនផ្សេងទៀតទាក់ទង​នឹង​ពាក្យ​ទាំងពីរ​នេះ។

រូបភាព https://thegate12.com/

幽霊 (Yūrei)

រូបភាព Wiki

Yūrei អាចប្រែ​ថា​ព្រលឹង​ខ្មោចជាវិញ្ញាណរបស់អ្នកស្លាប់ដែលនៅមានកំហឹងនឹងពិភពលោក ដូច្នេះមិនអាចទៅចាប់​ជាតិ។ ប្រសិនបើស្តាប់តាម​បំណង​ប្រាថ្នា​របស់​ពួកគេ ហើយដោះស្រាយកំហឹង នោះ​ព្រលឹងអាចនឹងទៅចាប់ជាតិ។

妖怪 (Yōkai)

Yōkai ឬគេហៅថា 妖 (Ayakashi) ឬ 物の怪 (Mononoke) សំដៅទៅលើអត្ថិភាពដែលខុសពីធម្មជាតិ ខុសពីវិទ្យា​សាស្រ្តដែលហួសពីការ​បកស្រាយរបស់មនុស្ស។ ភាគច្រើន Yōkai ជាវត្ថុ សត្វ (មិនមែនមនុស្ស) ប្រែខ្លួននោះទេ ត្រឹម​បង្ហាញខ្លួនកន្លែងណាមួយ គំរាមកំហែងដល់មនុស្សគ្រប់គ្នាមិនបែងចែកនរណាម្នាក់ឡើយ។

រូបភាព Wiki

តាំងពីបុរាណមកគេជឿថា អ្វីៗទាំងអស់នៅក្នុងធម្មជាតិមានព្រលឹង។ ជំនឿនេះជួយមនុស្សឲ្យ​ពន្យល់ពីគ្រោះមហន្ត​រាយ​ធម្មជាតិ​ដែលមិនអាចពន្យល់បានដោយចំណេះដឹងសាមញ្ញ។

ដូច្នេះហើយ យើងមាននិយមន័យថ្មីក្នុងការបែងចែក Yūrei និង Yōkai ។

Yūrei ៖ បង្ហាញខ្លួនចំពោះមនុស្សណាមួយ អាចនឹងរលាយប្រសិនបើរំសាយកំហឹង។

Yōkai ៖ ត្រឹម​បង្ហាញខ្លួននៅកន្លែងណាមួយប៉ុណ្ណោះ បំភ័យមនុស្សគ្រប់គ្នាមិនបែងចែកឡើយ។

*** ចំណុចដែលអ្នកប្រហែលជាមិនទាន់ដឹងអំពីប្រវត្តិខ្មោចជប៉ុន

ហេតុអ្វីបានជាខ្មោចជប៉ុនគ្មានជើង?

ចំណុចដែលគួរអោយកត់សម្គាល់គឺថាខ្មោចជប៉ុនគ្មានជើង ទ្រឹស្ដីជាច្រើនបានពន្យល់ថា “ដោយសារតែផ្សែងចេញ​ពី​អាសនៈ ដូច្នេះជើងរៀងព្រិល” ឬ “ជើងត្រូវកាត់នៅនរក” ប៉ុន្តែការពន្យល់ដែលពេញនិយមបំផុតគឺទាក់ទងនឹងគំនូរខ្មោចរបស់ Maruyama Oukyo ។

រូបភាព http://チコちゃんに叱られる.com/6759.html/img-7541

Maruyama Oukyo ដែលជាវិចិត្រករនៅសម័យអេដូ ជាអ្នកត្រួសត្រាយរូបគំនូរខ្មោច “ខ្មោចដំបូង” ជាមួយនឹង​សក់​រញ៉េរញ៉ៃ មុខស្លេក ស្លៀកពាក់ពណ៌ស និងគ្មានជើង។ រូបភាពនេះបានក្លាយជាស្តង់ដារក្នុងការពណ៌នារូបភាពខ្មោចរបស់ជនជាតិជប៉ុនតាំងពីបុរាណកាលមក។

Yōkai និងទេវតាគឺជាផ្នែកទាំងសងខាង

គេគិតថា Yōkai ដំបូងបង្ហាញខ្លួននៅក្នុងសៀវភៅប្រវត្តិសាស្រ្ត “Kojiki” និង “Nihonshoki” ក្នុងសម័យ Nara ។ Yamata no Orochi (បិសាចក្នុងទម្រង់ពស់ធំមួយក្បាល) បង្ហាញខ្លួនអំឡុងពេលនោះត្រូវគេចាត់ទុកជា “ទេវតាដើរផ្លូវខុស” ហើយប្រែទៅជារូបរាងគួរឱ្យភ័យខ្លាច។ នៅកន្លែងជាច្រើន Yōkai ត្រូវគេគោរពបូជាដូចជាទេវតា។

Yōkai ទាំងបីរបស់ជប៉ុន

ជប៉ុនមាន Yōkai រាប់មិនអស់ ប៉ុន្តែពេលនិយាយពី 日本三代妖怪 (Yōkai ទាំងបីរបស់ជប៉ុន) ត្រូវរំលឹកដល់ 鬼 (Oni – អារក្ស), 河童 (Kappa) និង 天狗 (Tengu) ។

ក្រៅពី Yōkai កវែង (ដែលបង្ហាញខ្លួនកាលពីសម័យបុរាណ) ដូចជា Yōkai ទាំងបី មាន Zashikiwarashi (Yōkai ក្នុងទម្រង់ជាក្មេងស្រីសក់ខ្លីដែលតែងតែមើលឃើញនៅតាមផ្ទះបុរាណរបស់ជប៉ុន ប្រសិនបើនរណាម្នាក់មើលឃើញនឹងមានសំណាង) Rokurokubi (បិសាចកវែង) ក៏មាន Yōkai ដែលទើបតែបង្ហាញខ្លួនថ្មីៗនេះដូចជាខ្មោចបង្គន់ Hanako ឬ Kuchisakeonna (ខ្មោចរហែកមាត់) ។

មិនថាខ្មោច ឬបិសាចនោះទេ អត្ថិភាពនោះបានក្លាយទៅជាសម្បត្តិវប្បធម៌របស់ប្រជាជនជប៉ុន ដែលត្រូវបានបន្សល់ទុកក្នុងទម្រង់រឿងព្រេងនិទាន គំនូរ Anime ជាដើម មិនត្រឹមតែសម្រាប់បំភ័យប៉ុណ្ណោះទេ ថែមទាំងអាចទុកជាការកម្សាន្តផងដែរ។

ដរាបណាមនុស្សជាតិនៅតែជឿលើអាថ៌កំបាំងដែលមិនអាចពន្សល់ រឿងរ៉ាវនិយាយពី Yūrei និង Yōkai នឹងបន្ត ហើយកើតថ្មីជារៀងរហូត។

Sacchan