ការរចនាដំបូលផ្ទះដែលមានសំយ៉ាបបាំងជុំវិញបរិវេលាណសួន​ច្បារទាំង​មូល

ដំបូលផ្ទះមួយនេះមានទំហំធំសម្បើមជាមួយនឹងស៊ុមឈើសម្រាប់ទ្រទម្ងន់ ហើយកាត់បន្ថយខូចខាតដែលបណ្តាល​​មក​ពី​រញ្ជួយដី។

Imaise House នេះនៅក្នុងសង្កាត់ដែលមានប្រជាជនច្រើននៅ Ichinomiya ខេត្ត Aichi ប្រទេសជប៉ុន។ ចំណុច​លេចធ្លោនៃគម្រោងស្ថិត​លើ​សំយ៉ាបធំគ្របបាំងទីធ្លាសួនច្បារខាងក្រៅ។

គម្រោងនេះត្រូវបានរចនាឡើងដោយក្រុមស្ថាបត្យករ Tatsuya Kawamoto + Associates ដោយបំពេញតាមតម្រូវ​ការរបស់ម្ចាស់ផ្ទះទាំងធន់នឹងរញ្ជួយដី ទីធ្លាធំទូលាយ និងត្រជាក់ល្អ។

ជំនួសដោយការសាងសង់ដែលធន់នឹងរញ្ជួយដីតាមបែបបុរាណ ដោយបង្កើតបរិវេណសកម្មភាពផ្សេងៗបើក​ចំហផ្នែកខាងលើបន្ទប់ចល័ត Kawamoto បានបង្កើតវិធីសាស្រ្តថ្មីជាមួយនឹងស៊ុមឈើជាច្រើនដើម្បីទ្រដំបូល។

ស៊ុមនីមួយៗបន្ថែមទទឹងដីប្រហែល ៨ ម៉ែត្រដើម្បីពង្រីកផ្ទៃខាងក្រោមធំតាមដែលអាចធ្វើទៅបាន ប៉ុន្តែនៅតែធានាមុខងារទ្រទម្ងន់ ពង្រឹងភាពរឹងមាំ ជួយទ្រទ្រង់ផ្ទះពេលរញ្ជួយដីកើតឡើង។ ក្រុមអ្នករចនាទុកចន្លោះនៅលើដំបូលសម្រាប់ដើមឈើដុះ។

Imaise House ស្ថិតនៅជាន់ផ្ទាល់ដីដែលរួមមានកន្លែងទទួលភ្ញៀវ ផ្ទះបាយ និងកន្លែងទទួលទានអាហារដែលមើល​ទៅ​មាន​សំយ៉ាប។

បន្ទះឈើចំនួនប្រាំមួយនៅលើដំបូលត្រូវបានរៀបដាក់អោយស្មើគ្នានាំមកនូវអារម្មណ៍ស្របតាមស្ថាបត្យកម្ម។ វាំង​នន​ដែល​ភ្ជាប់​នឹង​ស៊ុម​ឈើ​សម្រាប់​បែង​ចែក​កន្លែង​ធ្វើលេង និងបរិវេណផ្សេងទៀត។

កន្លែងឯកជនស្ថិតនៅជាន់ខាងលើដែលរួមមានបន្ទប់ទឹក បន្ទប់គេងបែបបុរាណដែលមានក្រាលកន្ទេល Tatami ។ នៅក្នុងបន្ទប់មានបង្អួចបើកយកពន្លឺធម្មជាតិ ខណៈបង្កើតទំនាក់ទំនងដែលមើលឃើញជាមួយនឹងកន្លែងរស់នៅខាងក្រោម។

Imaise House បានបញ្ចប់ការសាងសង់នៅឆ្នាំ ២០២០ ដែលត្រូវបានចុះក្នុងបញ្ជីប្រភេទលំនៅដ្ឋានទីក្រុងនៃពាន​រង្វាន់ Dezeen ឆ្នាំ ២០២១ ។

AD