បុរសម្នាក់បង្ករបួស ដុតរថភ្លើងនៅយប់ប្រារព្ធពិធីបុណ្យ Halloween

នៅវេលាម៉ោងប្រហែល ៨ យប់ថ្ងៃទី ៣១ ខែតុលាដែលជាយប់ Halloween ករណីរងរបួស និងអគ្គីភ័យមួយបានកើត​ឡើងលើខ្សែរថភ្លើង Keio ទីក្រុងតូក្យូ។

បុគ្គលិកការិយាល័យម្នាក់អាយុ ២២ ឆ្នាំនៅ Chuo ទីក្រុងតូក្យូដែលមានវត្តមាននៅកន្លែងកើតហេតុនិយាយថា៖ “ខណៈពេលដែលរថភ្លើងកំពុងធ្វើដំណើរខ្ញុំឃើញមានមនុស្សជាច្រើនរត់សម្រុងពីខាងក្រោយ។ ស្មានតែជាការសម្តែង Halloween ប៉ុន្តែបន្ទាប់មកបុរសម្នាក់បានចូលទៅជិតបន្តិចម្តងៗ លើដៃកាន់វត្ថុមុតស្រួច។ ខ្ញុំផ្ទាល់ក៏រត់បាត់ដែរ ប៉ុន្តែក្រោយមកសម្រេចអង្គុយ​រង់ចាំ​បុរស​នោះ​ដើរឆ្លង​កាត់ ហើយរត់ពួននៅពីក្រោយរថភ្លើង។” គាត់និយាយទាំងទឹកមុខស្លេកស្លាំង។

តាមសម្តីរបស់បុរសដែលរៀបរាប់ជន​ដៃដល់ចាក់សារធាតុរាវរួចដុតទាំង​កៅអី និង​កម្រាល​ឥដ្ឋ​រថភ្លើង។

“វត្ថុមុតស្រួចដែលម្នាក់នោះកាន់មានប្រលាក់ឈាម ខ្ញុំមាន​អារម្មណ៍​អស្ចារ្យ​ណាស់​ដែលខ្លួននៅ​មាន​ជីវិត” ។

សាក្សី​ម្នាក់​ទៀតដែល​ជា​បុគ្គលិក​ការិយាល័យអាយុប្រហែល ៥០ ឆ្នាំនៅ Chofu ទីក្រុង​តូក្យូមានវត្តមាននៅស្ថានីយ៍រថភ្លើង Kokuryo ខណៈពេល​កើតហេតុ​បាន​និយាយ​ថា៖

“ពេលកំពុងរង់ចាំរថភ្លើង Shinjuku មកដល់ ក្រឡេកមើលតាមបង្អួចរថភ្លើង ខ្ញុំឃើញមនុស្សជាច្រើនកំពុងភ័យស្លន់ស្លោ។ ពេលខ្ញុំមិនទាន់ដឹងថាមានរឿងអ្វីកើតឡើងផងនោះស្រាប់តែឮសម្លេងស្រែកខ្លាំង បន្ទាប់​មក​រថភ្លើង​ក៏​ឆាប​ឆេះ” ។

បន្ទាប់មកប៉ូលីសបានចាប់ខ្លួនជនសង្ស័យឈ្មោះ Kyota Hattori អាយុ ២៤ ឆ្នាំពេលបង្កហេតុ​ពាក់អាវពណ៌ស្វាយ។ នាយកដ្ឋានស៊ើបអង្កេតបានអោយដឹងជនសង្ស័យសារភាពថា “ខ្ញុំចង់សម្លាប់មនុស្សលើសពីពីរនាក់ដើម្បីទទួលទោសប្រហារជីវិត” ។ អាវុធត្រូវបានបញ្ជាក់ជាកាំបិត​ដែលមាន​ទទឹង​ប្រហែល​ ៣០ ​សង់ទីម៉ែត្រ។

យោងតាមការស៊ើបអង្កេតទី ១ របស់នាយកដ្ឋានប៉ូលីសក្រុង និងនាយកដ្ឋានពន្លត់អគ្គីភ័យទីក្រុងតូក្យូ មនុស្សចំនួន ១៧ នាក់ទាំងបុរស និងស្ត្រីដែលមានអាយុចន្លោះពី ១០ ទៅ ៧០ ឆ្នាំរងរបួស និងត្រូវដឹកជញ្ជូនទៅកាន់មន្ទីរពេទ្យ។ ក្នុង​នោះ​មានលោកតា​ម្នាក់​អាយុ​ប្រហែល ​៧០​ឆ្នាំ​ត្រូវចាក់សន្លប់។

រូបភាព https://www.yomiuri.co.jp/

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: