ដំណឺងរកឃើញប្រាក់ចំនួន ២,៨៦ លានយ៉េននៅឯមជ្ឈមណ្ឌលកែច្នៃ

អាជ្ញាធរទីក្រុង Tsu ខេត្ត Mie ស្ថិតនៅភូមិភាគកណ្តាលប្រទេសជប៉ុនបានប្រកាសរកឃើញប្រាក់សរុបចំនួន ២,៨៦ លាន​យ៉េន ដែលប្រមូលបានពីសំរាមតាមផ្ទះនៅឯមជ្ឈមណ្ឌលកែច្នៃ និងកែច្នៃសំរាមក្នុងក្រុង។

ចំនួនប្រាក់នេះត្រូវបានគេរកឃើញ​នៅ​វេលាម៉ោង​ប្រហែល ​១១ៈ២០ នាទី​ព្រឹក​ថ្ងៃ​ទី​ ២៧ តុលា ខណៈពេលកំពុង​បែង​ចែក​សំណល់​​ដែក​​លើ​​ឧបករណ៍​បញ្ជូន (conveyor belt) ។

ចំណុចគួរកត់សម្គាល់ប្រាក់ដែលរកឃើញក្នុងទម្រង់ជាក្រដាសប្រាក់ ១ ម៉ឺនយ៉េន គ្មានស្រោមសំបុត្រឬវត្ថុទុកដាក់ឡើយ។

ធុងសំរាមផ្ទុកប្រាក់​ត្រូវ​បាន​បញ្ជូន​ទៅ​មជ្ឈមណ្ឌល​ប្រហែលថ្ងៃទី ២៦ ខែ​តុលាឬ​លឿនជាងនេះ។ កាកសំណល់ដែលមិន​​ឆេះ​មានដូចជាលោហធាតុ និងដបជ័រដែលប្រមូលបាន ហើយបន្ទាប់មកនាំយកទៅកន្លែងនានាក្នុងទីក្រុង ដូច្នេះមិនអាចដឹងច្បាស់ទីតាំង និងពេលវេលាប្រមូលបានប្រាក់នោះទេ។ បច្ចុប្បន្នអាជ្ញាធរទីក្រុង Tsu កំពុងស៊ើបអង្កេតថាតើនៅមានប្រាក់ផ្សេងទៀតត្រូវគេចោលក្នុងធុងសំរាមនៅកណ្តាលទីក្រុងដែរទេ?

នៅមជ្ឈមណ្ឌលកែច្នៃសំណល់ប្រាក់ពីរបីពាន់យ៉េនឬតិចជាងនេះតែងតែត្រូវគេរកឃើញពីរបីដងក្នុងមួយឆ្នាំ ប៉ុន្តែនេះជាលើកដំបូងដែលពួកគេបានរកឃើញចំនួនប្រាក់ច្រើនបែបនេះ។

អាជ្ញាធរទីក្រុង Tsu បានផ្ទេរចំនួនប្រាក់នេះទៅស្ថានីយ៍ប៉ូលីស Tsu ក្នុងទម្រង់វត្ថុដែលបាត់បង់ ដើម្បីឱ្យកម្លាំងមុខ​ងារ​បន្ត​ចាត់​ចែង។

ប្រសិនបើក្រោយរយៈពេល ៣ ខែម្ចាស់ប្រាក់ ២,៨៦ លានយ៉េននេះមិនមកទទួលវិញទេ យើងនឹងប្រមូលដាក់ក្នុងមូល​និធិ​ទីក្រុង។

Japo Cambodia