ក្លាហានប្រឈមនឹងបញ្ហា “តារាសម្តែងរឿងមនុស្សធំវះកាត់ដើមទ្រូងដោយ​សារ​ជំងឺ​មហារីក”

តើអ្នកស្គាល់នារីម្នាក់នេះទេ? នាងមានឈ្មោះថា Marica Hase ។ នៅឆ្នាំ ២០០៧ Marica បង្ហាញខ្លួនក្នុងនាមជាតា​រា​ឈុត​ហែលទឹក ដែលមានជំនាញថតរូបប៊ីគីនីសិចស៊ីសម្រាប់ទស្សនាវដ្ដី ឬកម្រងរូបភាព។

រូបភាព https://bunshun.jp/articles/-/10965

នៅឆ្នាំ ២០០៩ នាងចូលប្រឡូកក្នុងវិស័យភាពយន្តមនុស្សធំ ហើយកាន់តែល្បីឈ្មោះនៅជប៉ុន។ រហូតដល់ឆ្នាំ ២០១២ នាងម្នាក់ឯងទៅនៅសហរដ្ឋ​អាមេរិក​ដោយមិនពឹងលើជំនួយរបស់នរណាម្នាក់ឡើយ ពេលនោះភាសាអង់គ្លេសមួយមាត់ក៏នាងមិនដឹងដែរ។

ដោយការសម្រេចចិត្តក្លាហាន Marica ល្បីឈ្មោះមិនត្រឹមតែនៅសហរដ្ឋអាមេរិកប៉ុណ្ណោះទេ សូម្បីតែតារាសម្តែងភាព​​យន្តមនុស្សធំលើពិភពលោកក៏ស្គាល់នាងដែរ។ ទោះជាយ៉ាងណា ផ្លូវទៅកាន់ភាពជោគជ័យរបស់នាងត្រូវឆ្លងកាត់បញ្ហាជាច្រើន។

ពេលទៅដល់សហរដ្ឋអាមេរិកបាន ៦ ឆ្នាំ Marica ប្រទះឃើញដុំសាច់នៅលើទ្រូង ហើយត្រូវវះកាត់យកដុំសាច់ចេញ។ ក្រោយមកគ្រូពេទ្យរកឃើញថានោះមិនត្រឹម​តែជាដុំសាច់ធម្មតាប៉ុណ្ណោះទេ ប៉ុន្តែបានវិវត្តទៅជាជំងឺកាចសាហាវគឺមហារីក​សុដន់។ ដើម្បី​ជៀស​វាង​​ឆ្លង​រាលដាលទៅផ្នែក​ផ្សេង នាង​សម្រេច​ចិត្តវះកាត់យកសុដន់​ទាំង​ពីរ​ចេញ។

បន្ទាប់ពីទទួលយកការពិតនេះ Marica ចាប់ផ្តើមគិតពីអ្វីដែលនាងចង់ធ្វើបំផុតបន្ទាប់ពីវះកាត់បានជោគជ័យ។ លទ្ធផល​នាង​ប្រាថ្នា​ចង់ត្រឡប់​ទៅរក​អាជីព​សម្តែង​វិញ​។

Marica ពិចារណា “តើខ្ញុំត្រូវធ្វើយ៉ាងណាទើបអាចត្រឡប់ទៅសម្តែងវិញ?”

បន្ទាប់ពីនាងវះកាត់យកសុដន់ទាំងពីរចេញ នាងក៏សម្រេចចិត្តត្រូវយករូបរាងដើមវិញ។ នៅពេលដែលជីវិតមានភាពច្របូកច្របល់ មនុស្សម្នាក់ៗប្រាថ្នារឿងជាច្រើន ប៉ុន្តែពេលប្រឈមនឹងជំងឺកាចសាហាវ អ្វីដែលពួកគេចង់បាន​មានតែក្តីសង្ឃឹមចង់រស់ប៉ុណ្ណោះ។ នាង​ចង់​រស់​ដើម្បី​បន្ត​បង្ហាញខ្លួន​នៅ​មុខ​កាមេរ៉ា និង​លះបង់​ខ្លួន​ដើម្បី​សិល្បៈ​។ នោះហើយជាអ្វីដែលជំរុញឲ្យ Marica ទទួលយកការវះកាត់កាលពីខែមីនា ឆ្នាំ ២០១៩ ។ ការវះកាត់បណ្តាល​ឲ្យរាងកាយរងផលប៉ះពាល់ធ្ងន់ធ្ងរ ដូច្នេះហើយនាងមិនអាចត្រឡប់ទៅធ្វើការវិញភ្លាមៗបានទេ។

ក្រោយមកទៀតត្រូវធ្វើការវះកាត់កែដើមទ្រូង លើកដំបូងរូបរាងដើមទ្រូងរបស់ Marica ត្រូវបានធ្វើឡើងវិញ ប៉ុន្តែលទ្ធផលមើលទៅមិនទាន់ដូចពិត។ ដើម្បីធ្វើអោយដើមទ្រូងដូចដើម​វិញ Marica ត្រូវ​ធ្វើ​ការ​វះ​កាត់ផ្សេងទៀត។

ច្រើនខែបន្ទាប់ពីការវះកាត់ Marica ត្រូវដាក់បំពង់មួយចូលរាងកាយដើម្បីបង្ហូរទឹករងៃចេញពីទ្រូង។ ជាការពិតពេល​នោះនាងមើលទៅមិនមានភាពទាក់ទាញដូចមុនទេ។ គ្មានឈុតគេង ឬឈុត​ប៊ីគីនីណាមួយធ្វើអោយនាង​មាន​​ទំនុក​​ចិត្ត​ជាងឡើយ។

ដោយត្រូវស៊ូទ្រាំនឹងការឈឺចាប់បន្ទាប់ពីការវះកាត់ បញ្ហានេះកាន់តែធ្វើអោយនាងក្រៀមក្រំ។ ដូច្នេះ Marica បង្កើត​គំនិតធ្វើអ្វីម្យ៉ាងដើម្បីជួយស្ត្រីដែលមានស្ថានភាពដូចនាងនៅលើពិភពលោក។

ក្នុងនាមជាតួសម្តែងភាពយន្តមនុស្សធំដែលសំណាងអាក្រក់មានជំងឺមហារីក ហើយត្រូវវះកាត់យកសុដន់ទាំងពីរចេញ Marica ចង់ថតរូបដើម្បីជម្រុញទឹកចិត្តមនុស្សស្រីដូចខ្លួន។ តាមរយៈរូបថតអ្នកទស្សនាមិនត្រឹមតែអាចមើល​ឃើញ​ពី​ភាពទាក់ទាញប៉ុណ្ណោះទេ ថែមទាំងបង្ហាញពីភាពក្លាហាន និងស្មារតីរឹងមាំរបស់តារាស្រីដែលខូចចិត្តចំពោះរូបរាងខាងក្រៅ។

ចាប់តាំងពីពេលនោះមក Marica ក៏សង្ឃឹមថាអាចត្រឡប់ទៅធ្វើការនៅមុខកាមេរ៉ាវិញ។

ម្យ៉ាងវិញទៀត Marica ថែមទាំងត្រូវអ្នកប្រើបណ្តាញអុីនធឺណេតជេរប្រមាថ និងរិះគន់។ អ្នកខ្លះថែមទាំងនិយាយ​ថា “នេះជាលទ្ធផលសម្រាប់ប្រភេទមនុស្សដែលធ្វើការដូចជានាង” ។

ទោះជាយ៉ាងណាក៏ដោយនារីម្នាក់នេះមិនចុះចាញ់នឹងការលំបាកនោះទេ។

ការរើសអើងចំពោះមនុស្សស្រីដែលធ្វើការក្នុងវិស័យនេះជៀសមិនផុតទេ ពីព្រោះសម្រាប់មនុស្សរាល់គ្នា​វា​ផ្ទុយ​នឹង​សីលធម៌របស់ពួកគេ។

“ខ្ញុំ​មិន​មែន​ជា​ស្រី​ស្អាត​ទេ ហើយ​ក៏​មិន​មាន​សមិទ្ធផល​ធំក្នុង​ជីវិត​ដែរ។ ប៉ុន្តែប្រសិនបើអ្នកសួរខ្ញុំថា៖ តើកម្លាំងរបស់អ្នកជាអ្វី? ខ្ញុំនឹងឆ្លើយថាកម្លាំងរបស់ខ្ញុំគឺភាពក្លាហានប្រឈមនឹងបញ្ហា ហើយខិតខំប្រឹងប្រែងអស់ពីសមត្ថភាព” ។

ដោយឆ្លងកាត់ការរើសអើងចំពោះវិស័យមនុស្សធំ Marica ផ្តល់ភាពក្លាហាន និងទំនុកចិត្តដល់ស្ត្រីជុំវិញពិភព​លោក។ បច្ចុប្បន្ន Marica កំពុងថតភាពយន្តឯកសារនិយាយពីជីវិតរបស់នាង។

យកឈ្នះលើការរើសអើងរបស់មនុស្ស Marica បានបន្តដំណើរទៅមុខជានិច្ចលើផ្លូវរបស់ខ្លួន។ ខ្ញុំជឿថារឿងរបស់​នាងមិនត្រឹមតែបំផុសគំនិតដល់អ្នកជំងឺមហារីកសុដន់ប៉ុណ្ណោះទេ រួមទាំងស្រ្តី និងបុរសផងដែរ។

Kengo Abe