គំនិត​រចនាសណ្ឋាគារពិសេសសម្រាប់អ្នកដែលស្រមៃចង់បើកយន្តហោះ និងរថភ្លើង

នៅប្រទេសជប៉ុនប៉ុន្មានសប្តាហ៍ចុងក្រោយនេះចំនួនអ្នកឆ្លងថយចុះគួរឱ្យកត់សម្គាល់ ចំពោះបទប្បញ្ញត្តិក៏ត្រូវបាន​បន្ធូរបន្ថយផងដែរ។ នេះជាពេលដែលអ្នករាល់គ្នាចាប់ផ្តើមរៀបគម្រោងធ្វើដំណើរដែលធ្លាប់ត្រូវពន្យារដោយសារជំងឺ​រាតត្បាតកូវីដ ១៩ ។ ជប៉ុន​ក៏​ត្រៀម​បើក​ទទួល​ភ្ញៀវ​ទេសចរណ៍បរទេស​វិញដែរ។

បើ​និយាយ​ពី​វិស័យ​ទេសចរណ៍ជប៉ុន​ជា​ប្រទេស​ដែល​ពោរពេញ​ទៅ​ដោយ​សេវាកម្ម “ប្លែកៗ” ។ ក្នុងអត្តបទនេះ JAPO នឹងណែនាំដល់អ្នកសណ្ឋាគារពីរដែលគួរអោយចាប់អារម្មណ៍បំផុតសម្រាប់អ្នកដែលមានចំណាប់អារម្មណ៍ចំពោះមុខ​របរ “បើកបរ” តោះសូមសង្កេតមើលទាំងអស់គ្នា។

សណ្ឋាគារដែលយកគំរូបតាមរថភ្លើង

នេះគឺជាសណ្ឋាគារ Asakusa Tobu ដែលស្ថិតនៅ Asakusa ជាគោលដៅទេសចរណ៍ដ៏ល្បីនៃទីក្រុងតូក្យូ។ បន្ទប់​សណ្ឋាគារ​​នេះ​ត្រូវ​បាន​រចនា​​ដូចបរិយាកាសកាប៊ីនរថភ្លើងដំបូង ដូច្នេះពេលនៅក្នុងបន្ទប់អ្នកនឹងមានអារម្មណ៍ដូច​ខ្លួនជា​អ្នក​បើក​រថភ្លើង។

មូលហេតុដែលសណ្ឋាគារបង្កើតគំនិតប្លែកនេះដោយសារតែប្រតិបត្តិករសណ្ឋាគារ សាជីវកម្ម Tobu ក៏កំពុងដំណើរការក្រុមហ៊ុនផ្លូវដែកដែលមាន​ឈ្មោះ​ថា Tobu Railway ។ ដូច្នេះគ្រឿងសង្ហារិម និងវត្ថុតុបតែងក្នុងបន្ទប់ត្រូវបានជ្រើស​រើស​យ៉ាងយកចិត្តទុកដាក់បំផុត ធ្វើយ៉ាងណាអោយមានលក្ខណៈថ្លៃថ្នូរ ហើយត្រូវនឹង concept ផងដែរ។

រូបភាព https://www.tobuhotel.co.jp/asakusa/cms/おすすめ/9764

នៅក្នុងបន្ទប់អ្នកនឹងឃើញមានរបស់ប្លែកៗជាច្រើនដែលមិនធ្លាប់ឃើញក្នុងបន្ទប់សណ្ឋាគារផ្សេងទៀតដូចជាផ្លាកសញ្ញាស្ថានីយ៍ ផ្លាកសញ្ញាចរាចរណ៍ និងផែនទីខ្សែរថភ្លើងជាដើម។ គ្រប់យ៉ាងត្រូវបានធ្វើឡើងដូចជាពិត ប្រសិន​បើអ្នកចូលចិត្តរថភ្លើង អ្នកប្រហែលជារំភើបខ្លាំងរហូតដល់ដេកមិនលក់។

ទោះជាយ៉ាងណាអ្វីដែលពិសេសបំផុតក្នុងបន្ទប់គឺ…

ក្នុងរូបភាពគ្រឿងបរិក្ខារបង្ហាញយ៉ាងច្បាស់ប្រព័ន្ធគ្រប់គ្រងរបស់អ្នកបើកបររថភ្លើងដែលមានជំនាញ។ តួលេខដែល​បង្ហាញលើអេក្រង់តែងតែប្រែប្រួលដូចជាប្រព័ន្ធកំពុងដំណើរការ។ ប្រសិនបើអ្នកមិនចូលចិត្តរថភ្លើង អ្នកប្រហែល​ជាយល់ថាឧបករណ៍នេះគ្មានអ្វីគួរអោយចាប់អារម្មណ៍ទេ។ ប៉ុន្តែប្រសិនបើអ្នកចូលចិត្តរថភ្លើង អ្នកប្រាកដជារំភើប​ពេញ​មួយ​យប់។

បន្ទប់សណ្ឋាគារដែលយកគំរូតាមកាប៊ីនយន្តហោះ

រូបភាព https://www.tokyuhotels.co.jp/haneda-e/information/201907cockpitroom/index.html

សណ្ឋាគារ Haneda Excel Tokyu ស្ថិតនៅអាកាសយានដ្ឋានអន្តរជាតិតូក្យូ។ បន្ទប់​សណ្ឋាគារ​នេះ​ត្រូវ​បាន​រចនា​ឡើងដូចកាប៊ីន​យន្តហោះ​ប្រភេទ Boeing 737-800 ។ ក្នុងនាមជាអ្នកចូលចិត្តយន្តហោះ ខ្ញុំមានអារម្មណ៍រំភើបយ៉ាងខ្លាំងនៅពេលមើលឃើញបន្ទប់នេះ។

ដូចដែលខ្ញុំបាននិយាយប្រសិនបើអ្នកមិនចូលចិត្តររថភ្លើងឬយន្តហោះទេ ប្រហែលជាអ្នកនឹងឃើញបន្ទប់ទាំងពីរនេះចម្លែក​បន្តិចហើយ។ ផ្ទុយទៅវិញប្រសិនបើអ្នកចូលចិត្តប្រហែលអាចចំណាយពេលនៅក្នុងបន្ទប់ពេញមួយថ្ងៃស្វែងយល់​ពីឧបករណ៍ប្លែកៗទាំងអស់នេះ។

ខ្ញុំផ្ទាល់ពិតជាចង់សាកបើកយន្តហោះខ្លាំងណាស់! តើនរណាខ្លះចូលចិត្តបើកយន្តហោះ?

Kengo Abe