តើអ្នកដឹងទេថាវាលខ្សាច់តែមួយគត់របស់ជប៉ុនស្ថិតនៅឯណា?

នៅប្រទេសជប៉ុនសម្បូរទៅដោយព្រៃឈើ ហើយក៏តែងតែមានភ្លៀងដែរ។ ទេសភាពធម្មជាតិនៅជប៉ុនមានតម្លៃជា​សកល ភាគច្រើនជនបរទេសដែលទៅលេងជប៉ុនមានបំណងចង់ផ្សងព្រេងក្នុងព្រៃ។

ប៉ុន្តែអ្វីដែលគួរអោយភ្ញាក់ផ្អើលនៅប្រទេសជប៉ុនក៏មានវាលខ្សាច់ផងដែរ។

ឥឡូវនេះសូមសាកល្បងធ្វើកម្រងសំណួរជាមួយ JAPO ទាំងអស់គ្នា។ នៅប្រទេសជប៉ុនទីតាំងខាងក្រោមនេះ តើកន្លែង​ណាមានវាលខ្សាច់?

១. Hokkaido

២. Tokyo

៣. Tottori

៤. Kagoshima

៥. Okinawa

ទីនោះអាចជាកន្លែងដ៏ធំដូចជាហុកកៃដែរទេ? ឬកោះដែលនៅភាគខាងត្បូងជាមួយនឹងអាកាសធាតុត្រូពិចដូច​អូគីណាវ៉ា? ប្រហែលជាអ្នកជ្រើសយកតូតូរីព្រោះអ្នកប្រាកដជាធ្លាប់ឮឬឃើញរឿងនេះពីមុន។ ទោះជាយ៉ាង​ណា … ចម្លើយត្រឹមត្រូវគឺតូក្យូ (JAPO នឹងពន្យល់ពី “វាលខ្សាច់” នៅតូតូរីពេលក្រោយ) ។

នេះជាកន្លែងតែមួយគត់ដែលគេហៅថា “វាលខ្សាច់” នៅលើផែនទីវិទ្យាស្ថានស្ទាបស្ទង់ភូមិសាស្ត្រ (ទីភ្នាក់ងារគ្រប់គ្រងផែនទីជប៉ុន) ។

ពិតណាស់វាលខ្សាច់ដែលខ្ញុំកំពុងនិយាយមិនមែនជាតំបន់ទំនើបដែលមានបេតុង និងផ្លូវក្រាលកៅស៊ូគ្រប់កន្លែង​នោះ​ទេ។ តំបន់ដែលត្រូវបានសម្គាល់ជាវាលខ្សាច់មានរូបភាពដូចខាងក្រោម។

រូបភាព https://tripnote.jp/izu-shoto/place-urasabaku-observatory/photo/32509

កន្លែងក្នុងរូបភាពនេះគេហៅថាវាលខ្សាច់ Ura នៅខាងក្រោយកោះ Izu – Oshima ។ ពិភពលោកចាត់ទុកតូក្យូជា​ទីក្រុង​ដែលមានមនុស្សអ៊ូអរ តាមពិតមនុស្សប៉ុន្មានអ្នកដឹងថាតូក្យូក៏គ្រប់គ្រងកោះ Izu នៅភាគខាងត្បូងដី​គោក​រួម​ទាំង​​កោះ Izu – Oshima កោះមានចម្ងាយពីទីក្រុង ១២០ គីឡូម៉ែត្រខាងត្បូង។ នៅលើកោះមានភ្នំភ្លើងមួយដែលមាន​ឈ្មោះ​ថា Mihara ជាតំបន់ការពារពិសេស ថ្វីត្បិតតែមិនអនុញ្ញាតអោយបើកបរ ប៉ុន្តែអ្នកអាចដើរឆ្លងកាត់។

ដោយសារបន្ទុះជាច្រើនដង ម៉ាក់ម៉ានៃភ្នំ Mihara បានដុតបំផ្លាញផ្ទៃដី និងរុក្ខជាតិក្នុងតំបន់នោះ។ យូរៗទៅផ្ទាំង​ឆេះ​ខ្មៅ​រាលដាលកាន់តែធំធ្វើអោយនៅជុំវិញទីនេះមើលទៅដូចផ្ទៃព្រះច័ន្ទឬភពអង្គារ។

ទន្ទឹមនឹងនេះពេលនិយាយពីតូតូរីអ្នករាល់គ្នាប្រាកដជាគិតស្រមៃទៅដល់ទិដ្ឋភាព “វាលខ្សាច់” ។ ការចងចាំរបស់អ្នកត្រូវហើយ កន្លែងនោះស្ថិតនៅខេត្ត Shimae ជាប់នឹងខេត្ត Tottori ហើយឈ្មោះតំបន់នេះគឺ “ផ្នូកខ្សាច់តូតូរី” ។ ត្រូវ​ហើយ​កន្លែង​នេះមិនមែនវាលខ្សាច់ទេ គ្រាន់តែជាផ្នូកខ្សាច់ប៉ុណ្ណោះ។

ដើម្បីទទួលបានការទទួលស្គាល់ជាវាលខ្សាច់ត្រូវមានកត្តាដូចខាងក្រោម៖

  • បរិមាណភ្លៀងប្រចាំឆ្នាំពី ២៥០ មីលីម៉ែត្រចុះក្រោម
  • តំបន់ដែលគ្របដណ្តប់ដោយខ្សាច់ និងថ្ម
  • តំបន់ដែលមានបរិមាណហួតច្រើនជាងទឹកភ្លៀង

បរិមាណទឹកភ្លៀងប្រចាំឆ្នាំនៅផ្នូកខ្សាច់តូតូរីគឺ ២០០០ មីលីម៉ែត្រឬច្រើនជាងនេះ ច្រើនជាងអ្វីដែលអ្នកគិតមែន​ទេ? ដូច្នេះប្រសិនបើអ្នកមកដល់ទីនេះ ហើយសាកល្បងជីកខ្សាច់មួយចំនួន អ្នកនឹងឃើញថាផ្នែកខាងក្នុងខ្សាច់​សើមបន្តិច។ កន្លែងនេះមើលទៅដូចជា “វាលខ្សាច់” តែមិនមែនទេ។

ទន្ទឹមនឹងនេះជារៀងរាល់ ៣០ ឆ្នាំម្តងភ្នំភ្លើង Mihara នឹងផ្ទុះឡើងម្តង ដូច្នេះរុក្ខជាតិដែលទើបតែមានជីវិតស្រាប់​តែ​ត្រូវបំផ្លាញដោយសារបន្ទុះភ្នំភ្លើង។

ប្រសិនបើអ្នកចង់ទៅមើលកន្លែងមួយដែលប្លែកអាចទៅកាន់ Izu-Oshima ។ ចំណាយពេលត្រឹម ១ ម៉ោង ៤៥ នាទី​​ជិះទូកអ្នកនឹងមានឱកាសដើរកម្សាន្តនៅទីក្រុងតូក្យូ។

ក្រៅពីវាលខ្សាច់ស្ងួត Izu-Oshima ក៏មានសមុទ្រដ៏ស្រស់ស្អាត ដូច្នេះកុំបារម្ភថាអ្នកគ្មានកន្លែង check-in រូបថតស្អាត​​អោយ​​សោះ។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: