ការរុះរើអគាររបស់ប្រជាជនជប៉ុនពីលើចុះក្រោមគ្មានសម្លេងរំខាន ធូលី និងរំញ័រឡើយ

ទន្ទឹមនឹងការអភិវឌ្ឍរបស់ទីក្រុងក្នុងនោះត្រូវនិយាយពីអគារខ្ពស់កប់ពពក អាផាតមិន ការិយាល័យ ឬសណ្ឋាគារលំដាប់ខ្ពស់។

ការសាងសង់អគារខ្ពស់ៗមានភាពស្មុគស្មាញណាស់ទៅហើយ ប៉ុន្តែចំពោះការរុះរើកាន់តែមានភាពស្មុគស្មាញ។ ក្នុងខ្សែភាពយន្តអ្នកតែងតែមើលឃើញគេប្រើគ្រឿងផ្ទុះ ឬរថយន្តស្ទូចដើម្បីវាយបំផ្លាញ ប៉ុន្តែនៅប្រទេសជប៉ុនការរុះរើត្រូវ​បានធ្វើឡើងដោយស្ងៀមស្ងាត់។

ពេលខ្លះរចនាប័ទ្មការងាររបស់ប្រជាជនជប៉ុនមើលទៅមិនសមហេតុ​ផលដូចនេះ។ ជាទូទៅអ្នកមិនអាចរំខានអ្នកដទៃទេ ក្នុងកំឡុងពេលសាងសង់ពួកគេត្រូវដាក់ផ្ទាំងបាំងការពារជុំវិញការដ្ឋានដើម្បីការពារធូលី និងសម្លេងរំ​ខាន។ 

ការសាងសង់ដោយគ្មានសម្លេងអាចធ្វើទៅបាន ប៉ុន្តែតើការរុះរើធ្វើយ៉ាងណាមិនមានសម្លេងរំខាន?

តោះចូរយើងស្វែងយល់ពីរបៀបដែលជនជាតិជប៉ុនរុះរើសណ្ឋាគារ Prince Hotel Akasaka ។

សណ្ឋាគារ Prince Hotel Akasaka បើកសម្ភោធនៅឆ្នាំ ១៩៨២ មានរាងប្លែកពីគេ។ បន្ទប់ទាំងអស់ស្ថិតនៅជ្រុង ប្រសិនបើបន្ទប់ស្ថិតនៅជ្រុងណាមួយ ចំនួនបង្អួចនឹងកើនឡើង ដូច្នេះចំពោះបរិយាកាសបន្ទប់មើលទៅភ្លឺ។

នៅសម័យនោះគូស្នេហ៍នាំគ្នាចូលសណ្ឋាគារក្នុងឳកាសបុណ្យណូអែលគឺល្អបំផុត។ ហើយ​នៅ​ពេល​ដែល​ចូល​បាន​ម្តងអ្នក​នឹង​ចង់​ទិញ​បន្ទប់​នៅ​ទីនោះ​ភ្លាម។

អង្គភាពដែលទទួលខុសត្រូវលើគម្រោងនេះគឺសាជីវកម្ម Taisei ការរុះរើត្រូវបានធ្វើឡើងដោយប្រព័ន្ធថ្មី។ ប្រព័ន្ធនេះ​មិន​ធ្វើ​អោយនៅជុំវិញប៉ះពាល់ដោយធូលី សម្លេងរំខាន និងរំញ័រឡើយ។

សូមក្រឡេកមើលដំណើរការរុះរើតាមរយៈរូបភាពខាងក្រោម។

ជាដំបូងម៉ាសុីនស្ទូចត្រូវបានតំឡើងនៅលើដំបូលអាគារ ចំណែកអគារទាំងមូលមានផ្ទាំងបាំងការពារ។

មួយរយៈពេលក្រោយមក តើអ្នកឃើញទេថាអគារនេះកាន់តែទាបទៅៗ។

ដោយប្រើវិធីនេះអគារត្រូវបានបង្រួមតូចរហូតដល់ការរុះរើត្រូវបានបញ្ចប់។

នេះជារបៀបធ្វើរបស់ពួកគេ។

ជាដំបូងពិដានអាគារត្រូវបានញែកចេញ ហើយលើកឡើង ជាន់ទីមួយផ្នែកខាងលើត្រូវបានរុះរើ។ ក្រោយ​មក​ទម្លាក់​​ពិដាន​ដែល​លើកឡើងចុះ បន្ទាប់មកទៀតរុះរើជាន់បន្ទាប់ នោះហើយជាមូលហេតុដែលអ្នកឃើញអាគារកាន់​តែទាប​ទៅៗ។

ប្រសិនបើអ្នកចង់មើលរូបភាពអោយកាន់តែច្បាស់ជាងនេះ អ្នកអាចមើលវីដេអូខាងក្រោម។

នៅបណ្តាប្រទេសផ្សេងទៀត ខ្ញុំគិតថាមនុស្សជាច្រើនទម្លាប់នឹងសម្លេងរំខាននៅការដ្ឋានសំណង់ ប្រហែលជាអ្នក​សាង​សង់ក៏គិតថាវាគ្រាន់តែជាសំលេងរំខានបណ្តោះអាសន្ន ដូច្នេះគ្មានអ្វីត្រូវព្រួយបារម្ភឡើយ។ ទោះជាយ៉ាងណានោះ​មិនមែនជារចនាប័ទ្មការងាររបស់ប្រជាជនជប៉ុននោះទេ។

ប្រទេសដែលចម្លែក ប៉ុន្តែគួរឱ្យចាប់អារម្មណ៍ណាស់មែនទេ?

Kengo Abe