ប្រភពដើមបទចម្រៀង Tokyo Ondo

Tokyo Ondo គឺជាចម្រៀងដែលស្ទើរតែជនជាតិជប៉ុនទាំងអស់ចេះច្រៀង។ នេះគឺជាអត្ថបទចម្រៀង៖

ប្រសិនបើអ្នកចង់រាំ តោះរាំ Ondo!

Tokyo Ondo! អស្ចារ្យណាស់!

នៅកណ្តាលទីក្រុងមានផ្ការាប់ពាន់ នៅកណ្តាលទីក្រុងមានផ្ការាប់ពាន់!

ពិតជាអស្ចារ្យណាស់ អស្ចារ្យណាស់ អស្ចារ្យណាស់!

នៅរដូវក្តៅល្ងាចត្រជាក់ប្រជាជនទូទាំងប្រទេសជប៉ុននាំគ្នារាំ Bon Odori ។ ក្រៅពីនេះបទចម្រៀងក៏ត្រូវបានអ្នកគាំទ្រច្រៀងលើកទឹកចិត្តក្រុមបេស្បល Yakult Swallows នៅពហុកីឡដ្ឋាន Jingu នៃទីក្រុងតូក្យូដែរ។ នេះជាចម្រៀង​ដែលមានលក្ខណៈជប៉ុន មិនត្រឹម​តែប៉ុណ្ណឹងខ្ញុំមានអារម្មណ៍​ថា​បទ​ចម្រៀង​នេះមានវេទមន្តស្រូបយកកម្លាំង។

មិនមែនមានតែខ្ញុំនោះទេ អ្នកដែលមានអាយុប្រហាក់ប្រហែលខ្ញុំ រាល់ពេលស្តាប់បទនេះនឹងសញ្ជឹងគិតថា “រដូវក្តៅមកដល់ហើយ!!!” បន្ទាប់មកអារម្មណ៍ចង់ផឹកស្រា។

បទចម្រៀងនេះនិពន្ធនៅឆ្នាំ ១៩៣២ ហើយគេដាក់ឈ្មោះថា “Marunouchi Ondo” ។ បន្ទាប់ពីរងការខូចខាតយ៉ាង​ធ្ងន់ធ្ងរដោយសាររញ្ជួយដីនៅ Kanto ទីក្រុងតូក្យូបានបញ្ចូលទីក្រុង ក្រុង និងភូមិនានាអោយក្លាយទៅជាទីក្រុង​ធំទី ២ នៅលើពិភពលោក។ បទចម្រៀងនេះត្រូវបាននិពន្ធសម្រាប់ពិធីបុណ្យ Bon Odori ដែលប្រារព្ធធ្វើឡើង​នៅក្នុងទីក្រុង ដើម្បីនាំមកនូវជីវិត និងរំដោះវិបត្តិសេដ្ឋកិច្ច។

ដើម្បីរីករាយនឹងបទចម្រៀងនេះនាំគ្នារាំឥតឈប់ជាមួយតន្ត្រីដែលនឹងធ្វើឱ្យអ្នកមានអារម្មណ៍ធូរស្រាលនៅរាត្រីរដូវ​ក្តៅ។

ថ្មីៗនេះដោយសារតែស្ថានភាពជំងឺរាតត្បាត ប្រជាជនមិនអាចនាំគ្នារាំ Tokyo Ondo បានទេ ដូច្នេះយើងរៀបចំពិធីរាំជាមួយ Seika Sensei, Noa Eikawa និងអ្នកទាំងអស់គ្នា។

អ្នកអាចទៅកាន់ទីក្រុងតូក្យូនៅរដូវក្តៅឆ្នាំក្រោយដើម្បីចូលរួមពិធីបុណ្យ។

Kengo Abe