ប្រមុខគណបក្សប្រជាធិបតេយ្យសេរីជប៉ុនអាចនឹងក្លាយជានាយករដ្ឋមន្ត្រី​ថ្មីជំនួសលោក Yoshihide Suga

អតីតរដ្ឋមន្ត្រីការបរទេសជប៉ុនលោក Fumio Kishida បានយកឈ្នះការបោះឆ្នោតថ្នាក់ដឹកនាំគណបក្សកាន់អំណាច​ដែលធ្វើឡើងនៅវេលាម៉ោង ១៣ រសៀលម្សិលមិញ (ម៉ោងនៅតូក្យូ) ដោយហេតុនេះនឹងក្លាយជានាយករដ្ឋមន្ត្រី​ជប៉ុន​បន្ទាប់។

កាលពីថ្ងៃទី ២៩ គណបក្សប្រជាធិបតេយ្យសេរីនិយមបានជ្រើសរើសអតីតរដ្ឋមន្រ្តីការបរទេសលោក Fumio Kishida (អាយុ ៦៤ ឆ្នាំ) ធ្វើជាអ្នកដឹក​នាំ​គណបក្សទី ២៧ បន្ទាប់ពីបានប្រកាសលទ្ធផលរាប់សន្លឹកឆ្នោតចុងក្រោយ លើសរដ្ឋមន្ត្រីទទួលបន្ទុកកំណែទម្រង់រដ្ឋបាល។

អាណត្តិដឹកនាំរបស់គណបក្សរយៈពេល ៣ ឆ្នាំរហូតដល់ចុងខែកញ្ញាឆ្នាំ ២០២៤ ។ លោកត្រូវបានគេរំពឹងថានឹងបង្កើត​គណៈ​រដ្ឋមន្ត្រីថ្មី និងប្តូរតំណែងក្រុមប្រឹក្សាប្រតិបត្តិ LDP នាដើមខែតុលា។

នៅក្នុងសម័យប្រជុំរដ្ឋសភាដែលត្រូវកោះហៅថ្ងៃទី ៤ ខែតុលាខាងមុខនេះ លោក Fumio Kishida នឹងត្រូវបានតែង​តាំង​ជានាយករដ្ឋមន្ត្រីទី ១០០ ជំនួសលោក Yoshihide Suga ដែលជាអតីតនាយករដ្ឋមន្ត្រីជប៉ុនបានប្រកាសលាលែងពីតំណែង។ លោក Fumio Kishida ស្ទើរតែនឹងក្លាយជានាយករដ្ឋមន្ត្រីថ្មីរបស់ជប៉ុនដោយសម្ព័ន្ធភាពកាន់អំណាចកំពុងទទួលបានអាសនៈភាគច្រើនក្នុងសភាតំណាងរាស្រ្ត។

នៅក្នុងសុន្ទរកថាទទួលយកតំណែងរបស់ខ្លួន លោក Kishida បានប្រកាសថានឹងដឹកនាំគណបក្សប្រជាធិបតេយ្យសេរីនិយមនៅក្នុងការបោះ​ឆ្នោត​សកល​ដែលនឹងប្រព្រឹត្តទៅក្នុងរយៈពេលប៉ុន្មានសប្តាហ៍ខាងមុខនេះ (ថ្ងៃទី ២៨ ខែវិច្ឆិកា) ខណៈបន្តប្រយុទ្ធប្រឆាំងនឹងជំងឺរាតត្បាតកូវីដ ១៩ ដែលកំពុងធ្វើឱ្យប៉ះពាល់ដល់សេដ្ឋកិច្ចជប៉ុន។

ជ័យជម្នះរបស់លោក Kishida ទំនងជាមិនបណ្តាលឱ្យមានការផ្លាស់ប្តូរធំក្នុងគោលនយោបាយរបស់ជប៉ុនចំពោះ​ចិន​នោះ​ទេ។ ម្យ៉ាងវិញទៀតលោក Kishida បានចែករំលែកតម្រូវការពង្រឹងសមត្ថភាពការពារជាតិរបស់ជប៉ុន ពង្រឹង​ទំនាក់​ទំនង​សន្តិសុខ​ជាមួយសហរដ្ឋអាមេរិក និងដៃគូផ្សេងទៀត រួមទាំងក្រុម QUAD របស់ជប៉ុន សហរដ្ឋ​អាមេរិក អូស្ត្រាលី និងឥណ្ឌា ខណៈនោះរក្សាទំនាក់ទំនងសេដ្ឋកិច្ចសំខាន់ជាមួយចិន និងរៀបចំកិច្ចប្រជុំកំពូលជាប្រចាំ។ ជាពិសេសលោក Kishida ចង់ពង្រឹងកងកម្លាំងការពារសមុទ្រជប៉ុន ហើយគាំទ្រការអនុម័ត​សេចក្តី​សម្រេច​ថ្កោលទោសអាកប្បកិរិយារបស់ចិនចំពោះសមាជិកជនជាតិភាគតិច Uyghurs ។ លោកចង់តែង​តាំង​ជំនួយ​​​ការនាយករដ្ឋមន្រ្តីដើម្បីត្រួតពិនិត្យស្ថានភាពសិទ្ធិមនុស្សរបស់ពួកគេ។

លោក Kishida សង្កត់ធ្ងន់លើតម្រូវការចែកចាយទ្រព្យសម្បត្តិអោយសមាជិកគ្រួសារ ផ្ទុយនឹងគោលនយោបាយ “Abenomics” របស់​លោក Abe លើ​ការ​លើកកម្ពស់ប្រាក់ចំណេញរបស់សាជីវកម្ម។

Sacchan