ត្រីបាឡែនប្រវែង ១០ ម៉ែត្រដ៏កម្រមួយក្បាលជាប់គាំងនៅមុខក្បាលកប៉ាល់ដឹកប្រេងជប៉ុន

ថ្មីៗនេះសាកសពត្រីបាឡែនមួយក្បាលមានប្រវែង ១០ ម៉ែត្រ ដែលជាប្រភេទត្រីបាឡែនជិតផុតពូជត្រូវគេរកឃើញក្នុងស្ថានភាពជាប់គាំងមុខក្បាលកប៉ាល់ដឹកប្រេងពេលចតនៅកំពង់ផែជប៉ុន។

រូបភាពគួរឱ្យរន្ធត់បង្ហាញអោយឃើញថាត្រីបាឡែនដ៏ធំមួយក្បាលជាប់មុខក្បាលកប៉ាល់ដឹកប្រេងនៅកំពង់ផែ Mizushima ទីក្រុង Kurashiki ប្រទេស​ជប៉ុន។

រូបភាព https://newsfounded.com/

កងកម្លាំងការពារសមុទ្រជប៉ុនបានទៅដល់កំពង់ផែបន្ទាប់ពីអ្នកស្រុកមើលឃើញត្រីបាឡែនងាប់។

កាសែតជប៉ុន Yomiuri បានរាយការណ៍ថាកប៉ាល់ដឹកប្រេងឆ្លងកាត់មហាសមុទ្រប៉ាស៊ីហ្វិកឆ្ពោះទៅកំពង់ផែ Mizushima ។ ក្រុមនាវិកនិយាយថាពួកគេមិនដឹងថាបុកបាឡែននោះទេ។

អ្នកនេសាទក្នុងស្រុកម្នាក់ដែលមើលឃើញទិដ្ឋភាពត្រីបាឡែនជាប់មុខក្បាលកប៉ាល់ដឹកប្រេងបាននិយាយថា “ខ្ញុំនេសាទត្រីនៅទីនេះរាប់សប់ឆ្នាំមកហើយ ប៉ុន្តែនេះជាលើកដំបូងដែលខ្ញុំបានឃើញត្រីបាឡែន” ។

អ្នកផ្សេងទៀតនិយាយថា “ខ្ញុំរស់ជាង ៨០ ឆ្នាំមកហើយ ប៉ុន្តែនេះជាលើកដំបូងដែលខ្ញុំបានឃើញត្រីបាឡែននៅកំពង់​ផែ” ។

អ្នកនាំពាក្យប៉ូលីសការពារសមុទ្រជប៉ុននៅ Mizushima បាននិយាយថាពួកគេមិនដែលជួបប្រទះហេតុការណ៍បែប​នេះ​ទេ ហើយកំពុងស៊ើបអង្កេតរកមូលហេតុ។

យោងតាម Yomiuri ត្រីបាឡែនដែលងាប់ជាប្រភេទត្រីដែលជិតផុតពូជ។ ត្រីបាឡែនជិត ៧៥ ម៉ឺនក្បាលត្រូវគេចាប់​បាននៅអឌ្ឍគោល​ខាង​ត្បូងពីឆ្នាំ ១៩០៤ ដល់ឆ្នាំ ១៩៧៩ ដោយនៅសល់តែប្រមាណ ១០ ម៉ឺនក្បាលប៉ុណ្ណោះនៅទូទាំង​ពិភព​លោក។

គណៈកម្មការត្រីបាឡែនអន្តរជាតិ (IWC) បានចេញបំរាមហាមឃាត់ការនេសាទត្រីបាឡែនក្នុងគោលបំណងពាណិជ្ជកម្ម។ ប៉ុន្តែជារៀងរាល់ឆ្នាំ Iceland និងជប៉ុននៅតែបន្តនេសាទត្រីបាឡែន។

នេះជាត្រីបាឡែនវែងជាងគេទី ២ នៅលើផែនដី បន្ទាប់ពីត្រីបាឡែនពណ៌ខៀវ អាចលូតលាស់រហូតដល់ប្រវែង ២៧,៣ ម៉ែត្រ និងទម្ងន់ ៧៤ តោន។

yuki