ជប៉ុនសាកល្បងមនុស្សយន្តលក់កាហ្វេនៅស្ថានីយ៍តូក្យូ និង Yokohama

JR East បានប្រកាសនៅថ្ងៃទី ៩ ខែកញ្ញាឆ្នាំ ២០២១ ថាខ្លួននឹងដាក់អោយដំណើរការប្រព័ន្ធមនុស្សយន្តដែលបម្រើកាហ្វេ ២០០ កែវដល់អ្នកដំណើរនៅស្ថានីយ៍តូក្យូ និង Yokohama ចាប់ពីខែធ្នូឆ្នាំ ២០២១ តទៅ។

រូបភាព https://www.timeout.com/

នៅក្នុងការសាកល្បងនេះក្រុមហ៊ុន JR East ប្រើប្រាស់មនុស្សយន្ត Ella ដែលបង្កើតឡើងដោយក្រុមហ៊ុនបច្ចេក​វិទ្យា Crown Technologies Holding Pte Ltd. របស់សិង្ហបុរី។ មនុស្សយន្ត Ella ដំណើរការតាមរយៈការបញ្ជាទិញ និងស្វ័យ​ប្រវត្តិ ដោយទូទាត់មិនប្រើសាច់ប្រាក់។

មនុស្សយន្ត Ella អាចបម្រើកាហ្វេបានជាង ២០០ ប្រភេទក្នុងមួយម៉ោង ក្រុមហ៊ុនបានអោយដឹងបន្ថែមថាមនុស្សយន្ត Ella ចេះលាយកាហ្វេជាង ២០០ ប្រភេទខុសៗគ្នាដែលរួមមាន Americanos, latte ជាដើម។ អតិថិជនអាចប្រើប្រាស់កម្មវិធី និងកាតរថភ្លើងដើម្បីទូទាត់ថ្លៃភេសជ្ជៈ។

តាមរយៈការប្រើប្រាស់ AI ដើម្បីវិភាគចំណង់ចំណូលចិត្តរបស់អតិថិជន ក្រុមហ៊ុន JR East សង្ឃឹមថាគំរូសាកល្បងនៅស្ថានីយ៍រថភ្លើងដែលមមាញឹកនៅតូក្យូ និង Yokohama នឹងទទួលបានជោគជ័យ។

ក្រុមហ៊ុនកំពុងផ្លាស់ប្តូរសេវាកម្មកាហ្វេទៅតាមតម្រូវការរបស់អតិថិជនដែលមកញឹកញាប់ លើសពីនេះ JR East មាន​គម្រោង​ផ្តល់កញ្ចប់សេវាកម្មកាហ្វេដល់អ្នកប្រើប្រាស់ IC Card ។

នៅមិនទាន់មានព័ត៌មានបញ្ជាក់ពីកាលបរិច្ឆេទដំឡើងកន្លែងលក់កាហ្វេនៅឡើយទេ ដូច្នេះសូមរង់ចាំរហូតដល់​ខែ​ធ្នូ។

Yuki