រឿងដែលមិនគួរឱ្យជឿនៃគ្រួសាររាជវង្សជប៉ុននិយាយពីរាជបុត្រមួយអង្គសុីសាច់មិត្តល្អ

ជាមនុស្សតែសុីសាច់គ្នាឯងជារឿងដ៏គួរឲ្យ​រន្ធត់ ហើយមិនអាចលើកលែងបានឡើយ។ ទោះជាយ៉ាងណាក៏ដោយ នៅក្នុង​ប្រវត្តិសាស្ត្រ​បណ្តាប្រទេស បញ្ហានេះតែងតែកើតឡើង។ ប្រទេសមួយចំនួនចាត់ទុកសាច់មនុស្សជាអាហារលំដាប់​​ខ្ពស់ រីឯប្រទេសខ្លះបង្ខំចិត្តស៊ីសាច់មនុស្សព្រោះអត់ឃ្លាន។

ជប៉ុនមិនមានវប្បធម៌សុីសាច់មនុស្សនោះទេ ប៉ុន្តែក្នុងកំឡុងពេលគ្រោះទុរ្ភិក្ស ពួកគេត្រូវបង្ខំចិត្តធ្វើដូច្នេះដើម្បី​រស់។

ទោះជាយ៉ាងណា រឿងដែលខ្ញុំចង់និយាយនៅក្នុងអត្ថបទនេះខុសគ្នាទាំងស្រុង។ រឿងនេះនិយាយអំពីគ្រួសាររាជវង្ស។

Ashihara គឺជាកូនប្រុសរបស់ស្តេច Yamakuma ហើយជាចៅប្រុសរបស់អធិរាជ Tenmu ។ គ្មាននរណាម្នាក់ដឹងពីប្រវត្តិ​របស់ម្តាយគាត់ទេ។ ឆ្នាំកំណើតរបស់ Ashihara ក៏មិនច្បាស់ដែរ ឪពុកគាត់ស្លាប់ឆ្នាំ ៧២៣ ដូច្នេះគាត់អាចនឹង​កើត​មុន​ពេល​នោះ។

តាំងពីកំណើត Ashihara មានចរិតឆេវឆាវ សាហាវ។ រហូតដល់អាយុគាត់ចាប់ផ្តើមផឹកស្រា ប្រើអំពើ​ហឹង្សា។

ក្នុងនាមជារាជបុត្រ Ashihara អាចធ្វើរឿងគ្រប់យ៉ាងដែលខ្លួនចូលចិត្តដោយមិនខ្លាចពីផលប៉ះពាល់។ ឪពុករបស់​គាត់​មាន​កូន​ច្រើន ដែលម្នាក់ៗមានម្តាយផ្សេងគ្នា។

ព្រោះតែមិនដឹងថាម្តាយជានរណាធ្វើឲ្យ​ Ashihara មានឋានៈទាប។ ជាការពិតណាស់ ឱកាសស្នងមរតកក៏ស្ទើរតែគ្មាន​ដែរ។

ជាក់ស្តែងអ្នកស្នងមរតកប្រាកដជាអ្នកដែលទទួលបានក្តីស្រលាញ់ជាងគេ មនុស្សដូចជា Ashihara កម្រទទួលបាន​ការ​យក​ចិត្ត​ទុកដាក់ណាស់។

Ashihara ពិតជាគួរឲ្យ​អាណិត ប៉ុន្តែទង្វើខុសឆ្គងរបស់ Ashihara ធ្វើឲ្យ​យើងពិបាកទទួលយកណាស់។

នៅឆ្នាំ ៧៦១ Ashihara ផឹកស្រាហើយលេងល្បែងជាមួយមិត្តម្នាក់ឈ្មោះ Mitsukai Nomaro ។ ពេលពួកគេទាំងពីរកំពុងជជែកគ្នាយ៉ាងសប្បាយរីករាយនោះ Ashihara ស្រាប់តែផ្ទុះកំហឹងយ៉ាងខ្លាំង។

លទ្ធផល Ashihara សម្លាប់មិត្តភក្តិរបស់ខ្លួន។ សម្លាប់មនុស្សជារឿងគួរឲ្យ​ញញើតណាស់ទៅហើយ ប៉ុន្តែទង្វើបន្ទាប់​មក​របស់​លោក​កាន់តែឆ្កួតទៅទៀត។

Ashihara ចាប់ផ្តើមកាត់សាច់ភ្លៅរបស់ Mitsukai ដោយយកទ្រូងរបស់អ្នកស្លាប់ធ្វើជាជ្រុញកាប់សាច់ បន្ទាប់មកបន្ថែមគ្រឿងហើយចម្អិនជាម្ហូប។

រូបភាពខាងក្រោមនេះជាម្ហូបដែលមានឈ្មោះថា Yukke ធ្វើពីសាច់គោនៅភោជនីយដ្ឋាន Yakiniku ។ ម្ហូបនេះពេញ​និយម​យ៉ាងខ្លាំងក្នុងសង្គមជប៉ុន។

ប្រហែលជាអាហារដែល Ashihara ធ្វើក៏ស្រដៀងគ្នា។ Ashihara ទទួលទានអាហារផងផឹកស្រាផង។ បន្ទាប់ពីបរិភោគ​រួច Ashihara ដេកលក់នៅក្បែរសាកសព។ អ្នកដំណើរឆ្លងកាត់មើលឃើញមានការភ្ញាក់ផ្អើលយ៉ាងខ្លាំង។

មន្រ្តីមកចាប់ខ្លួន Ashibara មានអារម្មណ៍ថាឆ្គងព្រោះគាត់ជាសមាជិកគ្រួសាររាជវង្ស។ នៅទីបំផុតគាត់ត្រូវដកហូតឋានៈរាជវង្សហើយនិរទេសខ្លួនទៅដល់កោះមួយ។

ព្រោះតែកំហឹងបាត់បង់ភាពម្ចាស់ការសម្លាប់មនុស្ស និងធ្វើឲ្យ​គាត់មានអារម្មណ៍ភ័យខ្លាចចំពោះខ្លួនឯង ប៉ុន្តែ Ashihara បែរជាអាចសុីសាច់មិត្តល្អ បន្ទាប់មកគេងលក់នៅក្បែរនោះ។

ប្រហែលជាមានរឿងមិនគួរឲ្យ​ជឿជាច្រើនទៀតក្នុងប្រវត្តិសាស្ត្រជប៉ុន។ ដោយខ្ញុំផ្ទាល់ជាជនជាតិជប៉ុនក៏មិនចង់​ជឿដែរ។

Kengo Abe