ករណីគ្រោះថ្នាក់ដល់ជីវិត ប៉ុន្តែជាប់ពន្ធនាគារតែ ៥ ឆ្នាំព្រោះធ្លាប់ជាមន្រ្តីជាន់ខ្ពស់

កាលពីខែមេសាឆ្នាំ ២០១៩ គ្រោះថ្នាក់ចរាចរណ៍មួយបានកើតឡើងនៅ Ikebukuro ដែលជាផ្លូវថ្មើរជើងនៃទីក្រុង​តូក្យូ។ គ្រោះថ្នាក់នេះបានបណ្តាលអោយមនុស្ស ៩ នាក់រងរបួសធ្ងន់ ធ្វើអោយស្រ្តីឈ្មោះ Matsunaga អាយុ ៣១ ឆ្នាំមកពី Okinawa និងក្មេងអាយុ ៣ ឆ្នាំម្នាក់ស្លាប់។ ប៉ុន្តែឥរិយាបថដែលប៉ូលីសធ្វើចំពោះឧក្រិដ្ឋជនរូបនេះពិតជាចម្លែក រឿងនេះបានបង្កជាការពិភាក្សាយ៉ាងច្រើន។

អ្នកដែលបង្កគ្រោះថ្នាក់នេះគឺលោក Kozo Iizuka អាយុ ៨៩ ឆ្នាំ។

រូបភាព https://www.tokyo-np.co.jp/article/100570

នៅថ្ងៃគ្រោះថ្នាក់គាត់យឺតពេលធ្វើដំណើរទៅភោជនីយដ្ឋានបារាំងដែលមានការកក់ទុកមុន។ គាត់បើកឡានក្នុងល្បឿន​ជាង ៩០ គីឡូ​ម៉ែត្រ​ក្នុងមួយម៉ោង វេរចង្កូត ហើយបើកឆ្លងកាត់ម៉ូតូ និងរថយន្តជាច្រើន។

សូម្បីតែពេលជិះឡើងចិញ្ចើមផ្លូវគាត់នៅតែមិនបន្ថយល្បឿន ហើយបុកមនុស្សជាច្រើន។

គ្រោះថ្នាក់ចរាចរណ៍នេះធ្ងន់ធ្ងរណាស់ ប៉ុន្តែប៉ូលីសមិនបានចាប់ខ្លួនគាត់ទេ គ្រាន់តែបញ្ជូនឯកសារទៅព្រះរាជអាជ្ញា​​ហើយប្រមូលប្រាក់ពិន័យ។

តាមពិតលោក Izuka ជាអតីតមន្រ្តីក្រសួងពាណិជ្ជកម្មអន្តរជាតិ និងឧស្សាហកម្ម។ ព្រោះតែជា “ពលរដ្ឋថ្នាក់ខ្ពស់” គាត់បានរួចផុតពីការចោទប្រកាន់។ រឿងនេះធ្វើអោយមនុស្សជាច្រើនមិនពេញចិត្ត បង្កឧប្បត្តិហេតុធ្ងន់បែបនេះហើយលោក Izuka នៅតែមានភាពស្ងៀមស្ងាត់ទាំងស្រុង។ ប៉ូលីសនិយាយថាគ្មានរឿងបំផ្លាញភស្តុតាងនោះទេ ប៉ុន្តែប្រជាជននៅទូទាំងប្រទេសជប៉ុនមិនជឿ។

លើសពីនេះលោក Izuka ក៏បានប្រកែកដែរថារថយន្តបង្កើនល្បឿនដោយស្វ័យប្រវត្តិ ហើយអះអាងថាគាត់មិនមាន​​កំហុស​អ្វី​ឡើយ។

ក្រុមហ៊ុន Toyota មានការអាក់អន់ចិត្តយ៉ាងខ្លាំងចំពោះប្រសាសន៍នេះ ហើយរៀបចំត្រួតពិនិត្យរថយន្តឡើងវិញ។ ក្រុមហ៊ុនមិនបានរកឃើញភាពមិនប្រក្រតីណាមួយក្នុងរថយន្តទាល់តែសោះ ដូច្នេះសម្តីការពាររបស់លោក Izuka មិនគួរអោយជឿទេ។

ទោះជាយ៉ាងនេះក្តីលោក Izuka នៅតែរឹងរូសចំពោះប្រសាសន៍របស់ខ្លួន ហើយមិនបានសុំទោសអ្វីឡើយ។

លោក Matsunaga ជនរងគ្រោះដែលបាត់បង់ប្រពន្ធ និងកូនស្រី ស្នើសុំអោយសុំទោស ប៉ុន្តែមិនទទួលបានអ្វីឡើយ។

រូបភាព https://news.livedoor.com/article/detail/18181003/

ក្នុងអំឡុងពេលស៊ើបអង្កេតករណីគ្រោះថ្នាក់ ពាក្យដោះសាររបស់លោក Izuka មិនស្របនឹងភស្តុតាងណាមួយទាល់​តែ​សោះ។ ខ្លួនគាត់ផ្ទាល់បានបង្កើនល្បឿន និងបាត់បង់ការគ្រប់គ្រង។

“តើពលរដ្ឋជាន់ខ្ពស់មិនចាំបាច់ជាប់គុកទេឬ?”

សំណួរនេះត្រូវបានចែករំលែកទូទាំងប្រទេសជប៉ុន ប្រជាជនបានប្រមូលហត្ថលេខាចំនួន ៣៩០,០០០ ដោយអំពាវ​នាវ​ឱ្យ​មាន​ការដាក់ទណ្ឌកម្មលោក Izuka ។ 

នៅទីបំផុតតុលាការបានផ្តន្ទាទោសគាត់ដាក់ពន្ធនាគារ ៥ ឆ្នាំ។

បើកលឿនដោយសារភាពអាត្មានិយម បណ្តាលអោយមនុស្ស ២ នាក់ស្លាប់ និងរបួស ៩ នាក់ ប៉ុន្តែទទួលទោសជាប់ពន្ធនាគារតែ ៥ ឆ្នាំ ជាការពិតទណ្ឌកម្មនេះស្រាលពេកហើយ។ នៅលើបណ្តាញអុីនធឺណេតសុទ្ធតែគិតថាមកពីគាត់ជា “ពលរដ្ឋថ្នាក់ខ្ពស់” ទើបទទួលទោសស្រាលដូចនេះ។

ទោះបីអ្នកបើកបរដោយប្រុងប្រយ័ត្នក៏អាចបង្កគ្រោះថ្នាក់ដែរ។ លើសពីនេះលោក Izuka ថែមទាំងធ្វើអោយមនុស្សស្លាប់។ អ្នកដែលទទួលការសុំទោសក៏មិនអាចរស់ឡើងវិញ ប៉ុន្តែនេះជាទង្វើដឹងខុស។

ចៅក្រមស៊ើបសួរបានអានការកាត់ទោសអស់រយៈពេលមួយម៉ោង ដោយសម្លេងយ៉ាងច្បាស់គាត់និយាយទៅកាន់ចុងចោទថា៖

“កំហុសរបស់លោកច្បាស់ណាស់។ ប្រសិនបើលោកយល់ស្របនឹងសេចក្តីសម្រេចរបស់តុលាការ សូមផ្ញើការសុំទោសទៅ​កាន់​សមាជិក​គ្រួសារជនរងគ្រោះ” ។

ពេលនោះលោក Izuka គ្រាន់តែអោនក្បាល ហើយងក់ក្បាលបន្តិចប៉ុណ្ណោះ។

នៅប្រទេសជប៉ុនពលរដ្ឋទាំងអស់គួរតែមានភាពស្មើគ្នា។ ជាក់ស្តែងប្រជាពលរដ្ឋត្រូវបានបែងចែកជា “ថ្នាក់ខ្ពស់” និង “ថ្នាក់ទាប” ។ ប្រជាជនជប៉ុនខកចិត្តយ៉ាងខ្លាំងចំពោះរដ្ឋាភិបាលអំពីរឿងនេះ។

បន្ទាប់ពីត្រូវបានដោះលែងលោក Izuka នឹងមានអាយុ ៩៥ ឆ្នាំ។ ចំពោះការដាក់ទណ្ឌកម្មនេះ ខ្ញុំគ្រាន់តែសង្ឃឹម​ថាមិនមានគ្រោះថ្នាក់ចរាចរណ៍កើតឡើងដោយសារតែការបើកបរលើសល្បឿនកំណត់ ជាពិសេសពិរុទ្ធជនជា “ពលរដ្ឋថ្នាក់ខ្ពស់” ។

Kengo Abe