បុរសជនជាតិជប៉ុនម្នាក់លួចខោទ្រនាប់ជាង ៧០០ ឈុតនៅ​ហាង​បោកគក់

នៅជប៉ុនយកសំលៀកបំពាក់ទៅបោកគក់នៅហាង coin laundry (コインランドリー) ជារឿងធម្មតា។ ហាងខ្លះមាន​ម៉ាស៊ីន​បោក​គក់ និងម៉ាស៊ីនសម្ងួតសម្រាប់ស្បែកជើងប៉ាតាផងដែរ។

អ្នកគ្រាន់តែយកសាប៊ូបោកសម្លៀកបំពាក់ និងប្រាក់កាក់ បន្ទាប់មកធ្វើតាមការណែនាំនៅលើម៉ាស៊ីនបោកគក់ ពិតជាងាយណាស់។ ទោះជាយ៉ាងណាការបោកគក់ខាងក្រៅក៏មានគុណវិបត្តិម្យ៉ាងដែរ អាចបាត់សម្លៀកបំពាក់ប្រសិន​បើអ្នកមិនប្រយ័ត្ន។

ដោយឆ្លៀតឳកាសមនុស្សមួយចំនួនធ្វេសប្រហែស បុរសម្នាក់នៅទីក្រុង Beppu ខេត្ត Oita លួចយកខោអាវទ្រ​នាប់​របស់​ស្ត្រី​ពីហាងយ៉ាងហោចណាស់ ៧០០ ដងមកហើយ។

ជនសង្ស័យឈ្មោះ Tetsuo Urata អាយុ ៥៦ ឆ្នាំត្រូវចាប់ខ្លួនកាលពីថ្ងៃទី ២៤ ខែសីហាបន្ទាប់ពីបានលួចខោទ្រនាប់ចំនួន ៦ គូរបស់និស្សិតស្រីអាយុ ២១ ឆ្នាំនៅ Coin laundry ។

បន្ទាប់ពីត្រូវចាប់ខ្លួន ប៉ូលីសបានធ្វើការឆែកឆេរផ្ទះ ហើយរកឃើញខោទ្រនាប់ដែលលួចបានចំនួន ៧៣០ បន្ថែមទៀត។ សូមក្រឡេកមើលរូបថតក្នុងធ្វីតខាងក្រោម៖

このニュースを見て久しぶりに思い出しました。大学受験のために泊まっていたホテルのコインランドリーで下着を盗まれたことを。あれはほんとうにショックでした…。

下着泥棒　自宅から女性用下着700点以上が押収　56歳男逮捕　大分(フジテレビ系（FNN）)#Yahooニュースhttps://t.co/KHOCqA31fj

— 女優55 (@oscar_ymx55) September 4, 2021

ប៉ូលីសបានអោយដឹងថា៖ “យើងមិនធ្លាប់រឹបអូសខោទ្រនាប់ច្រើនដល់ថ្នាក់នេះទេ” ។

ចំពោះបញ្ហានេះអ្នកប្រើបណ្តាញសង្គមបានសម្តែងអារម្មណ៍ខកចិត្ត៖

• “កាលពីមុនអ្នកអាចលួចខោអាវមួយឬពីរនៅហាងបោកគក់បានយ៉ាងងាយស្រួល ប៉ុន្តែឥឡូវនេះពួកគេបានបំពាក់កាមេរ៉ាសុវត្ថិភាព ដូច្នេះសូមបញ្ឈប់ទង្វើនេះទៅ” ។
• បាត់របស់វាអាក្រក់ណាស់ទៅហើយ ក្រោយមកត្រូវចំណាយប្រាក់ទិញបន្ថែម។
• សម្រាប់យើងគាត់យកច្រើនពេកហើយ ប៉ុន្តែសម្រាប់គាត់វាមិនច្រើននោះទេ។

RIN