កីឡាករជនពិការកម្ពុជា វ៉ាន វ៉ុន ទទួល​បាន​ចំ​ណាត់​ថ្នាក់​លេខ៧ នៃ​ព្រឹត្តិ​ការណ៍​ប៉ា​រ៉ា​ឡាំ​ពិក​តូក្យូ ឆ្នាំ​២០២០

CAMSOC-ភ្នំពេញ៖ កីឡាករជនពិការជម្រើសជាតិ​កម្ពុជា វ៉ាន វ៉ុន បាន​បញ្ចប់​ការ​ប្រ​កួត​វគ្គ​ផ្ដាច់​ព្រ័ត្រ​ហើយ ដោយ​ទទួល​បាន​ចំ​ណាត់​ថ្នាក់​លេខ​៧ ក្រោយ​ប្រើ​ថិរ​វេ​លា ១៤.២១វិនាទី លើ​វិញ្ញា​សា​ប្រ​ណាំង​រទេះ T54 ចម្ងាយ ១០០ម៉ែត្រ នៃ​​ព្រឹត្តិ​ការណ៍​ប៉ារ៉ា​ឡាំ​ពិកទី​ក្រុង​តូក្យូ ឆ្នាំ​២០២០ (2020 Tokyo Paralympic Games) នៅ​ល្ងាច​ថ្ងៃទី​០១ ខែ​កញ្ញា ឆ្នាំ​​២០២១។

រូបភាព Cambodia SEA GAME 2023

សម្រាប់កីឡាករជ័យលាភីវិញ្ញាសាដែលមានបេក្ខភាព​ប្រ​កួត​វគ្គ​ផ្ដាច់​ព្រ័ត្រ ៨នាក់នេះ មេដាយមាសបានទៅកីឡាករ​ថៃ Athiwat Paeng-Nuea ប្រើ​ថិរវេលា ១៣.៧៦វិនាទី ខណៈមេដាយប្រាក់បាន​ទៅ​អតីត​ម្ចាស់​មេដាយមាសនៅទីក្រុង Rio ឆ្នាំ ២០១៦ គឺកីឡាករហ្វាំងឡង់ Leo Pekka Tahti ប្រើថិរវេលា ១៣.៨៥វិនាទី និងមេដាយសំរឹទ្ធបានទៅកីឡាករម៉ិកស៊ិក Juan Pablo Garcia ប្រើថិរវេលា ១៣.៨៧វិនាទី។

ចំពោះកីឡាករ វ៉ាន វ៉ុន ដ្បិតមិនអាចដណ្ដើមមេដាយជូនជាតិ តែលោកធ្វើបានយ៉ាងល្អ ជាមួយការបង្កើតកំណត់ត្រាផ្ទាល់ខ្លួន ឈានដល់វគ្គផ្ដាច់ព្រ័ត្រ នៃព្រឹត្តិការណ៍ពិភពលោក ៤ ឆ្នាំម្ដងនេះ។ មិនតែប៉ុណ្ណោះ វ៉ាន វ៉ុន ក៏បានបំ​បែក​ថិរវេលា​ចាស់​របស់ខ្លួន ដែលធ្វើបានក្នុងការប្រកួតជម្រុះ (Heat-1) ដោយប្រើថិរវេលា ១៤.៣៩ វិនាទី​ផង​ដែរ។

ប្រភព Cambodia SEA GAME 2023

Japo Cambodia