យុទ្ធសាស្ត្រអមនុស្សធម៌របស់ជប៉ុនចំពោះទាហានអំឡុង​សង្គ្រាម​លោក​លើក​ទី ២

សង្គ្រាមលោកលើកទី ២ គឺជាសង្គ្រាមធំបំផុតដែលជប៉ុនធ្លាប់ឆ្លងកាត់។ ក្នុងចំណោមនោះការប្រយុទ្ធនឹងសហរដ្ឋ​អាមេរិក​សាហាវ​ជាង​គេ។ ដើម្បីយកឈ្នះជប៉ុនបានអនុវត្តយុទ្ធសាស្ត្រអមនុស្សធម៌ជាច្រើន។

ពួកគេបានបង្កើតអង្គភាពវាយប្រហារពិសេសឈ្មោះ Kamikaze ។

រូបភាព https://nordot.app/798767547706327040

ពន្យល់ដោយសាមញ្ញនេះជាអង្គភាពដែលមានឯកទេសខាង “បំផ្ទុះគ្រាប់បែកអត្តឃាត” របស់ទាហានជប៉ុនកាលនោះ។ ពួកគេដាក់គ្រាប់បែកមួយលើយន្ដហោះចម្បាំង ហើយចាក់ប្រេងសម្រាប់តែការចេញដំណើរប៉ុណ្ណោះ បន្ទាប់​មក​តម្រង់​ទៅ​រក​សត្រូវ។

Kamikaze បង្កការខូចខាតយ៉ាងច្រើនទៅលើនាវាចម្បាំងអាមេរិក វាយពន្លិចនាវា ៥៥ គ្រឿង បំផ្លាញនាវា ១៩៨ គ្រឿង សម្លាប់មនុស្សចំនួន ៨,០៦៤ នាក់ និងរបួសចំនួន ១០,៧០៨ នាក់។

ផ្ទុយទៅវិញ ភាគីជប៉ុនមនុស្សចំនួន ៣,៩៤៨ នាក់រួមទាំងកងទ័ព និងកងទ័ពជើងទឹកបានទទួមមរណភាពក្នុងនាមជាសមាជិក Kamikaze ។

អាមេរិកចាត់ទុកយុទ្ធសាស្ត្របំផ្ទុះគ្រាប់បែកអត្តឃាតរបស់ជប៉ុនជារឿងឆ្កួត ប៉ុន្តែនៅពីក្រោយនោះជាគោលនយោ​បាយ​យោ​ធា​ខុស​ឆ្គង និងអមនុស្សធម៌។

រោងចក្រសូកូឡាសម្ងាត់

កាលពីខែកញ្ញាឆ្នាំ ២០១៦ សិស្សស្រីជាច្រើនត្រូវគេបញ្ជូនទៅរោងចក្រដែលត្រៀមសម្រាប់ធ្វើការវេចខ្ចប់សូកូឡាជូនទាហាន។

ជារៀងរាល់ថ្ងៃ ពួកគេត្រូវវេចខ្ជប់សូកូឡាដែលមានប្រវែងប្រហែល ១៥ សង់ទីម៉ែត្រ។ ថ្ងៃដំបូងពួកគេកោះហៅសិស្សជំនាន់ចុងក្រោយម្នាក់ឡើងទៅលើដំបូល ហើយស្នើឲ្យនាងហូបសូកូឡា។ ថ្វីត្បិតតែ ធំដឹងក្តីក្នុងគ្រួសារអ្នកមាន ប៉ុន្តែ​ក្មេងស្រីរូបនោះមិនដែលហូបសូកូឡាឡើយ។

បន្ទាប់ពីសប្បាយរីករាយខាំសូកូឡាមួយមាត់ នាងមានអារម្មណ៍ថារាងកាយឡើងក្តៅ។

“សូកូឡាដែលកងទ័ព Kamikaze បានទទួលប្រាកដជាមានផ្ទុកគ្រឿងផ្សំមិនធម្មតា” រៀមច្បងក្នុងអង្គភាពនិយាយ​​​​ដូច​​​នេះ។

នៅក្នុងបន្ទះសូកូឡាទាំងនោះមានសារធាតុរំញោច។ ក្នុងកំឡុងសង្គ្រាមមានថ្នាំមួយប្រភេទឈ្មោះថា Hiropon ដែល​គេលក់លើទីផ្សារ ថ្នាំត្រូវបានគេឃោសនាថា “ជាប្រភេទឱសថជួយបំបាត់ភាពអស់កម្លាំង” ។ ប្រភេទសូកូឡាដែល​សិស្សស្រីវេចខ្ចប់មានផ្ទុក Hiropon ។

សូកូឡាមិនមែនជារបស់តែមួយគត់ដែលមានផ្ទុកសារធាតុរំញោចនោះទេ។ ទាហានដែលហោះហើរឆ្ងាយ និងធ្វើការវាយប្រហារពិសេស​នឹង​ផឹក​ស្រា Genkizake ។ ស្រានេះមានផ្ទុកសារធាតុរំញោចផងដែរ។

ពួកគេចាក់ស្រាដែលមានផ្ទុកសារធាតុរំញោចចូលទៅក្នុងពែងរបស់ទាហាន។

សមាជិកក្រុម Kamikaze សុខចិត្តស្លាប់ដើម្បីការពារមនុស្សជាទីស្រលាញ់របស់ពួកគេ ដើម្បីប្រយោជន៍ប្រទេស និងគ្រួសារ​របស់​ពួក​គេ។

ទោះជាយ៉ាងណាក៏ដោយមិនថាពួកគេក្លាហានយ៉ាងណានោះទេ អារម្មណ៍ភ័យខ្លាចចំពោះការប្រយុទ្ធលើសពីការរំពឹង​ទុក​​របស់​​ពួក​​គេ ដែលធ្វើឲ្យ​ទាហានអាចនឹងរាថយ ដូច្នេះថ្នាំរំញោចជួយបង្កើនទឹកចិត្ត។

ប៉ុន្តែមិនថាមូលហេតុអ្វីក៏ដោយបង្ខំឲ្យ​ទាហានប្រើថ្នាំរំញោចជារឿងដែលមិនអាចលើកលែងបានឡើយ។ ពិត​ជា​​អមនុស្ស​​ធម៌​​​ពេក​​​ហើយ។

នេះពិតជាយុទ្ធសាស្ត្រឆ្កួត និងប្លែកបំផុតនៅលើពិភពលោក។

សង្ឃឹមថាសង្គ្រាមនឹងមិនកើតឡើងម្តងទៀតទេ។

Kengo Abe